Daniel 5:6 - Syin Chin Bible

⁶ Kumpipa lau mama in, a mai daang a, a khup liing tu kipan hi.

Daniel 5:6 Iomraidhean Croise

Psalm Late 22:14

Ka tha tual zo a, lei ah tui buak bangin bo vangeu hi. ka ngu kipeenate zongh kipealkhial siat zo a, ka lungtang sia khuainun tuitham bang hi.

Psalm Late 69:23

Amate a mit tawsakin! Amate a tawntungin a cingngu zawsak in!

Isaiah 35:3

A toi khutte le tha zawmin a liing vadil khupte a tha khosak tu hi.

Isaiah 5:27

Amate kuama toi ngawl a; lutu in a liik om ngawl hi. Amate mutsuak in lusu ngeingawl, mu ngeingawl hi. Kawngkhau khat zongh kawm ngawl hi; peangdap khau khat zongh tat ngawl hi.

Jeremiah 50:43

Babylon kumpipa in tua thu za a, a khutte zaw vanek hi. Ama in numei nautun a nat bangin thinngimna le tak ngimna thuak hi.

Ezekiel 21:7

Amate in banghangin tau ni ziam hong ci ciangin, hong tung tu thu hang hi ci in. Tua thu hong tun tak ciang a mate launa taw kidim tu a, a khutte zaw in a thin letna bo tu a, a khupte liing tu uh hi. A hun hong theng zo hi; tu hun ahi hi,” Vaanglianpipa Topa in pau zo hi.

Ezekiel 7:17

A kuama po ii khutte sia thazawm tu a, a khupte huang tu hi.

Daniel 2:1

Nebuchadnezzar in kumpi a sua zawk a kum nii kumin mang khat man hi. Tua mang in ama thinngimsak mama a, mu thei ngawl hi,

Daniel 3:19

Tuasia ciang Nebuchadnezzar kumpipa in Shadrach, Meshach le Abednego tungah a thin uuk mama a, a mai san liang hi. Tua ahikom ama in meiphual sia a sat ngeina sang a salivei in a satsak zawk natu in a mite thupia hi.

Daniel 4:19

Tuaciang Belteshazzar zongh a kici Daniel patau mama ahikom bangma pau thei ngawl hi. Kumpipa in ama tungah, “Belteshazzar awng, tua mang le a thu in patausak heak in,” ci hi. Belteshazzar in, “Kumpipa awng, tua mang le a khiakna sia nang tungah hong tung ngawlin na ngalte tungah tung zaw le ka oai hi.

Daniel 4:5

Ahihang a patau huai mang khat ka man a, ka mut laitakin a lauhuai mu kholnate ka mu hi.

Daniel 5:5

Thakhat thu in mihing khut khat kilangh a, meiinn mei a taangbelna mun, kumpi inn sung pang tungah lai at hong kipan hi. Kumpipa in lai a at tua khut sia mu hi.

Daniel 7:28

Hi sia thu tepteena ii tawpna ahi hi. Ka lau mama hu in ka mai daang a, thu theampo keima thinsung bek ah ka koi hi.

Nahum 2:10

Nineveh sia kisusia in, kinusia a, ngamkhing hi! Launa taw thin tamhtham a; khupte liingin, a thahatna bo hi; maitangte daang hi.

Hebrew te 12:12

Tua ahikom na khut uh a kha le laamto vun a, a huang vadil na khupte uh hatsak vun.