Daniel 6:12 - Syin Chin Bible

¹² a vekpi in Daniel mawsak tu in kumpipa kungah paikhawm tek hi. Amate in, “Kumpipa awng, tu zo ni sawmthum sung kumpipa tung simngawl, pathian khat pawpo tung, mihing khat pawpo tungah thungen khat a om peuma le tawpi a dim a, a kikhum dum sungah kilawn tu hi ci in thukham sungah na min na thu zo hi,” ci uh hi. Kumpipa in, “Hi hi, tua in a kikheal thei ngawl a ngat thupiakna, Mede te le Persia te thukham khat ahi hi,” ci in zo kik hi.

Daniel 6:12 Iomraidhean Croise

Esther 1:19

Kumpipa na lung a kim le, Vashti sia kumpipa mai ah a kilak kik ngei nawn ngawl natu in kumpi thu thansakna khat vawt in. Tuasia a kilaih kik thei nawn ngawl tu in Persia le Media te upadi sungah a ki at natu thupia in. Tua zawkciang ama kumpinu dinmun ah numei phazaw khat koi in.

Daniel 6:15

Tuasia zawkciang Daniel ii ngalte kumpipa kungah pai kik a, ama tungah, “Kumpipa awng, nangma in Mede te le Persia te upadi te bangin kumpipa ii thu piaksa sia kikheal thei ngawl hi ci thu na he hi,” ci uh hi.

Daniel 6:8

Tua ahiciang Nangma Kumpipa in hi thupiakna lai minthu in suaksak in. Tua hile tua thupiakna sia a kikheal thei ngawl Mede te le Persia te thukham suak tu hi,” ci uh hi.

Sawltakte 16:19

A tote in amate sum nga natu lampi bo ahi hunlam a phaw uh ciangin Paul le Silas sia pummat uh a, mihon kikhopna tual thunei upate mai ah kai uh hi.

Sawltakte 16:24

Hi thupiakna a nga ciangin, thong ukpa in, amate sia thonginn sungsang doituam sungah, khumin, a peangte thingkol bulsak hi.