Daniel 7:14 - Syin Chin Bible

¹⁴ Ngam theampo, minam theampo le paunam theampo pan mite in ama ii na a sep natu in ama sia thu neina, upatna le kumpi vaangletna kipia hi. A thuneina in a tawntungin kip tu a, a kumpi ngam bo ngeingawl tu hi.

Daniel 7:14 Iomraidhean Croise

Psalm Late 102:22

Topa bia tu in minamte le kumpi ngam tuatuamte hong kikhop ciangin tuabangin kipok tu hi.

Psalm Late 103:19

Topa in a kumpi tokhum sia vantung ah koi hi; ama in mun theampo a uk kumpipa ahi hi.

Psalm Late 145:13

Na ukna kip tawntung a, nang sia a tawntungin kumpipa na hi hi. Topa in a kamciamnate tungah thumaan a, a ngamtatna sung theampo ah hesuak thei hi.

Psalm Late 146:10

Topa sia a tawntung kumpipa ahi hi. Zion awng, na Pathian sia hun theampo ah maang tu hi. Topa pok vun!

Psalm Late 45:6

Pathian ii hong piak kumpi ngam sia a tawntung a tawntungin kikhomsuan tu hi. Na mite thukhaikim taw na uk hi;

Psalm Late 72:11

Kumpipa a kici theampo in ama mai ah kun tu uh a; minam theampo in ama atu sepsak tu uh hi.

Psalm Late 72:17

Kumpipa min kimangil ngei heak hen a; ni a taan laiteng ama minthang tahen. Kumpipa tungah ama in thupha a piak bangin minam tuatuamte in Pathian tungah thupha ngen tahen.

Psalm Late 8:6

Na vawt sa na theampo uk tu in na sep hi; bitphua sa theampo ii tungah na koi hi:

Isaiah 16:5

Tua zawkciang, David suan le paal sung pan khat sia kumpi suak tu a, ama in mihingte thumaanna le itna taw uk tu hi. Ama in a maan sia seam papaih tu a, thukhaikim thu omsak tu hi.)

Isaiah 60:12

Ahihang nangma na a seam ngawl minamte sia kilalcipsak tu hi.

Isaiah 9:6

Eite atu nausen khat hong suak hi! Ei atu tapa khat hong kipia hi! Tuaciang ama in eite hong ukpa hi tu hi. Ama sia, “Lamdang, Thu lakpa” “Vaanglian Pathian,” “Tawntung Pa,” “Kilemna Kumpi” kici tu hi.

Isaiah 9:7

Ama ii kumpi vaangletna sia kizomin khang tawto tu a; ama ii kumpi ngam sungah kilemna a tawntungin om tu hi. Ama in David kumpipa ii za lai tu a, ama ii vaangletna in a maan le thukhaikim bulphu in tu pan kipan hun bo dongin uk tu hi. Vaanglianbelpa Topa in hite theampo khensatin seam tu hi.

Daniel 2:35

Thakhatin thik, tungman, taau, ngunn le khamhte tamhneen ngawp a, khuakhaal lai ancilna mun a leivuite taw kibang hi. Vui in tuate seammang a, bangma taang nawn ngawl hi. Ahizong tua suangtum sia khang in mual cia pha a, leitung buppi huam hi.

Daniel 2:37

Kumpipa awng, nangma in kumpi theampo sung panin a lianbel na hi hi. Vantung Pathian in nang sia kumpi lian in hong koi zo a, vaangletna, thahatna le upatna hong pia zo hi.

Daniel 2:44

Tua ngamukte hun sungin, vantung Pathian in a bo ngeingawl tu kumpi ngam khat phut tu hi. Tua ngam sia kuama in zo zo ngawl tu a, ahizong tua ngam in kumpi ngamliante theampo zo ngawpin kip tawntung tu hi.

Daniel 3:4

thu puak khat in aw nging takin au a, “Ngam theampo, minam theampo le paunam theampo pan mihingte awng!

Daniel 4:3

“Pathian ii eite hong lak nalamdangte lian lawlawm hi! A vawt nalamdang laknate vaang nei lawlawm hi! Pathian sia a tawntungin kumpi hi a; ama in a tawntungin uk tu hi.

