Daniel 7:25 - Syin Chin Bible

²⁵ Ama in Lianbel Pathian sia sonsia tu a Pathian ii mihingte nengcip tu hi. Ama in amate ii biakna taw kipawl thukhamte le poai vawtnate khealsak tu in hanciam tu hi, Pathian ii mihingte sia ama ii khutnuai ah kum thum le kumlang om tu hi.

Daniel 7:25 Iomraidhean Croise

Isaiah 37:23

Na selno a na nunau sia akua hi tu na um ziam? Keima Israel te ii a thiangtho Pathian hong melsia na hi hi.

Daniel 11:28

Syria kumpipa sia Pathian mite ii biakna suksiat tu khensatna nei in ngal sungah a vanh laakte theampo taw a ngam zuan kik tu hi. Ama a uuk bang po in ngamta tu a, tua zawkciang a ngam ah cia kik tu hi.

Daniel 12:7

Vantunglalang in a khutte nii van sangah laamto a, Tawntung Pathian min taw a ciliap huai kamciamna khat vawt hi. Ama in, “Kum thum le kum lang hi tu hi. Pathian mite a kivawtsiatna a bo ciang hi thute theampo piang siat zo tu hi,” a ci ka za hi.

Daniel 2:21

Ama in hunte le khua hunte uk hi; ama in kumpite panmun pia a, kumpite phiat hi; ciimna le pilna a pia pa sia ama ahi hi.

Daniel 3:26

Tuaciang Nebuchadnezzar sia meiphualpi kongkha kungah paito a, “Shadrach! Meshach! Abednego! Lianbel Pathian ii naseamte awng, hong pusuak tavun!” ci in sam hi. Tuaciang amate thakhat thu in pusuak uh hi.

Daniel 4:17

Hi thu sia a pilvang le a phawk vilvel vantunglalangte ii thukhenna ahi hi. Tua ahiciang mun theampo ah om mihing theampo in, Lianbel Pathian in mihing kumpi ngamte tungah vaang nei a, ama ii teal khat pawpo — mihing thupi ngawl belte ngawngawn tungah zongh kumpi ngamte pia thei hi ci thu he tahen, ci in thangsak hi.’

Daniel 4:2

Lianbel Pathian ii ka tungah hong lak a lamdangte le nalamdang laknate ngai vun.

Daniel 4:25

Mihing huamsung panin hong kihawlkeak tu a, ngamsate taw na teang khawm tu hi. Khuital khat bangin kum sali sung lopa ne in lozau sungah zan na ngiak tu a, na tungah daaitui hong kia tu hi. Tuaciang Lianbel Pathian in mihing kumpi ngamte uk a, tuate sia ama ii teal khat pawpo pia thei hi ci sia na saang tu hi.

Daniel 4:32

Nangma sia mihing huamsung pan hong kibeng tu a, ngamsate taw teang khawmin, khuital khat bangin kum sali sung lopa na ne tu hi. Tuaciang, Lianbel Pathian in mihing kumpi ngamte uk a, a teal khat pawpo tungah kumpi ngamte pia thei ahi hunlam na he tu hi,” ci hi.

Daniel 7:18

Tuaciang Lianbel Pathian ii mihingte in kumpi vaangletna nga tu a, a tawntung a tawntungin keam tu uh hi,” hong ci hi.

Daniel 7:20

A lu tung a om kii sawmte ii thu le a zawkciang hong poto a, kii thumte a pukvawksak kii sia ii thu ka he nuam hi. Tuasia in mittangte le kam khat nei a, kiphatsak kam pau hi. Tuasia a dangte khat pawpo sangin kiitakhuai zaw hi.

Daniel 7:8

Tua kiite ka salh laitak a dang kiite sungah kiino khat hong poto ka mu hi. Tua kiino in tua munah a omsa kii thumte phulkeak hi. Hi kii in mihing mittangte le kiphatsak kam a pau kam khat nei hi.

Daniel 8:11

Ama in vantung ngalkaphonpi Ukpa ngawngawn nalh in ama tungah ni sim a kipia biakpiaknate khaamin Biakinnpi melsia hi.

Daniel 8:14

A dang vantunglalang in, “Nitak le zingsang kingawm 2,300 vei ngei tu a, tua hun sung teng ah biakpiakna kivawt ngawl tu hi. Tuasia zawkciang Biakinnpi sia a ngeina bangin kipua pha kik tu hi,” ci in a zona ka za hi.

Daniel 8:9

Tua kii lite sung khat tung pan kiino khat po a, a vaangletna in thangsang le nisuana sang le Kamciamsa Ngam sangah kizel hi.

Daniel 9:27

Tua ukpa in mihing tam mama taw kum sali atu thukimna kho khat vawt tu hi; hi hun ii khenlang hong cin ciangin ama in sangaw biakpiakna le biakpiaknate bosak tu hi. Kiihuai Lau huai Tophala sia Biakinnpi ii a saang belna munah kikoi tu a, Pathian ii vawtkhol bangin a koi pa a bo mateng in tua munah om top tu hi,” ci in hong son hi.

Hosea 7:16

Amate kei kung pan kiheak tawntungin vang nei ngawl pathian khat tuu uh hi. Amate sia thalkawng telh khat bangin muanhuai ngawl hi. A lampuite in kisak theina kampau ahikom amate thi ngamin thi tu a, tuaciang Egypt te nui tu uh hi,” ci hi.

2 Thessalonica te 2:3

Bangbang po ahizong kuama in na theamsak heak vun. Banghang ziam cile a khakbel Kileedona, hong om a, hell sung a theng tu in a kisep sa A Seksolpa hong kilangh mateng in tua Ni sia hong tung ngawl tu hi.

2 Thessalonica te 2:4

Ama in pathian a kici theampo ahibuale biak thei theampo langpan tu a, tuate tungsia ah ama le ama kikoi tu hi. Ama in Pathian Biakinnpi sung ngawngawn ah tum in to tu a, Pathian ka hi hi ci tu hi.

2 Thessalonica te 2:8

Tuasia zawkciangin A Seksolpa sia hong kilaak tu a, ahihang Topa Jesus hong pai ciang, a kam sung pan a huu pusuak sia taw ama that tu a, a taang velvol a vaangletna taw lalcipsak tu hi.

Thupualaakna 12:14

Tua numei sia sennealngam ama omna a zot natu in muvanlai lian khat ii thakhui nii kipia a, tua munah kum thum le kum lang sung ngulpui ii sim natu pan kikeamcing tu hi.

Thupualaakna 12:6

Numei sia sennealngam sungah tai a, Pathian vawt kholsaksa tuak munah ni 1,260 dong ama kikeamcing tu hi.

Thupualaakna 14:12

Pathian thupiakte ni a, Jesus tungah a thumaan Pathian ii mihingte atu in thuak zawkna kisamh hi.

Thupualaakna 16:6

Amate in Pathian ii mihingte le, kamsaangte chisan keesak ahikom amate dawn tu in chisan a pia zo hi. Amate in a kiphu a kilawm in thuak hi,” a ci ka za hi.

Thupualaakna 17:6

Tuaciang numei nu sia Pathian ii mihingte chisan le Jesus tungah a thumaan uh hu in a kithatte chisan sia zukham bangin a kham ka mu hi. Ama ka mu ciangin lamdang ka sa mama hi.

Thupualaakna 18:24

Kamsaangte le Pathian mite ii chisan le leitung ah a kithatlum theampo ii chisan sia, tua khuapi sungah kimu ahikom Babylon khuapi sia daan kipia hi.