Daniel 5:7 - Syin Chin Bible

⁷ Ama in mitbum thiamte, bum le aitoaite le aksi enthiamte sam tu in oksan hi. Tua a sapte hong thet ciang, kumpipa in amate tungah, “Hi lai a ki at sia a sim thei, a khiakna hong son thei pawpo kumpi puantual sandup kisilhsak tu a, minphatna khamh khi a ngawng ah awsak in kumpi ngam sungah a zalian a thumna in ka koi tu hi,” ci hi.

Daniel 5:7 Iomraidhean Croise

Pianciilna 41:8

A zingsang ciang ama thinngim ahikom mitbum thiamte le Egypt mipil miciim theampo samsak hi. Ama in amate tungah a mang teng son a, ahizong kuama in a mang khiaksak thei ngawl hi.

Esther 3:1

Tawmvei zawkciang Xerxes kumpipa in Haman a kici khat sia vuanzi lianbel in a za khanto hi. Haman sia Agag suan Hammedatha tapa ahi hi.

Pusuana 7:11

Tuasia ciang kumpipa in a mipilte le mitbum thiamte samin a mitbum thiamna taw a kibangma in vawt uh hi.

Paunakte 1:9

Amate hong hilnate in a et hoi dial khat, khi khat ii na meal hong hoi tuamsak bangin na pianzia hong etlawmsak tu hi.

Solomon ii La 1:10

Na sam sia na biangkho tungah hoi niingniang a na ngawng kiim ah suang manphate bangin kibaang hi.

Isaiah 47:13

Ngaisutna hong kipiak hangin vawt zawk na nei bua hi. Na aksi en theite — vantungte a khawk a khawkin khenin nang tungah bang thu piang tu ci in tha sim tha simin nang tungah ngaisutna hong pia na aksi en thiamte hong paisak ta'n a, amate in ngumsak in.

Jeremiah 50:35

Topa in, “Babylon ah thina theng hen! A mihingte, a ukte le a mipilte tungah thina theng hen.

Ezekiel 16:11

Suang manphate — haak le khite taw kong zeam hi.

Daniel 1:20

Kumpipa in a dok pawpo ahibuale bangbang thu haksa nawno dongh kale hi mihing lite in a kumpi ngam bup a om aisaan theite le mitbum thiamte khat pawpo sangin a sawmvei in he zaw uh hi.

Daniel 1:4

Tua a teal mihingte sia kumpi inn sungah naseam thiamte a sua thei natu in a mealhoi, a pilvang, pha tak nasep a kisinsak sa, thu a he pal le pumpi tung paubanna nei ngawlte hi tu hi. Amate sia Babylon kam taw lai a sim thei natu le a at thei natu in Ashpenaz in hil tu hi.

Daniel 2:2

tua ahikom ama tungah a mang khiakna son tu in a aisaan theite, mitbum thiamte, bum toaite le ai toaite samsak hi. Amate hong pai in kumpipa mai ah a din uh ciang kumpipa in,

Daniel 2:27

Daniel in, “Kumpipa awng, tuasia hong son thei tu in, bum lei aitoai, mitbum thiam, aisaan thiam ahibuale aksi en thiam kuama om ngawl hi.

Daniel 2:48

Tua zawkciang kumpipa in Daniel sia letsong pha tam ma pia in a za khangsak a, Babylon ngamkhen uksakin, kumpi thudokte theampo ii lutang in koi hi.

Daniel 2:6

Ahizong ka mang le a khiakna nong son thei uh le letsong le min phatna lian kong pia tu hi. Tua ahiciang tu in, ka mang sia bang hi a, a khiakna bang ziam cisia hong son tavun,” ci hi.

Daniel 4:14

Ama in nging takin, ‘Tua thingkung phuktan in a, a baak teng siiktan in; a tee teng heu thiang in a, a nga thethaang in. A nuai a nganhing teng le thingbaak tungah vacim teng bengkeak in.

Daniel 5:11

Na ngam sungah a thiangtho pathiante ii thaa a nei mihing khat om hi. Na pa kumpi ahi lai in, hi sia pa in, pathiante ii ciimna taw kibangin ciimna, heakna le ngaisut thiamna nei hi. Tuaciang na pa, Nebuchadnezzar kumpipa in ama sia aisaan theite, mitbum thiamte, bumtoai aitoaite le aksi enthiamte a ukpi tu in koi hi.

Daniel 5:15

Hi a ki at lai a sim tu le a khiakna hong son tu in thudokte le mitbum thiamte hong kipaipui napi amate in a khiakna he zo ngawl hi.

Daniel 5:16

Nangma in a khiakna kiphualsealte le thutumdangte sonthiang thei hi, ci in tu in ka za zo hi. Hi lai ki at sia na sim thei a, a khiakna nong son thei le, kumpipa puantual sandup hong kisilhsak tu a, minphatna khamh khi na ngawng ah aw in, kumpi ngam sungah a zanei a thumna na hi tu hi,” ci hi.

Daniel 5:29

Thakhat ma in Belshazzar in Daniel sia kumpi puantual sandup silhsak tu le minphatna khamh khi a ngawng ah awsak tu in a naseamte thupia hi. Tuaciang ama in Daniel sia a ngam sungah zalian a thumna in koi hi.

Mi Simna 22:17

Thaman tam mama kong pia tu a, nong son babang ka vawt tu hi. Nong hesuakna in hong pai ta'n a, kei atu hi mite hong haamsiatsak ta'n,” ci in Balak ii kam vaithak teng son uh hi.

Mi Simna 22:7

Tua hi a, Moab te le Midian te ii lampuite in a haamsiat natu a thap man tu kengin Balaam kungah pai in, Balak kam vaithak teng son uh hi.

Mi Simna 24:11

Tu in, inn ah cia in! Thaman piak tu in kong kamciam a, ahizong na thaman nga tu sia Topa in hong khak hi,” ci hi.

1 Samuel 17:25

“Ama en vun! A thatona ngai vun! Kumpipa Saul in ama a that zo sia tel lian khat piak tu in kamciam hi; kumpipa in a teenpui tu in a tanu pia si tu a, a pa bangkua zongh phiangshia piasak ngawl tu hi,” ci in amate khat le khat kison uh hi.