Daniel 6:26

Ka kumpi ngamlian sung a om mihingte theampo in Daniel ii Pathian a kiitak natu le a zatak natu in thu ka pia hi. “Ama in a nungta Pathian hi a, a tawntungin uk tu hi. A ngam kisiasak ngeingawl tu a, a vaangletna bo ngeingawl tu hi.

Daniel 7:18

Tuaciang Lianbel Pathian ii mihingte in kumpi vaangletna nga tu a, a tawntung a tawntungin keam tu uh hi,” hong ci hi.

Daniel 7:27

Leitung kumpi ngam theampo ii vaang le a letna sia Lianbel Pathian ii mihingte tungah kipia tu hi. Amate kumpi vaang sia bo ngeingawl tu a, leitung a ukte theampo in amate na sepsakin a thu ni tu uh hi,” ci hi.

Obadiah 1:21

Jerusalem ngalzote in Edom ngam simin, uk tu uh hi. Tuaciang Topa ama mama kumpi hi tu hi,” ci hi.

Micah 4:7

Amate liamin bai a, inn panin kikhuala hi, ahihang a taanglaite atu kipat kikna thak khat ka vawtsak tu a, amate minam lian khat suak tu hi. Amate tua hun pan kipan Zion Mual tung pan a tawntungin ka uk tu hi,” ci hi.

Matthew 11:27

“Ka Pa in na theampo kei hong pia zo hi. Pa simngawl kuama in Tapa a tel zo bua a, Tapa le Tapa ii a telsak nop a teal mihingte simngawl kuama in Pa a tel bua hi.

Matthew 28:18

Jesus in amate kung nai neakin, “Vantung le leitung ah thunei theina theampo a vekpi in kei hong kipia zo hi.

Luke 1:33

Tuaciangin ama Jacob ii suan, a tawntung a maang kumpi hong hi tu a, ama ii ngam bo hun nei ngawl tu hi,” ci hi.

Luke 10:22

“Ka pa in na theampo kei hong pia zo hi. Tapa akua ziam ci sia Pa simngawl kuama in a he bua hi, tuaciang Pa akua ziam ci sia Tapa le Tapa ii heaksak tu in a tealte ngawl po in a he bua hi,” ci hi.

John 12:34

Mihonpi in “Ih Thukham in Messiah nungta tawntung tu in hong son hi. Tua ahile bangbangin Mihing Tapa kilaamto tu hi, ci thei ni ziam? Hi Mihing Tapa sia akua ziam?” ci uh hi.

John 3:35

Pa in a Tapa it a, na theampo ama ii vaangletna sungah koi hi.

Hebrew te 12:28

Tua ahiciang, lungdam tek tawng, banghang ziam cile eite in, a kingawk thei ngawl ngam ih nga hi. Ama lungkim tu bangin, eite in thasiana le kiitakna taw Pathian tungah lungdamko in, ama bia tek tawng;

1 Peter 3:22

ama, vantung ah pai zo a, Pathian ii ziatsang ah om in, vantunglalangte, vantung thuneite le vaang neite theampo uk siat hi.

Thupualaakna 1:6

tuaciangin eite sia a Pathian le a Pa atu a seam tu in thiampi in hong vawt hi. Jesus Christ tungah minthanna le vaangletna sia a tawntung a tawntungin om tahen! Amen.

Thupualaakna 11:15

Tua zawkciang vantunglalang a salina sia in a lemle tum a, vantung ah awnging tatak taw, “Leitung uk natu vaangletna in ih Topa le ama Messiah ii neisa hi a, ama in, a tawntung a tawntungin uk tu hi!” ci hi.

Thupualaakna 17:14

Amate in Tuuno sia do tu uh hi; ahihang Tuuno in ama sapsa, tealsa le a thumaan nungzuite taw kopin zothal tu uh hi, banghang ziam cile ama sia topate ii Topa, kumpite ii Kumpipa ahi hi,” ci hi.

Thupualaakna 3:21

Keima in zawna nga zo a, tu in ka Pa kung kumpi tokhum tungah ka to bangma in zawna a ngate tungah keima kung ka kumpi tokhum tungah a to thei natu thu ka pia tu hi.