Daniel 7:13 - Syin Chin Bible

¹³ Hi mukholna ka mu ni zanin mihing taw a kibang khat ka mu hi. Ama sia meeikaai in kiim uum in ka kung hong neak a, tuaciang a nungta tawntung pa kung zuanin tua pa taw kimu hi.

Daniel 7:13 Iomraidhean Croise

Psalm Late 110:2

Zion panin Topa in na kumpi vaangletna hong khang tu hi. Ama in, “Na ngalte uk in” ci hi.

Psalm Late 2:8

Hong ngen ta'n, minamte theampo kong pia tu a, leitung bup nangma aa hi tu hi.

Psalm Late 47:5

Pathian in ama ii kumpi tokhum zuan to hi. Topa a pai to laitak lungdamna taw auna le lemle awte nging hi.

Jeremiah 49:19

Tawpi in ngam tawnghtol sung pan hong pusuak a, lopa hingna Jordan ngundung zui in a pai bangin, keima kong pai tu a, Edom mite a ngam uh panin thakhat thu in ka taikeaksak tu hi. Tuasia ciang keima ii teal lampuipa in ngam uk tu hi. Kei taw kitee ngat thei tu akua om ziam? Akua in kei hong thato ngam tu ziam? Kei hong nalh zo tu ukpa akua om ziam?

Ezekiel 1:26

Tua a kikhup siin sia ii tungah Sapphire suangmanpha taw a kivawt kumpi tokhum taw a kibang khat om a, tua tokhum tungah mihing taw a kibang lim khat to hi.

Daniel 2:44

Tua ngamukte hun sungin, vantung Pathian in a bo ngeingawl tu kumpi ngam khat phut tu hi. Tua ngam sia kuama in zo zo ngawl tu a, ahizong tua ngam in kumpi ngamliante theampo zo ngawpin kip tawntung tu hi.

Daniel 7:12

Nganhing dangte ahile a vaang kilaaksak a, ahizong a nuntak lai natu hun ciangtan khat kipia hi.

Daniel 7:2

hi bang ahi hi: Mun theampo pan vui hong va a, tuipi mai seam ngawp hi.

Daniel 7:22

Tuaciang a nungta tawntung mihingpa hong pai a, Lianbel Pathian ii mihingte ngumin thu khen hi. Pathian ii mihingte ii kumpi vaangletna a nga natu hun hong theng zo hi.

Daniel 7:9

Ka et laitakin kumpi tokhumte a om natu san tek ah hong kikoi hi. A nungta tawntung mihing khat sia tua kumpi tokhumte khat tungah to hi. A puante vuuk bangin paak a, a sam sia tuumul taw kibang hi. A kuang muite tungah a kinga a kumpi tokhum sia, meikaang a,

Daniel 8:15

Mukholna ii a khiakna tel nuam a ka hanciam laitak, tha khat thu in ka mai ah mihing khat hong ding hi.

Matthew 13:41

Mihing Tapa in, midangte a khialsakte le a sia vawt theampo khawm tu in, a vantunglalangte sawl tu a,

Matthew 24:30

Tuasia ciang Mihing Tapa ii lim sia van ah hong kilangh tu hi; Mihing Tapa sia van ah meeikaai tung pan vaangletna le minthanna lianpi taw hong pai a mu uh ciangin, leitung mihing theampo kap tu uh hi.

Matthew 25:31

“Mihing Tapa sia Kumpi bangin vantunglalangte taw hong pai ciangin, a kumpi tokhum tungah to tu a,

Matthew 26:64

“Nangma ci bang ahi hi. Ahihang na vekpi tungah kong ci hi: tu pan kipan Mihing Tapa sia Vaanglianbelpa ii ziatsang ah to a, van a meeikaai tung pan hong pai na mu tu uh hi!” ci hi.

Matthew 28:18

Jesus in amate kung nai neakin, “Vantung le leitung ah thunei theina theampo a vekpi in kei hong kipia zo hi.

