Daniel 5:23 - Syin Chin Bible

²³ Vantung Topa na langpan a, a Biakinn pan na laak haite kuangte nong paipui hi. Nangma, na uliante, na zite le na zinote in tua haite taw zu ne in, khamh, ngunn, taau, thik, thing le suang taw a kivawt khuamu thei ngawl, khua za thei ngawl a, bangma a he ngawl pathiante na pok uh hi. Ahitazong na thi tu le na nun tu hong khensat a, na sep na vawt theampo hong uk Pathian na upat bua uh hi.

Daniel 5:23 Iomraidhean Croise

Pianciilna 14:19

ama in “Vantung le leitung a vawt Saangbel Pathian in Abram thupha pia tahen!

Pianciilna 2:7

Tuasia ciang Topa Pathian in lei pan leivui pawlkhat la in tuasia taw mihingpa khat vawt hi; ama in a naak sungah nuntakna a piangsak hu mopin tua mihingpa hong nungta hi.

2 Kumpite 14:10

Tu in Amaziah awng, nang in Edom te na zaw hu in kisathei ni hi. Na minthanna taw lungkim in a, inn ah om po in. Nang le na mite lalna bek hong pia tu ngimna banghangin piangsak nuam ni ziam?” ci hi.

Job 12:10

A piansaksa te ii nuntakna lam a lak sia Pathian hi; mihing theampo nuntakna sia ama ii khut sungah om hi.

Job 31:4

Pathian in ka vawt theampo he a; ka kalsuanna theampo mu hi.

Psalm Late 104:29

Na nungngat ciangin amate lau uh hi; a husan na laak ciangin amate thi in, amate pianna leivui ah cia kik uh hi.

Psalm Late 115:16

Vantung sia, Topa bek ii neisa hi a, ahihang simlei sia mihingte atu in pia hi.

Psalm Late 139:3

Na ka sep laitak ahizong, ka tawlngak laitak ahizong, nong mu hi; ka ngamtatna theampo na he hi.

Psalm Late 146:4

Amate a thi ciangin leivui ah cia kik uh hi; tua ni in amate ngealna theampo bo hi.

Paunakte 20:24

Topa in ih tot tu lampi khensat zo hi; tua ahile bangbangin khat pawpo in ama nuntakna ii zotna sang a tel thei tu ziam?

Isaiah 13:11

Topa in, “Leitung ah ngimna siatna ka thengsak tu a, mi seksolte theampo a mawnate hu in daan ka pia tu hi. A kiphasak theampo ka niamsak tu a, a kisathei theampo le a ngilote theampo daan ka pia tu hi.

Isaiah 14:13

Nangma in, vantung ah kaato in, na kumpi tokhum sia a saangbel aksite ii tung pek ah koi tu in na khensat hi. Nangma in pathiante kikhopna tua saksang mual tungah kumpi khat bangin to tu in na kingaisun hi.

Isaiah 2:12

Tua ni ciang Vaanglianbelpa Topa in a vaanglian theampo le, a kiphasakte, a kiliansakte theampo niamsuksak tu hi.

Isaiah 33:10

Topa in minamte tungah, “Tu in kong diang tu hi. Ka vaangletna kong lak tu hi.

Isaiah 37:19

a pathiante — tuate sia pathian tatak hi ngawl het a, khut taw a vawttawm thing le suang po ii limte bek ahi a pathiante a haltumsak sia ka he siat uh hi.

Isaiah 37:23

Na selno a na nunau sia akua hi tu na um ziam? Keima Israel te ii a thiangtho Pathian hong melsia na hi hi.

Isaiah 42:5

Pathian in vantungte bitphua in, phalhkeak hi; ama in leitung le leitung ah a teangte theampo vawt hi; leitung mite theampo tungah nuntakna le husanna pia hi. Tuaciang tu in, Topa Pathian in a naseampa tungah,

Jeremiah 10:23

Topa awng, kuama in ama ii maisang nuntakna a zeak thei ngawl hunlam ka he hi; kuama in ama nuntakna uk ngawl hi.

