Daniel 7:24 - Syin Chin Bible

²⁴ Kii sawmte sia tua kumpi ngamlian uk tu kumpi sawmte ahi hi. Tua zawkciang kumpi dang khat hong piang tu hi; ama sia a om masate taw kilamdang mama tu a, kumpi thumte lawnthal tu hi.

Daniel 7:24 Iomraidhean Croise

Daniel 11:36

“Syria kumpipa in ama uuk babangin ngamta tu hi. Ama in pathian khat pawpo sangin ka lian zaw a, a Lianbel Pathian sang zongin lian zaw ing, ci in kisathei tu hi. Ama sia Pathian ii daan a piak matengin tubangin kiphasak thei tu hi. Pathian in ama ii ngeal sa bang vateak in vawt tu hi.

Daniel 2:41

A peangpak le a peangmete khen khat sia thik hi a, khen khat tungman a hina zongh na mu hi. Tuasia in a kikhen ngamlian khat hi tu hi, a cina hi. Tungman le thik kingawm ahikom tua in thik ii thahatna a khomkhat nei tu hi.

Daniel 7:20

A lu tung a om kii sawmte ii thu le a zawkciang hong poto a, kii thumte a pukvawksak kii sia ii thu ka he nuam hi. Tuasia in mittangte le kam khat nei a, kiphatsak kam pau hi. Tuasia a dangte khat pawpo sangin kiitakhuai zaw hi.

Daniel 7:23

Hi sia keima tungah hong kison a khiakna ahi hi: “Nganhing lina sia leitung ah a om tu kumpi ngamlian lina hi a, kumpi ngamlian dangte theampo taw kilamdang tu hi. Tuasia in leitung buppi sutham in tuanhcil tu hi.

Thupualaakna 12:3

A dang lim lamdang khat zongh, van ah kilangh hi. Lu sali le kii sawm a nei, a lute khat ii sim tungah kumpilukhu a khu, ngulpui san lian mama khat om hi.

Thupualaakna 13:1

Tua zawkciang nganhing khat, tuipi sung pan hong pusuak ka mu hi. Ama in kii sawm le lutang sali nei hi; a kiite khat sim tungah kumpilukhu khat tek om a, a lutang khat sim tungah Pathian selnona min khat tek om hi.

Thupualaakna 17:3

Thaa in kei hong uk a, tua zawkciang vantunglalang khat in, sennealngam khat sungah hong paipui hi. Tua munah numei khat sia, a pumpi tung theampo a dim in, Pathian selnona minte a ki at nganhing san khat ii tungah a to ka mu hi; tua nganhing in lutang sali le kii sawm nei hi.