Daniel 8:11 - Syin Chin Bible

¹¹ Ama in vantung ngalkaphonpi Ukpa ngawngawn nalh in ama tungah ni sim a kipia biakpiaknate khaamin Biakinnpi melsia hi.

Daniel 8:11 Iomraidhean Croise

Isaiah 37:23

Na selno a na nunau sia akua hi tu na um ziam? Keima Israel te ii a thiangtho Pathian hong melsia na hi hi.

Isaiah 37:29

Tua na thin uukna thu le na kiphatsakna thu he siat zo ka hikom tu in na naak ah thikkoai khat kong thua tu a, na kam ah kamkhau thua in, nong paina lampi zui in kong cia kiksak tu hi,” ci hi.

Jeremiah 48:26

Topa in, “Moab vaisak vun, banghang ziam cile ama in kei hong langpan hi. Moab sia ama luak sungah leiliik tu a midangte nui tu uh hi.

Jeremiah 48:42

Moab sia kisusia tu a, minam khat suak zo nawn ngawl tu hi, banghang ziam cile ama in kei hong langpan hi.

Ezekiel 46:14

Zing sim biakpiakna ah zungtaang vui kilogramme 2 le tua taw hel tu in olive thau litre khat taw zong pia khawm tu hi. Topa tungah hi biakpiakna ngeinate sia a tawntungin zui tu ahi hi.

Daniel 11:22

Ama a nalh pawpo, Pathian ii Thiampi Lianbel ahi keak zong kinil keakin, kibosak tu hi.

Daniel 11:31

A ngalkap pawlkhatte in Biakinnpi melsia tu uh hi. Amate in ni sim biakpiaknate tawpsak tu uh a, Kiihuai Lauhuai Tophala khat koi tu uh hi.

Daniel 12:11

“Ni sim biakpiakna te a kitawpsak hun pan, ahibuale Kiihuai Lauhuaina hun pan kipan ni 1,290 ngei tu hi!

Daniel 5:23

Vantung Topa na langpan a, a Biakinn pan na laak haite kuangte nong paipui hi. Nangma, na uliante, na zite le na zinote in tua haite taw zu ne in, khamh, ngunn, taau, thik, thing le suang taw a kivawt khuamu thei ngawl, khua za thei ngawl a, bangma a he ngawl pathiante na pok uh hi. Ahitazong na thi tu le na nun tu hong khensat a, na sep na vawt theampo hong uk Pathian na upat bua uh hi.

Daniel 7:25

Ama in Lianbel Pathian sia sonsia tu a Pathian ii mihingte nengcip tu hi. Ama in amate ii biakna taw kipawl thukhamte le poai vawtnate khealsak tu in hanciam tu hi, Pathian ii mihingte sia ama ii khutnuai ah kum thum le kumlang om tu hi.

Daniel 8:12

Tua munah ni sim biakpiakna a piak luangin mihingte in mawna khialna vawt uh a, biakna maan sia lei ah vawk uh hi. Tua kii in a sepna theampo ah ma tun hi.

Daniel 8:24

Ama a thahat tu a — ahihang ama ii hantang thahatna hi ngawl tu hi. Ama in a lauhuai siatna piangsak tu a, a sep theampo zo tu hi. Ama in mihing thahatte le Pathian ii mihingte susia tu hi.

Daniel 8:25

Ama sia thimthel pil ahikom ngual theamna taw in a ma tun tu hi. Ama kiphasak tu a, hil khol ngawlin mihing tam mama susia tu hi. Ama in kumpite sung pan a lianbel Kumpipa ngawngawn nalh tu a, ahihang mihing thahatna zangh ngawlin ama kisusia tu hi.

Daniel 9:25

Hi thu ciamtee in tel in: Jerusalem a kipua kik natu thupiakna a om hun pan kipan Pathian ii teal lampui pa hong thet dong kum sali mun salivei hun ngei tu hi. Jerusalem sia a lampite le a kidalna kulh khote taw kivawt kik tu a, kum sawmluk le kum nii ii a salivei kumte dong kho tu a, ahihang hi hun sia buaina hun hi tu hi.

Mi Simna 28:3

Hite sia Topa tungah a kipia tu an piakkhiatnate ahi hi: ni sim meihal biakpiak natu in a mealhem ngawl kum khat a pha tuutalno nii hi tu hi.

Luke 21:24

Pawlkhat namsau taw kithat tu a, a dangte ngam theampo ah thongtaak tu in kipaipui tu hi; tuaciangin amate ii hun a cin mateng in Gentile te in Jerusalem sia a peang taw tuanhcil tu hi.

2 Thessalonica te 2:4

Ama in pathian a kici theampo ahibuale biak thei theampo langpan tu a, tuate tungsia ah ama le ama kikoi tu hi. Ama in Pathian Biakinnpi sung ngawngawn ah tum in to tu a, Pathian ka hi hi ci tu hi.

Hebrew te 2:10

Ta tam mama in ama ii vaangletna a siim thei natu in, na theampo bitphua in a keam Pathian in, Jesus sia a thuakna tungtawnin a cialcing pa a suasak tu sia a maan thu hi takpi hi. Banghang ziam cile amate ngupna sung a then sia Jesus ahi hi.

Thupualaakna 17:14

Amate in Tuuno sia do tu uh hi; ahihang Tuuno in ama sapsa, tealsa le a thumaan nungzuite taw kopin zothal tu uh hi, banghang ziam cile ama sia topate ii Topa, kumpite ii Kumpipa ahi hi,” ci hi.