Daniel 7:11 - Syin Chin Bible

¹¹ Ka et laitakin tua kiino ii kiphatsakna kam a papau ka za thei lai hi. Ka et lalai ciang nganhing a lina sia kithatlum a, a luang sia meikuang sungah kivawkin kaanghtum hi.

Daniel 7:11 Iomraidhean Croise

Daniel 11:45

Ama in a kumpi puanbuk liante ngawngawn sia Biakinnpi dinna mual le tuipi kilaklaw ah sa tu hi. Ahihang tua mun ah ama a hu tu om ngawlin thi tu hi,” ci hi.

Daniel 7:12

Nganhing dangte ahile a vaang kilaaksak a, ahizong a nuntak lai natu hun ciangtan khat kipia hi.

Daniel 7:8

Tua kiite ka salh laitak a dang kiite sungah kiino khat hong poto ka mu hi. Tua kiino in tua munah a omsa kii thumte phulkeak hi. Hi kii in mihing mittangte le kiphatsak kam a pau kam khat nei hi.

Daniel 8:25

Ama sia thimthel pil ahikom ngual theamna taw in a ma tun tu hi. Ama kiphasak tu a, hil khol ngawlin mihing tam mama susia tu hi. Ama in kumpite sung pan a lianbel Kumpipa ngawngawn nalh tu a, ahihang mihing thahatna zangh ngawlin ama kisusia tu hi.

2 Thessalonica te 2:8

Tuasia zawkciangin A Seksolpa sia hong kilaak tu a, ahihang Topa Jesus hong pai ciang, a kam sung pan a huu pusuak sia taw ama that tu a, a taang velvol a vaangletna taw lalcipsak tu hi.

2 Peter 2:18

Amate in kiphatsakna le mawmawt kamte pau a, tuaciangin khialna sung pan a suakta tu a kipan tuungte zongh pumpi lungngul khialnate zanghin aitaa uh hi.

Jude 1:16

Hi mihingte in a tawntungin, phunin ngual veu mawsiat uh hi; amate in a ngitlo nopna thinpuakte zui uh hi; amate le amate kisuangtaakin, a dei uh sia a nga thei natu in, ngualdangte sialpok uh hi.

Thupualaakna 18:8

Hisia hu in ni khat ni ciang ama in ngimna liante ahi — natna, heena, kial tunna, thuak tu hi. Ama thu a khen Topa Pathian sia thahat ahikom, ama sia mei taw kihal tu hi.”

Thupualaakna 19:20

Nganhing le tua nganhing omna mai ah, nalamdang lakna a vawt leilot kamsaangpa kiman khawm hi. (Nganhing tepteena a neite le, nganhing milim a biate sia, nalamdang laknate taw ama in theam zo hi) Nganhing le leilot kamsaangpa sia, kaan meikuang meili sungah a hingtang in kivawk khawm hi.

Thupualaakna 20:10

Tua zawkciang amate a theam Doaimangpa sia nganhing le leilot kamsaangpa kivawkna meili le kaan sungah kivawk hi; tuaciangin amate sia sun taw zan taw a tawntung a tawntung ngim kipia tu hi.

Thupualaakna 20:12

Tuaciangin a thite a lian le a no a kibangin kumpi tokhum mai ah a ding ka mu hi. Laibute kihong a, tua zawkciang a nungtate tepteena laibu dang khat zongh kihong hi. A thite sia tua laibu sungah amate ngamtatna a kitepteena bangin thu kikhen hi.

Thupualaakna 20:4

Tua zawkciang kumpi tokhumte ka mu a, a tungah a tote in thu a khen thei natu in vaangneina kipia hi. Pathian kammalte le Jesus ii pualaak thumaan thutak te a thansak uh hu a, a kithatte ii thaate zongh ka mu hi. Amate in nganhing le a lim a bia bua uh hi, tua bek dom ngawlin, a talki tungah ahibuale a khutte tung zongh ah nganhing tepteena a nei bua uh hi. Amate in hong nungta kikin Christ taw kum tulkhat kumpipate bangin a uk uh hi.