Daniel 8:15 - Syin Chin Bible

¹⁵ Mukholna ii a khiakna tel nuam a ka hanciam laitak, tha khat thu in ka mai ah mihing khat hong ding hi.

Daniel 8:15 Iomraidhean Croise

Isaiah 9:6

Eite atu nausen khat hong suak hi! Ei atu tapa khat hong kipia hi! Tuaciang ama in eite hong ukpa hi tu hi. Ama sia, “Lamdang, Thu lakpa” “Vaanglian Pathian,” “Tawntung Pa,” “Kilemna Kumpi” kici tu hi.

Daniel 10:16

Tuaciang mihing taw a kibang tua vantunglalang in a khut hong thaak a, ka muk hong thamsak hi. Keima in ama tungah, “Syapa awng, hi mukholna in ka tha hong zawmsak mama a, ka ciliing a thai thei bua hi.

Daniel 10:18

Ama in khatvei ma hong len kik lai a, tuasia ciang ka tha hatzaw ka sa hi.

Daniel 10:5

Ka etto le puannealte silh a, khamh ciitak kawngkhau a thua mihing khat ka mu hi.

Daniel 12:8

Ama thu son ka za hi, ahihang a cinopna ka tel bua hi. Tua ahikom, “Tuale, topa awng, tuasia bangbangin bo tu ziam?” ci in ka dongh hi.

Daniel 7:13

Hi mukholna ka mu ni zanin mihing taw a kibang khat ka mu hi. Ama sia meeikaai in kiim uum in ka kung hong neak a, tuaciang a nungta tawntung pa kung zuanin tua pa taw kimu hi.

Daniel 7:28

Hi sia thu tepteena ii tawpna ahi hi. Ka lau mama hu in ka mai daang a, thu theampo keima thinsung bek ah ka koi hi.

Daniel 8:1

Belshazzar kumpi a sua zawk a kum thum kumin a nii veina mukholna ka nei hi.

Daniel 8:19

ama in, “Pathian thin uukna hangin hong piang tu thute kong lak hi. Tua mukholna in a tawpna hun a lakna ahi hi.

Zechariah 1:9

Ama ka dongh a, “Topa awng, hi siphute in bang khiakna nei ziam?” ka ci hi. Ama in, “Bang ci nuam ziam kong lak tu hi.

Matthew 13:36

Jesus in mipite nusia in innsung sangah a tum ciangin, a nungzuite ama kungah hong pai a, “Lo sungah mimphei thu thusonteena sia ii khiakna hong son ta'n,” ci uh hi.

Matthew 24:15

“Kamsaangpa Daniel ii son ‘A kiitakhuai mama sia’ na mu tu uh hi. Tua in a thiangthona munah ding tu hi.” (Hi lai a sim sia in tel tahen!)

Matthew 24:30

Tuasia ciang Mihing Tapa ii lim sia van ah hong kilangh tu hi; Mihing Tapa sia van ah meeikaai tung pan vaangletna le minthanna lianpi taw hong pai a mu uh ciangin, leitung mihing theampo kap tu uh hi.

Mark 13:14

“ ‘A kiitakhuai mama thu’ sia a kilawm ngawlna munah hong piang, na mu tu uh hi.” (Hi lai a simte ii teptee tu thu hisia ii khiakna sia bang ziam ci in tel tavun!) “Tua hun ciangin Judea ngam a omte in mual tungah tai tahen.

Mark 4:12

Tuasia ciang: ‘Amate in e en ahihang a mu buatu hi; ngangai tu ahihang a tel buatu hi. Banghang ziam cile amate in mu thei, za thei thong le Pathian kungah heak kik tu uh a, tuaciang ama in a mawna uh maisak tu hi.’ ”

Joshua 5:14

“Khat zongh hi bong, kei sia hi lai ah Topa ii ngalkaphonpi uk pa in om khi hi,” ci in zo hi. Joshua sia ama bia tu in lei ah bok a, “Syapa awng, kei na naseampa khi hi, bang hong vawtsak nuam ni ziam?” ci hi.

Thupualaakna 1:13

tuate kawmah mihing taw a kibang khat ka mu a, ama in a peang dong a tualsuk puan khat silhin, a awm kiimkot ah khamh kawngkhau khat vet hi.

Thupualaakna 13:18

Hi thu sungah ciimna zak thei tu kisamh hi. Khua ngaisut theina a nei peuma in nganhing nambat sia ii khiakna sia tuat thei tu hi, banghang ziam cile, tua nambat sia mihing khat ii min ahi hi. Tua nambat sia 666 ahi hi.