Daniel 6:8 - Syin Chin Bible

⁸ Tua ahiciang Nangma Kumpipa in hi thupiakna lai minthu in suaksak in. Tua hile tua thupiakna sia a kikheal thei ngawl Mede te le Persia te thukham suak tu hi,” ci uh hi.

Daniel 6:8 Iomraidhean Croise

Esther 1:19

Kumpipa na lung a kim le, Vashti sia kumpipa mai ah a kilak kik ngei nawn ngawl natu in kumpi thu thansakna khat vawt in. Tuasia a kilaih kik thei nawn ngawl tu in Persia le Media te upadi sungah a ki at natu thupia in. Tua zawkciang ama kumpinu dinmun ah numei phazaw khat koi in.

Esther 3:12

Tua ahiciang tha masabel ni sawm le ni thum ni in, Haman in kumpipa ii thuzeakte sam a, kumpi ukna sungah a om kampau nam theampo le amate ii zak lai taw pheen in at tu in thuthansakna khat sonin atsak hi. Tua lai sia ngamukte, ngamukmangte le uliante theampo tungah puak tu ahi hi. Tua lai sia Xerxes kumpipa min taw a kisuaksak hi a, a khutzungbu kituum hi.

Esther 8:10

Mordecai in tua laithakte Xerxes kumpipa min taw atsak a, ama in tua laite kumpi tazeik tuum hi. Tua laite kumpi siphu buk pan siphu tai ngaangte tung a tote in hawmsak hi.

Esther 8:3

Tua zawkciang Esther in kumpipa paupui kik a, a peang ah kisepsuk in kap hi. Ama in kumpipa tungah Agag suan Haman ii Jew te tungah thusia vawt in a thasawm nopna thu a tawlngaksak natu in ngen hi.

Esther 8:8

Ahizong kumpipa min taw kumpi tazeik kituum in a suaksa thu thansakna sia kidawk kik thei ngawl tu hi. Ahizong Jew te tungah na dei bang po in lai at thei tu nu hi; tuaciang ka min taw lai at vun a, tua lai tungah kumpipa tazeik tuum thei tu nu hi,” ci hi.

Psalm Late 94:21

Mihing phate a thasawmte a maw ngawl khat thidaan a piate sia nang taw a kipawl thei bua uh hi.

Isaiah 10:1

Note a lal na hi uh hi! Note in ka mite zawthawk natu in a thukhaikim ngawl thukhamte na vawt uh hi.

Daniel 5:28

Kikhen ii a khiakna in na ngam kikhentham a Mede mite le Persia mite tungah kipia hi,” ci hi.

Daniel 6:12

a vekpi in Daniel mawsak tu in kumpipa kungah paikhawm tek hi. Amate in, “Kumpipa awng, tu zo ni sawmthum sung kumpipa tung simngawl, pathian khat pawpo tung, mihing khat pawpo tungah thungen khat a om peuma le tawpi a dim a, a kikhum dum sungah kilawn tu hi ci in thukham sungah na min na thu zo hi,” ci uh hi. Kumpipa in, “Hi hi, tua in a kikheal thei ngawl a ngat thupiakna, Mede te le Persia te thukham khat ahi hi,” ci in zo kik hi.

Daniel 6:15

Tuasia zawkciang Daniel ii ngalte kumpipa kungah pai kik a, ama tungah, “Kumpipa awng, nangma in Mede te le Persia te upadi te bangin kumpipa ii thu piaksa sia kikheal thei ngawl hi ci thu na he hi,” ci uh hi.

Matthew 24:35

Vantung le simlei a bo tu hi, ahihang ka kammalte a bo ngei buatu hi.