Matthew 8:20

Jesus in, “Ngiate in kua nei a, vacimte in bu nei uh hi. Ahihang Mihing Tapa in lup natu le, tawlngak natu a nei bua hi,” ci in zo kik hi.

Mark 13:26

Tua zawkciangin Mihing Tapa sia hong kilangh tu a, meeikaai sungah vaangletna le minthanna lianpi taw hong pai tu hi.

Luke 21:27

Tuaciang Mihing Tapa hong kilangh tu a, vaangletna le minthanna taw meeikaai sungah hong pai tu hi.

Luke 21:36

Hong piang tu hi thute pan suatakna taw na kaantan zawk natu uh le, Mihing Tapa mai ah na din natu in, thahatna na nei natu kinging kholsa in, om in thungen tawntung tavun,” ci hi.

Luke 24:27

Jesus in ama huvau Moses ii laibute pan a kipan kamsaangte lai at theampo dong Laithiangtho a vekpi sungah a kison teng sonthiang hi.

John 12:34

Mihonpi in “Ih Thukham in Messiah nungta tawntung tu in hong son hi. Tua ahile bangbangin Mihing Tapa kilaamto tu hi, ci thei ni ziam? Hi Mihing Tapa sia akua ziam?” ci uh hi.

John 3:13

Tuaciangin vantung pan a hong paisuk Mihing Tapa simngawl kuama vantung ah kaato ngeingawl hi,” ci in zo hi.

John 5:27

Tuaciang ama ii Tapa sia thukhen theina thupia zo hi, banghang ziam cile ama Mihing Tapa ahi hi.

Sawltakte 7:56

“En vun! Vantung kihong mu khi hi, tuaciang Mihing Tapa sia Pathianziatsang ah, dingin om hi!” ci hi.

1 Thessalonica te 4:17

tua hunin a nungta lai eite sia Topa taw vui sungah kisi tu in, amate taw meei sungah hong kikaikhawm tu hi. Tuabangin eite in a tawntungin Topa taw ih omkhawm tu hi.

1 Timothy 6:16

Ama bek thi maw a; kuama in a nai a neak thei ngawlna khuavak sungah teang hi. Kuama in ama mu ngeingawl a; kuama in ama mu thei ngeingawl tu hi. Ama ii tungah zatakna le tawntung ukzawkna om tahen! Amen.

Hebrew te 2:14

Ama ci bangin tua tanote sia chi le sa taw a om mihingte ahi bangma, Jesus ama mama zongh amate bang hong suak a, amate mihing pianzia teng hong siim hi. Hi bang a hina sia banghang ziam cile ama thina tungtawnin thina tungah vaang a nei doaimangpa a lalcipsak natu hi a,

Hebrew te 9:24

Banghang ziam cile, Christ in a tatak sia ii lim ahi mihingte vawt Thiangtho Mun sungah a tum bua hi. Ama in vantung tatak ma ah tumin Pathian mai ah eite luangin, tu in a na kilak tawntung hi.

Thupualaakna 1:13

tuate kawmah mihing taw a kibang khat ka mu a, ama in a peang dong a tualsuk puan khat silhin, a awm kiimkot ah khamh kawngkhau khat vet hi.

Thupualaakna 1:18

Keima in a nungta pa ka hi hi! Keima sia ka thi zo a, ahihang tu in a tawntung a tawntungin, ka nungta hi. Thina le mithite khua ka uk hi.

Thupualaakna 1:7

En vun, meei tungah ama hong pai hi! Mihing khat simin ama mu tu hi, tuate sungah ama a hollette zongh kihel tu hi. Leitung mihing theampo ama hu in khuangaina taw tau tu uh hi. Tuabangin hong piang tatak tu hi!

Thupualaakna 14:14

Tuaciang khua ka et le, meeikaang khat ka mu a, tua meei tungah mihing bang khat to hi; a lu tungah khamh kumpilukhu khat khu a, a khut sungah phiau hiam khat toai hi.