Daniel 8:13 - Syin Chin Bible

¹³ Tuaciang vantunglalang khat in a dang khat ii munah, “Mukholna sungah a kimu hi thute bang tanvei kizom lai tu ziam? A kiihuai mawna khialna in ni sim biakpiaknate bang tanvei theak tu ziam? Vantung ngalkaphonpi le Biakinnpi sia bang tanvei kituanhcil tu ziam?” ci in a dok ka za hi.

Daniel 8:13 Iomraidhean Croise

Psalm Late 74:10

Pathian awng, bang tanvei, ih ngalte in nang hong nuisan tu ziam? Na min a tawntungin hong selno tu ziam?

Psalm Late 74:9

Koma ii tepteena lim thiangtho theampo bo siat zo hi; kamsaangte kuama taang nawn ngawl a, hisia bang tanvei khuangei tu ziam ci in kuama in he ngawl hi.

Psalm Late 79:5

Topa awng, kote tungah a tawntungin na thin hong uuk tu ni ziam? Na thin uukna sia mei bangin kuang tan tu ziam?

Isaiah 28:18

Thina taw na kiciam na kiphiat tu a, mithi khua taw na thukimna kiphiat tu hi. Siatna ii hong nawk ciang, note hong zothal tu hi.

Isaiah 6:11

Keima in, “Topa awng, hi bang ahi tu sia bang tanvei ngei tu ziam?” ci in ka dongh hi. Ama in, “Khuapite siacipin, a lei awngthong dong — innte innhawm a sua dong — a leitang kolh in leitul a sua dong ngamkhingin om tu hi.

Isaiah 63:18

Na mi thiangthote ahi, kote sia, ka ngalte in tawmvei sung teng hong notkeak hi: amate in na inn thiangtho sia tuanhcil hi.

Isaiah 9:6

Eite atu nausen khat hong suak hi! Ei atu tapa khat hong kipia hi! Tuaciang ama in eite hong ukpa hi tu hi. Ama sia, “Lamdang, Thu lakpa” “Vaanglian Pathian,” “Tawntung Pa,” “Kilemna Kumpi” kici tu hi.

Jeremiah 12:10

Hong uk ngamdangmi tam mama in ka sapithuan siasak uh hi, amate in ka lote tuanhcil zo uh hi; a dei huai ka leitang sennealngam suaksak uh hi.

Daniel 11:31

A ngalkap pawlkhatte in Biakinnpi melsia tu uh hi. Amate in ni sim biakpiaknate tawpsak tu uh a, Kiihuai Lauhuai Tophala khat koi tu uh hi.

Daniel 12:11

“Ni sim biakpiakna te a kitawpsak hun pan, ahibuale Kiihuai Lauhuaina hun pan kipan ni 1,290 ngei tu hi!

Daniel 12:8

Ama thu son ka za hi, ahihang a cinopna ka tel bua hi. Tua ahikom, “Tuale, topa awng, tuasia bangbangin bo tu ziam?” ci in ka dongh hi.

Daniel 4:10

“Ka mut laitakin leitung laizang ah thingkung lian mama khat mukholna khat ka nei hi.

Daniel 4:13

“Ka mukholna thu ka ngaisut laitakin khua a phawk vilvel, a mit pilvang vantunglalang khat sia vantung pan hong tuaksuk ka mu hi.

Daniel 4:23

Kumpipa Nangma in na et laitakin, vantunglalang khat vantung panin hong tuaksuk a, ama in ‘Thingkung phuk in a, susia in, ahizong lei sungah a bul nusia in. A bul ah thik le taau kual vial in a, tua mun lo sungah lopate taw nusia in. Hisia pa tungah daaitui kia tahen a tua munah kum sali sung nganhingte taw teang tahen,’ ci hi.

Daniel 7:16

Tua munah a ding mihingte khat kungah ka paito a, hi sia ii khiakna hong son siat natu in ka dongh hi. Tua ahiciang ama in a khiakna hong son hi.

Daniel 7:23

Hi sia keima tungah hong kison a khiakna ahi hi: “Nganhing lina sia leitung ah a om tu kumpi ngamlian lina hi a, kumpi ngamlian dangte theampo taw kilamdang tu hi. Tuasia in leitung buppi sutham in tuanhcil tu hi.

Daniel 9:27

Tua ukpa in mihing tam mama taw kum sali atu thukimna kho khat vawt tu hi; hi hun ii khenlang hong cin ciangin ama in sangaw biakpiakna le biakpiaknate bosak tu hi. Kiihuai Lau huai Tophala sia Biakinnpi ii a saang belna munah kikoi tu a, Pathian ii vawtkhol bangin a koi pa a bo mateng in tua munah om top tu hi,” ci in hong son hi.

