Daniel 7:20 - Syin Chin Bible

²⁰ A lu tung a om kii sawmte ii thu le a zawkciang hong poto a, kii thumte a pukvawksak kii sia ii thu ka he nuam hi. Tuasia in mittangte le kam khat nei a, kiphatsak kam pau hi. Tuasia a dangte khat pawpo sangin kiitakhuai zaw hi.

Daniel 7:20 Iomraidhean Croise

Daniel 7:11

Ka et laitakin tua kiino ii kiphatsakna kam a papau ka za thei lai hi. Ka et lalai ciang nganhing a lina sia kithatlum a, a luang sia meikuang sungah kivawkin kaanghtum hi.

Daniel 7:19

Tua zawkciang a dangte taw a kibang ngawl nganhing lina — a kiitakhuai mama, a mat sate sia a taau peangcin le a thik ha taw khimtham in a tuanhcil sia ii thu a tamzaw ka he nuam hi.

Daniel 7:21

Ka et laitakin, tua kii in Pathian ii mihingte do in zothal hi.

Daniel 7:23

Hi sia keima tungah hong kison a khiakna ahi hi: “Nganhing lina sia leitung ah a om tu kumpi ngamlian lina hi a, kumpi ngamlian dangte theampo taw kilamdang tu hi. Tuasia in leitung buppi sutham in tuanhcil tu hi.

Daniel 7:7

Ka et lalai le, nganhing a lina kilangh hi. Tuasia vaang nei a lauhuai in kiitakhuai hi. A mat sate sia a thik ha lian taw khimtham in tua zawkciang tuanhcil hi. Nganhing dangte taw kibang ngawlin, kii sawm nei hi.

Daniel 7:8

Tua kiite ka salh laitak a dang kiite sungah kiino khat hong poto ka mu hi. Tua kiino in tua munah a omsa kii thumte phulkeak hi. Hi kii in mihing mittangte le kiphatsak kam a pau kam khat nei hi.

Thupualaakna 12:3

A dang lim lamdang khat zongh, van ah kilangh hi. Lu sali le kii sawm a nei, a lute khat ii sim tungah kumpilukhu a khu, ngulpui san lian mama khat om hi.