Daniel 6:3 - Syin Chin Bible

³ Daniel in ngamkhen uk dangte, ahibuale nasep uk dangte sangin nasep a thiam zawkna sia hai ngawlin lak hi. Ama sia pil mama ahikom kumpipa in a kumpi ngamlian bup a uk tu in koi tu in ngaisun hi.

Daniel 6:3 Iomraidhean Croise

Ezra 4:22

Ka ngam phattuam nate a kilalsak ngawl natu in thakhat thu in tuasia seam paih vun,” ci hi.

Nehemiah 7:2

Jerusalem khuapi a uk tu in mihing nii ka koi a, ka suapuipa Hanani le kulhpi a uk ngalkapmangpa Hananiah ahi hi. Hananiah sia a muanhuai le Pathian a kiita khat hi a, kuama taw kibang ngawl hi.

Esther 10:3

Jew mi Mordecai sia Xerxes kumpipa mama ii a dom kik ulianbel ahi hi. Ama sia Jew a mipuite in zakta a, diksa mama uh hi. Ama in a mipuite phat natu le a suan a paalte theampo ii ngammuan natu in naseam hi.

Paunakte 17:27

Ama le ama a kimuang khat sia pau tawntung ngawl hi. A om hithiat mihingte sia thuthuk tatak muna nei hi.

Paunakte 22:29

Nasep pha tak a, a seam mihing khat hong lak tavun, tuaciang mihing tam mamate sang a phazaw, kumpite kitholpui tu dong a, a kilawm khat kong lak tu hi.

Thuhilsya 2:13

Oh, he ing, “Khuavak sia khuazing sangin a phat zawk bangma, ciimna sia mawmawtna sangin phazaw hi.

Daniel 5:12

Ama sia a tumdang hi theina nei a, ciim in, mang khiak thei pilna, thu kheldoknate zo theina le thutumdangte sontel theina nei hi; tua ahikom kumpipa in Belteshazzar ci a, a min a phua pa Daniel sam in, tua hile ama in hite theampo ii khiakna hong sonthiang siat tu hi,” ci hi.

Daniel 5:14

A thiangtho pathiante ii thaa sia na sungah om a thiamna, heakna le ciimna na nei hunlam ka za hi.

Daniel 5:7

Ama in mitbum thiamte, bum le aitoaite le aksi enthiamte sam tu in oksan hi. Tua a sapte hong thet ciang, kumpipa in amate tungah, “Hi lai a ki at sia a sim thei, a khiakna hong son thei pawpo kumpi puantual sandup kisilhsak tu a, minphatna khamh khi a ngawng ah awsak in kumpi ngam sungah a zalian a thumna in ka koi tu hi,” ci hi.

Daniel 9:23

Pathian tung hesuak ngen tu na kipat ciang ama in hong zo hi. Ama in nang hong it ahikom a deina thu son tu in kong pai hi. Tu in mukholna kong sonthiang laitak thudon in.