Daniel 7:18 - Syin Chin Bible

¹⁸ Tuaciang Lianbel Pathian ii mihingte in kumpi vaangletna nga tu a, a tawntung a tawntungin keam tu uh hi,” hong ci hi.

Daniel 7:18 Iomraidhean Croise

Psalm Late 45:16

Nang ka kumpipa in, na taanghpupite kumpiza a laih tu tapa tam mama na nei tu hi. Tuaciang amate sia leitung bup a ukte na suaksak tu hi.

Psalm Late 49:14

amate sia tuute bangin a thi tu in kisee a, Thina sia amate tuucing pa a hi tu hi. Amate pumpi sia manlang takin muatin amate ii inn taw a kikhuala mithi khua ah a om uh ciang thutangte in amate tungah zawna mualsua tu hi.

Isaiah 14:2

Topa ii Israel mite a piaksa ngam ah a cia kik natu in minam tam mama in hu tu a, tua munah minamte sia Israel ii sila suak tu uh hi. Khatvei lai in Israel te a mante sia tu in Israel te in man tu a, khatvei lai amate a zothawte sia Israel mite in uk tu hi.

Daniel 7:14

Ngam theampo, minam theampo le paunam theampo pan mite in ama ii na a sep natu in ama sia thu neina, upatna le kumpi vaangletna kipia hi. A thuneina in a tawntungin kip tu a, a kumpi ngam bo ngeingawl tu hi.

Daniel 7:17

Ama in, “Hi nganhing lian lite sia leitung ah a piang tu kumpi ngamlian lite ahi hi.

Daniel 7:22

Tuaciang a nungta tawntung mihingpa hong pai a, Lianbel Pathian ii mihingte ngumin thu khen hi. Pathian ii mihingte ii kumpi vaangletna a nga natu hun hong theng zo hi.

Daniel 7:25

Ama in Lianbel Pathian sia sonsia tu a Pathian ii mihingte nengcip tu hi. Ama in amate ii biakna taw kipawl thukhamte le poai vawtnate khealsak tu in hanciam tu hi, Pathian ii mihingte sia ama ii khutnuai ah kum thum le kumlang om tu hi.

Daniel 7:27

Leitung kumpi ngam theampo ii vaang le a letna sia Lianbel Pathian ii mihingte tungah kipia tu hi. Amate kumpi vaang sia bo ngeingawl tu a, leitung a ukte theampo in amate na sepsakin a thu ni tu uh hi,” ci hi.

Obadiah 1:17

“Ahizong Zion Mual tungah pawlkhatte suakta tu uh a, tuaciang tuasia a thiangtho mun hi tu hi. Jacob mite in amate nga tu ahi a leitang sia tang tu uh hi.

Luke 1:33

Tuaciangin ama Jacob ii suan, a tawntung a maang kumpi hong hi tu a, ama ii ngam bo hun nei ngawl tu hi,” ci hi.

1 Corinth te 6:2

Pathian ii mihingte in leitung ii thukhen tu ahi hunlam he ngawl nu ziam? Pha hi, leitung ii thukhen tu na hi uhle, thunote tungtaang ah thukhen zo ngawl nu ziam?

Ephesus te 1:3

Ih Topa Jesus Christ ii Pa le Pathian tungah lungdamko tawng! Banghang ziam cile Christ taw kipumkhatna sungah ama in eite sia vantung ngam taw kisai thaa thupha theampo hong pia hi.

Ephesus te 6:12

Banghang ziam cile eite in mihing ngal ih do bua a, vantung a thaa ngilote hatna, a ukte, thuneite, hi khuazing hun sungah vaangletna neite ih do hi.

Thupualaakna 20:4

Tua zawkciang kumpi tokhumte ka mu a, a tungah a tote in thu a khen thei natu in vaangneina kipia hi. Pathian kammalte le Jesus ii pualaak thumaan thutak te a thansak uh hu a, a kithatte ii thaate zongh ka mu hi. Amate in nganhing le a lim a bia bua uh hi, tua bek dom ngawlin, a talki tungah ahibuale a khutte tung zongh ah nganhing tepteena a nei bua uh hi. Amate in hong nungta kikin Christ taw kum tulkhat kumpipate bangin a uk uh hi.

Thupualaakna 22:5

Zan a om nawn buatu a, amate in meiinn le nitaang kisamh nawn ngawl tu uh hi, banghang ziam cile Topa Pathian sia amate khuavak hi tu a, amate in a tawntung a tawntungin ukna nei kumpite bangin a maang tu uh hi.

Thupualaakna 3:21

Keima in zawna nga zo a, tu in ka Pa kung kumpi tokhum tungah ka to bangma in zawna a ngate tungah keima kung ka kumpi tokhum tungah a to thei natu thu ka pia tu hi.

Thupualaakna 5:10

Nangma in amate sia eima ii Pathian na a seam tu in kumpi thiampite ukna na suaksak zo a, tuaciang amate in leitung uk tu uh hi.”