Daniel 8:24 - Syin Chin Bible

²⁴ Ama a thahat tu a — ahihang ama ii hantang thahatna hi ngawl tu hi. Ama in a lauhuai siatna piangsak tu a, a sep theampo zo tu hi. Ama in mihing thahatte le Pathian ii mihingte susia tu hi.

Daniel 8:24 Iomraidhean Croise

Psalm Late 37:35

Khatvei lai in mihing seksol ahi ngual a zothaw ngawp thei khat ka he ngei hi; ama in Lebanon mualtung ah cedar thingkung khat bangin ngual tungtuangin om hi;

Daniel 11:23

Kilemna vawtna taw, ama in minam dangte theam tu a, ama sia minam no khat bek uk hi napi thahat vaial tu hi.

Daniel 12:7

Vantunglalang in a khutte nii van sangah laamto a, Tawntung Pathian min taw a ciliap huai kamciamna khat vawt hi. Ama in, “Kum thum le kum lang hi tu hi. Pathian mite a kivawtsiatna a bo ciang hi thute theampo piang siat zo tu hi,” a ci ka za hi.

Daniel 7:25

Ama in Lianbel Pathian sia sonsia tu a Pathian ii mihingte nengcip tu hi. Ama in amate ii biakna taw kipawl thukhamte le poai vawtnate khealsak tu in hanciam tu hi, Pathian ii mihingte sia ama ii khutnuai ah kum thum le kumlang om tu hi.

Daniel 8:10

Ama sia vantung ngalkaphonpi, aksite mama do zawk khom natu in thahat a, pawlkhatte leitung ah lawn suk in tuanhcil hi.

Daniel 8:11

Ama in vantung ngalkaphonpi Ukpa ngawngawn nalh in ama tungah ni sim a kipia biakpiaknate khaamin Biakinnpi melsia hi.

Daniel 8:12

Tua munah ni sim biakpiakna a piak luangin mihingte in mawna khialna vawt uh a, biakna maan sia lei ah vawk uh hi. Tua kii in a sepna theampo ah ma tun hi.

Daniel 8:23

“Tua kumpi ngamte a bo kuan ciang seksol mama zo ahikom tuate daan kipia tu hi, tuaciang ama thu bek thu a sa, siatna nguicing a vawt a thinkoai le ngualtheam thei kumpi khat piang tu hi.

Thupualaakna 16:6

Amate in Pathian ii mihingte le, kamsaangte chisan keesak ahikom amate dawn tu in chisan a pia zo hi. Amate in a kiphu a kilawm in thuak hi,” a ci ka za hi.

Thupualaakna 17:17

Banghang ziam cile Pathian in, amate ii thinsung ah ama tupnate a sep khop nop natu, Pathian kammalte a tun mateng a uk natu in, nganhing tungah amate vaangneina pia uh hi.

Thupualaakna 17:6

Tuaciang numei nu sia Pathian ii mihingte chisan le Jesus tungah a thumaan uh hu in a kithatte chisan sia zukham bangin a kham ka mu hi. Ama ka mu ciangin lamdang ka sa mama hi.

Thupualaakna 19:2

Ama ii thukhennate sia maanin tang hi! Ama in a paktatna taw leitung a lalsak pumpi zuaknu sia nilkeak zo hi. Pathian in ama daan pia hi, banghang ziam cile ama in Pathian naseamte thatlum hi,” ci uh hi.