Daniel 7:22 - Syin Chin Bible

²² Tuaciang a nungta tawntung mihingpa hong pai a, Lianbel Pathian ii mihingte ngumin thu khen hi. Pathian ii mihingte ii kumpi vaangletna a nga natu hun hong theng zo hi.

Daniel 7:22 Iomraidhean Croise

Psalm Late 149:5

Pathian ii mihingte in zawna mualsuana tungah lawp in zankhuateak lungdam takin late sa tek tahen.

Isaiah 63:4

Ka mite ka ngup tu hun hong theng zo hi ci in ka khensat hi; a ngalte daan piak tu hun hi zo hi.

Daniel 7:18

Tuaciang Lianbel Pathian ii mihingte in kumpi vaangletna nga tu a, a tawntung a tawntungin keam tu uh hi,” hong ci hi.

Daniel 7:23

Hi sia keima tungah hong kison a khiakna ahi hi: “Nganhing lina sia leitung ah a om tu kumpi ngamlian lina hi a, kumpi ngamlian dangte theampo taw kilamdang tu hi. Tuasia in leitung buppi sutham in tuanhcil tu hi.

Matthew 19:28

Jesus in, “A maan takin kong ci hi. Mihing Tapa sia hong pai tu Khang Thak hun sungah minthanna kumpi tokhum tungah hong to ciangin, no kei hong zui sawm le niite zongh kumpi tokhum tungah to in Israel minam sawm le niite na uk tu uh hi.

2 Thessalonica te 2:8

Tuasia zawkciangin A Seksolpa sia hong kilaak tu a, ahihang Topa Jesus hong pai ciang, a kam sung pan a huu pusuak sia taw ama that tu a, a taang velvol a vaangletna taw lalcipsak tu hi.

Thupualaakna 1:6

tuaciangin eite sia a Pathian le a Pa atu a seam tu in thiampi in hong vawt hi. Jesus Christ tungah minthanna le vaangletna sia a tawntung a tawntungin om tahen! Amen.

Thupualaakna 20:4

Tua zawkciang kumpi tokhumte ka mu a, a tungah a tote in thu a khen thei natu in vaangneina kipia hi. Pathian kammalte le Jesus ii pualaak thumaan thutak te a thansak uh hu a, a kithatte ii thaate zongh ka mu hi. Amate in nganhing le a lim a bia bua uh hi, tua bek dom ngawlin, a talki tungah ahibuale a khutte tung zongh ah nganhing tepteena a nei bua uh hi. Amate in hong nungta kikin Christ taw kum tulkhat kumpipate bangin a uk uh hi.

Thupualaakna 3:21

Keima in zawna nga zo a, tu in ka Pa kung kumpi tokhum tungah ka to bangma in zawna a ngate tungah keima kung ka kumpi tokhum tungah a to thei natu thu ka pia tu hi.

Thupualaakna 5:10

Nangma in amate sia eima ii Pathian na a seam tu in kumpi thiampite ukna na suaksak zo a, tuaciang amate in leitung uk tu uh hi.”