Daniel 8:22 - Syin Chin Bible

²² A kii po masabel sia a tal zawkciang a po kii lite sia, tua ngam a kikhenna pan hong piang tu kumpi ngam li a cinopna ahi hi, tua ngam lite sia a masabel kumpi ngam za in thahat ngawl tu uh hi.

Daniel 8:22 Iomraidhean Croise

Daniel 11:4

Ahizong a tha a hatbel laitakin a kumpi ngamlian kitamhtham tu a, khen li kisua tu hi. Ama ii suan le paal ahi ngawl kumpite in ama taangin uk tu a, ahihang amate in ama ii vaangletna za in vaang nei ngawl tu uh hi.

Daniel 7:6

Ka et laitakin nganhing khat kilangh hi. Tuasia pawlbeam taw kibang a, ahizong a nungzaang ah vacim tha taw a kibang tha li om in lutang li nei hi. Thu nei tuak khat in kimu hi.

Daniel 7:7

Ka et lalai le, nganhing a lina kilangh hi. Tuasia vaang nei a lauhuai in kiitakhuai hi. A mat sate sia a thik ha lian taw khimtham in tua zawkciang tuanhcil hi. Nganhing dangte taw kibang ngawlin, kii sawm nei hi.

Daniel 8:21

Keal sia Greece kumpi ngam cinopna hi a, a mitte kilaklaw ah a po a kician kii sia kumpi masabel cinopna ahi hi.

Daniel 8:23

“Tua kumpi ngamte a bo kuan ciang seksol mama zo ahikom tuate daan kipia tu hi, tuaciang ama thu bek thu a sa, siatna nguicing a vawt a thinkoai le ngualtheam thei kumpi khat piang tu hi.

Daniel 8:3

tua ngun pangh ah kiisau nii a nei tuutal khat ka mu hi, a kii khat sia a dang sia sangin sau zaw in thak zaw hi.

Daniel 8:8

Tua keal sia kisathei vaial a, ahizong a thahatbel laitakin a kii taltan hi. Tua a kii pona munah a kician mama kii li poto a, tuate in mun tuatuam tek kawk uh hi.

Zechariah 6:1

Mukholna dang khat ma ka nei hi. Tusia hun ciang taau mual nii kilaklaw pan siphu ngalleang li hong pusuak ka mu hi.