Daniel 6:7 - Syin Chin Bible

⁷ Na kumpi ngamlian sungah naseam koma teng — nasep ukte, ngamkhen ukte, ngamkhen uk domte le a dang uliante — in kumpipa in ngat tak a zui tu thupiak khat nong suasak tu in thukim zo khu hi. Tu zo ni sawmthum sung teng Nangma Kumpipa tung simngawl, pathian khat pawpo, mihing khat pawpo tungah bangma peuma ngen thei ngawl tu hi, ci in thupia in. Hi thupiakna a paltan peuma tawpi a dim a kikhum dum sungah kikhia tu hi.

Daniel 6:7 Iomraidhean Croise

Psalm Late 10:9

tawpite bangma in ama in a bukna pan mizawngte pang hi. A thaang sungah amate manin kaikeak hi.

Psalm Late 2:2

A kumpite in leedo a, a ukpite taw Topa le a teal kumpipa a thimthamin langpan khawm uh hi.

Psalm Late 59:3

En in! Amate in kei that tu in hong pang hi; mihing tatsiate ka lang ah hong kikhawmtua uh hi. Amate ii tuabang a, manlang tak a kei hong sim natu mun a zot uh sia, mawna khat po hang ahibuale ka tatkhialna khat po hang,

Psalm Late 59:5

Tho in, Topa Vaanglianbelpa Pathian awng, kei hong hu tu in hong kuan ta'n; Israel te ii Pathian awng, nangma ma in en in! Khanglo in, Pathian he ngawlte daan pia in; a ngilo ngual leeheak theite tungah hesuakna lak heak in!

Psalm Late 62:4

Ama vaang a kipiakna dinmun panin a khiasuk nuam bek hi thong nu hi; note in leilot thusonna sungah nuam na sa uh hi. Thupha piakna kammalte na zak uh hang, na thinsung uh ah ama na haamsiat uh hi.

Psalm Late 83:5

Amate in a ngealna tungah lungkim tek a, nang hong langpan tu kipawlna khat vawt uh hi:

Psalm Late 94:20

Sumnguk ne thei thukhenmangte, a khaikim ngawl thu, thutak a suate,

Daniel 2:4

Amate in Aramaic kam taw kumpipa tungah, “Kumpipa awng na khansau tawntung tahen! Na mang hong son ta'n, tua hile a khiakna kong sonthiang tu uh hi” ci in zo uh hi.

Daniel 3:11

tua milim mai ah a kun ngawl, a bia ngawl peuma meiphual lingh sungah kibum tu hi ci in Nangma Kumpipa in thu na pia zo hi.

Daniel 3:2

Tua zawkciang kumpipa in a ulian theampo — kumpinote, ngamkhen ukte, ngamkhen uk domte, menzite, sumkeamte, thukhenmangte le ngamkhente ii ulian dangte theampo a kikhop tek natu in thupia hi. Amate sia Kumpipa Nebuchadnezzar ii milim aapna poai siim tek tu ahi hi.

Daniel 3:27

Kumpinote, ngamkhen ukte, ngamkhen uk domte le kumpi ulian dangte theampo in mei ii kak ngawl mihing thumte en tu in hong kikhawm uh hi. Amate a sam kaang ngawl, a puante kaang ngawl a, meikhu ngim zongh nam ngawl uh hi.

Daniel 3:6

Kun in a bia ngawl peuma sia thakhat thu in a lingh meiphual sung denna kinei tu hi,” ci hi.

Daniel 6:16

Tuasia ciang kumpipa in Daniel sia a mat natu le tawpi a dim a kikhum dum sungah a khiak natu in thupia hi. Kumpipa in Daniel munah, “Citakna taw a na, na sepsak na Pathian in nang hong suatak tahen,” ci hi.

Daniel 6:22

Pathian in tawpite ii kei hong liamsua ngawl natu tawpite kam a hum tu in a vantunglalang sawl hi. Kumpipa awng ka maw ngawl hunlam le nang tungah kong khial ngawl hunlam Pathian in he a hikom hi bangin vawt hi,” ci in zo hi.

Micah 6:5

Ka mite awng, Moab kumpi Balak in note bang law hong sawm a, Beor tapa Balaam in bangbang zo kik ziam cisia phawk kik vun. Acacia ngiaphual pan Gilgal paina lampi ah a piang teng phawk kik vun. Hite phawk kik vun, tua hile note kong ngup natu in ka septe phawk tu nu hi,” ci hi.

Nahum 2:12

Tawpi in a neak tu sa manin a pui le a note atu balneen a; ama in akua sia sabekte taw dimh hi.

Matthew 12:14

Tuasia ciangin Pharisee te pusuak in Jesus a thalup thei natu vaihawm uh hi.

Matthew 26:4

Jesus man ku in a thalup thei natu ngeal uh hi.

Mark 15:1

Zingsang tuungin thiampi liante sia upate, Thukham hil syate le Council bup taw a manlang in hong kisitua uh a, amate in vaihawmna nei uh hi. Amate in Jesus thikkhau taw khi uh a, Pilate kungah paipui in aap uh hi.

John 12:10

Tua ahikom thiampi liante in Lazarus zongh thalup natu vaihawmna nei uh hi,