Daniel 7:4 - Syin Chin Bible

⁴ A masabel sia tawpi taw kibang a, ahizong muvanlai khat bangin tha nei hi. Ka et laitakin a thate tong hi. Tua nganhing sia kilaamto in mihing bangin kidingtosak hi. Tuaciang ama sia mihing ngaisutna kipia hi.

Daniel 7:4 Iomraidhean Croise

2 Samuel 1:23

“Saul le Jonathan, lamdangin ithuai a, a nunna ah nungta khawm, a thina ah thi khawm hi; muvanlaite sangin zuan ngang zaw, tawpi te sangin hat zaw hi.

Job 25:6

Tua ahile tangteal, lungno ahi tua mihing sia bangbang hi tu ziam? Pathian mit muna ah mihing sia man nei tham ziam?

Psalm Late 9:20

Topa awng, amate lausak in; a thithei te ahi lel hunlam kitelsak in.

Jeremiah 25:38

Tawpi khat in akua a nusiat bangin Topa in a mite nusia zo hi. A lauhuai ngal kidona le Topa ii a kiitakhuai thin uukna in hi ngam sennealngam suaksak zo hi.

Jeremiah 4:13

En vun, meeite bangin ngal hong pai hi. Amate ii siphu ngalleangte sia suumpei taw kibang a, a siphute sia muvanlaite sangin ngang zaw uh hi. Ei a lel ih hi hi! Ei a lal ih hi hi!

Jeremiah 4:7

Tawpi khat in a bukna mun pan hong pai bangin, ngamte a siasak tu khat hong kuan zo hi. Judah susia tu in ama hong pai hi. Judah ngam khuapite a siacip in kinusia tu a, kuama teang ngawl tu hi.

Jeremiah 48:40

A tha a phalh muvanlai khat bangin minam khat sia Moab ngam tungah hong suktun tu hi ci in Topa in kamciam zo hi,

Jeremiah 49:19

Tawpi in ngam tawnghtol sung pan hong pusuak a, lopa hingna Jordan ngundung zui in a pai bangin, keima kong pai tu a, Edom mite a ngam uh panin thakhat thu in ka taikeaksak tu hi. Tuasia ciang keima ii teal lampuipa in ngam uk tu hi. Kei taw kitee ngat thei tu akua om ziam? Akua in kei hong thato ngam tu ziam? Kei hong nalh zo tu ukpa akua om ziam?

Kaa late 4:19

Muvanlaite van pan suktun a hong len sang a manlang zaw in amate in ei hong zuizen suk hi. Amate in mual tungah ei hong sul zui a; sennealngam ah muanmawk ngawlin ei hong phaa hi.

Ezekiel 17:3

Kei, Vaanglianpipa Topa ii ka ci teng amate hesak in: muvanlai a lian mama khat om hi, a mul hoi in a thate lian mama a, zalh in a zai in phalh hi. Ama in Lebanon Mualte ah leangin cedar thingkung khat ii dawn tutan a,

Ezekiel 28:2

Ama in, “A thithei mihing awng, Tyre khua ukpa tungah Keima, Vaanglianpipa Topa ii ka ci teng son in: Kiphatsakna taw kidimin, pathian khat ka hi na ci hi. Tuipite kiim uum kumpi tokhum tungah pathian khat bangin ka to hi, na ci hi. Nang sia pathian khat bangin kiheang hikale te, tuabang hi ngawl ni hi, thithei ni hi, pathian pianzia na nei bua hi.

Ezekiel 28:9

Amate in nang thatlum tu in hong kuan ciangin pathian khat ka hi na ci ngam lai tu ziam? Hong thatlum tute na maingat ciang, nang sia a thithei na hi tu a, pathianzia a nei na hi bua het tu hi.

Daniel 2:38

Ama in nang sia mihing teenna leitung theampo, nganhingte le vacimte theampo a ukpa in hong koi zo hi. Tua khamh lutang sia nangma na hi hi.

Daniel 4:36

“Ka thin a ciim kik ciang ka minphatna, ka kumpi za le ka kumpi ngam ukna vaang hong kipia kik hi. Ka uliante le ka nampi mite in hong muak uh a, nidang sangin a lianzaw minphatna le ka kumpi vaang hong kipia kik hi.

Daniel 7:12

Nganhing dangte ahile a vaang kilaaksak a, ahizong a nuntak lai natu hun ciangtan khat kipia hi.

Daniel 7:5

A niina nganhing sia a nung peangte taw a ding vompui khat taw kibang hi. Tuasia in a hate taw telngu thum pu a, awnging khat in ama tungah, “Sa na neak zawk zaza ne tan lai in!” ci hi.

Matthew 24:28

“Mithi luang omna mun po ah vaciikte kikhawmtua tu hi.

Thuhil kikna 28:49

Topa in no hong langpan tu in a kampau na heak ngawl uh minam khat leimong panin hong puak tu hi. Muvanlai khat bangin amate in no hong man tu hi.

Thupualaakna 13:2

Tua nganhing sia pawlbeam bang hi a, a peang sia vom peang bang hi in, a kam sia tawpi kam bang ahi hi. Ngulpui in tua nganhing tungah, ama ii vaangletna, a kumpi tokhum le a lian thuneina teng pia hi.