Daniel 8:26 - Syin Chin Bible

²⁶ Nitak le zingsang biakpiakna thu taw kisai a, hi mukholna ii khiakna bang nang tung hong kisonsa teng taangtung tu hi. Ahihang hi mukholna thu a taangtun tu hun khuangei lai tu ahikom tu in thuku in koi in,” hong ci hi.

Daniel 8:26 Iomraidhean Croise

Isaiah 24:22

Dum sungah thongtaakte bangin Pathian in kumpi honkhat kaikhawm tu hi. Amate daan piak tu hun hong thet mateng Topa in thong sungah khabil tu hi.

Ezekiel 12:27

“A thithei mihing awng, Israel te in na mukholnate le kamsaannate sia maisang a khuala mama hun atu hi, ci in a ngaisun uh hi.

Daniel 10:1

(Cyrus ii Persia kumpilian a sua zawk a kum thum kumin Belteshazzar a kici Daniel tungah thu khat kipualaak hi. Tua thu in thumaan ahihang telhak mama hi. Tua thu sia ama tungah mukholna taw in kisonthiang hi.

Daniel 10:14

Mai lamsang na mipuite tungah a piang tu thute a telsak tu in hong pai ka hi hi. Hi sia in maisang thu tu mukholna ahi hi,” ci hi.

Daniel 11:2

Tua hi a, tu a kong son tu thu in thumaan ahi hi,” ci hi. Vantunglalang in, “Kumpi thum in Persia ngam uk lai tu a, tua zomin a dang teng sangin a hau zaw kumpi a lina hong khang tu hi. Ama in a thahatbel laitak le a haubel laitakin Greece kumpi ngam thato tu hi.

Daniel 12:4

Ama in kei tungah, “Daniel awng, tu in leitung bo dong tua laibu khup in a, a tungah tazeik tum in. Tua hun sungin, mihing tam mama in bang thu piang ziam ci thu a heak nopna taw hanciam thawthong tu uh hi,” hong ci hi.

Daniel 12:9

Ama in, “Daniel awng, tu in na pai kul tu hi, banghang ziam cile hi kammalte sia a tawpna hong thet mateng kiseal in, thuku a koi tu ahi hi.

Thupualaakna 10:4

Amate pau zawk po ciangin lai taw ciamtee tu in, at ka kipan hi. Ahihang vantung pan awnging khat ka za a, “Vanto salite ii pauna sia thuku in koi in, lai taw at heak in,” hong ci hi.

Thupualaakna 22:10

Tuaciang vantunglalang in kei kungah, “Hi laibu sung a ki at thute a tun tu hong nai zo ahikom, iimcip heak in” hong ci hi.