Zechariah 1:19

Keima hong paupui vantunglalang tungah, “Hi sakiite a khiakna bang ziam,” ci in ka dongh hi. Ama in, “Tuate in Judah, Israel le Jerusalem mite a kithethaangsak simlei vaangliante a cinopna ahi hi,” ci in hong zo hi.

Zechariah 14:5

Mual khen nii in a khen, tua kuam kaantanin no na suakta tu uh hi. Judah kumpipa Uzziah hunsung zinliin lai in, na taanghpupite tai bangin na tai tu uh hi. Topa ka Pathian in vantunglalang theampo hong pai pui tu hi.

Matthew 11:27

“Ka Pa in na theampo kei hong pia zo hi. Pa simngawl kuama in Tapa a tel zo bua a, Tapa le Tapa ii a telsak nop a teal mihingte simngawl kuama in Pa a tel bua hi.

Matthew 24:15

“Kamsaangpa Daniel ii son ‘A kiitakhuai mama sia’ na mu tu uh hi. Tua in a thiangthona munah ding tu hi.” (Hi lai a sim sia in tel tahen!)

Mark 13:14

“ ‘A kiitakhuai mama thu’ sia a kilawm ngawlna munah hong piang, na mu tu uh hi.” (Hi lai a simte ii teptee tu thu hisia ii khiakna sia bang ziam ci in tel tavun!) “Tua hun ciangin Judea ngam a omte in mual tungah tai tahen.

Luke 10:22

“Ka pa in na theampo kei hong pia zo hi. Tapa akua ziam ci sia Pa simngawl kuama in a he bua hi, tuaciang Pa akua ziam ci sia Tapa le Tapa ii heaksak tu in a tealte ngawl po in a he bua hi,” ci hi.

Luke 21:20

“Jerusalem sia ngalkaphonpite in hong kim uum na mu uh ciang, tua khuapi lalthap natu nai hi, ci in na he tu uh hi.

Luke 21:24

Pawlkhat namsau taw kithat tu a, a dangte ngam theampo ah thongtaak tu in kipaipui tu hi; tuaciangin amate ii hun a cin mateng in Gentile te in Jerusalem sia a peang taw tuanhcil tu hi.

John 1:18

Kuama in Pathian mu ngeingawl hi. Pa kungah a om, Pathian ma ahi, Tapa khat bek in Pathian hong hesak hi.

Thuhil kikna 33:2

Sinai Mual pan Topa hong pai a; Edom ngam tungah ni bangin suak in, Paran Mual pan a mite tungah taang hi. Vantunglalangte tulsawm ama taw omkhawm a, a ziatsang khut taw meikuang khat toai hi.

1 Thessalonica te 3:13

Hi bangin ama in no hong thahatsak tu a, ama ii neisa mihing theampo taw Topa Jesus hong pai ciang, ih Pa Pathian omna ah sit baang ngawlin na thiangtho tu uh hi.

Hebrew te 10:29

Tua ahile Pathian Tapa a zawngsak pa sia bang suak tu ziam? Mawna pan a, a thiansua Pathian thuciamna chisan a awlmaw ngawlte, thuthiamna Thaa a zawngsak te, bang tek suak tu ziam? Ngaisun vun, tuabang mihing khat ii thuak tu a kilawm daan sia bangza in nasia zaw tu ziam!

1 Peter 1:12

Vantung panin Thaa Thiangtho ii vang taw a sawl, Lungdamna Thupha a thangsak, thupuakte tung pan tu in na zaak uh thute Pathian in hi kamsaangte tungah a pualaakna ah cileang, amate nasep sia in amate phattuam na tu in a seam hi ngawl a, noma atu in a seam hizaw hi. Hi thute sia vantunglalangte dong ii a tel nop uh thu ahi hi.

Jude 1:14

Adam suan a khang salina, Enoch in hi bangin, amate huvau sonkhol hi. “Topa sia a vantunglalang thiangtho tul tam mama te taw hong pai tu a,

Thupualaakna 11:2

Ahihang a huang puanung sia na tee heak in, banghang ziam cile tua mun sia Pathian he ngawlte atu a kipiasa hi a, amate in Khuapi Thiangtho sia tha sawmli le tha nii sung tuanhcil tu uh hi.

Thupualaakna 6:10

Amate in awnging tak taw au uh a, “Vaanglianpipa Topa, a thiangtho thumaan pa awng! Leitung ah kote hong that mihingte tungah thu na khen tu le, daan na piak tu sia bang tanvei khuangei lai tu ziam?” ci uh hi.

Thukhente 13:18

Vantunglalang in zo a, “Banghangin ka min he nuam ni ziam? Ka min sia a lamdang min hi,” ci hi.