Jeremiah 48:26

Topa in, “Moab vaisak vun, banghang ziam cile ama in kei hong langpan hi. Moab sia ama luak sungah leiliik tu a midangte nui tu uh hi.

Jeremiah 50:28

(Ngaltaite Babylon pan suakta in Jerusalem theng uh a, Babylon te ii a Biakinnpi tungah a vawt nate hu in Topa ih Pathian in bangbangin phula ci sia amate in son uh hi.)

Jeremiah 50:29

“Babylon sim tu in thalkaap thiamte son vun. Thal le thaltang a zangh thiamte theampo kuansak vun. A khuapi kiim uum vun a khat zongh suaktasak heak vun. A sep a vawt theampo thuk kik vun, midangte tungah a vawt bangin a tungah vawt vun, banghang ziam cile a kiphatsakna taw diang in Israel ii a Thiangtho Pa, hong langpan hi.

Ezekiel 28:17

Na mealphat hu in na kiphasak a, tuaciang na minthanna in a mawmaw khat bangin hong diangsak hi. Hisia hu in nang sia lei denna in kong nei a, kumpi dangte kidop natu in kong nusia hi.

Ezekiel 28:2

Ama in, “A thithei mihing awng, Tyre khua ukpa tungah Keima, Vaanglianpipa Topa ii ka ci teng son in: Kiphatsakna taw kidimin, pathian khat ka hi na ci hi. Tuipite kiim uum kumpi tokhum tungah pathian khat bangin ka to hi, na ci hi. Nang sia pathian khat bangin kiheang hikale te, tuabang hi ngawl ni hi, thithei ni hi, pathian pianzia na nei bua hi.

Ezekiel 28:5

Nangma in sumvawt thiamnate taw summeet na vawt tan hi. Na hauna suangin bangza in kiphasak ni ziam!

Ezekiel 31:10

“Tu in Keima, Vaanglianpipa Topa in van ah meei a banto dongin a saang, tua thingkung tungah bang piang tu ziam kong son tu hi. Saangto vaial in khangto a, kiphasak vaial hi;

Daniel 11:12

Ama a ngalzawna le ngalkap tam mama a thalup hu in kiphasak tu a, ahihang ngalzo tan ngawl tu hi.

Daniel 4:37

“Tu in keima Nebuchadnezzar in Vantung Kumpipa pok in, zatakna pia in, a min ka thangsak hi. Ama ii a sep a vawt theampo a maan le a thutang hi a, ama in kiphasak a, a ngamta pawpo kiniamkhiaksak thei hi,” ci hi.

Daniel 8:11

Ama in vantung ngalkaphonpi Ukpa ngawngawn nalh in ama tungah ni sim a kipia biakpiaknate khaamin Biakinnpi melsia hi.

Habakkuk 2:4

Hi sia in a thupuak ahi hi: ‘A tatsia mite nungta ngawl tu a, ahizong thutang mite in Pathian tungah thumaan ahikom nungta tu uh hi,’ ” hong ci hi.

Sawltakte 17:25

Mihingte ii ama atu ih sepsakna pan, ih piak thei tu na khat zongh, ama atu in a kitaangsamh bua hi, banghang ziam cile mihing theampo atu nuntakna, husanna le na theampo ama ii hong piaksa hi zaw hi.

1 Corinth te 8:4

Tua ahiciang, milim biakna in a kizangh an neakna huvau ah: milim ih ci sia a om takpi ngawl khat ii taang ahi sia ih he hi; eite in Pathian khat bek om ahi hunlam ih he hi.

1 Timothy 3:6

Ama in kiphatsakna taw a kidim Doaimangpa bangin pua vawkna a thuak ngawl natu in, upna sungah a khanthin sa khat hi tu hi.

Hebrew te 4:13

Pathian mai ah bangma a kiseal thei bua hi; bitphua sa na theampo sia ama mai ah kipualaak siat hi. Tuaciangin ih sep ih vawt sa theampo tungah thu hong sit tu sia ama ahi hi.

Thupualaakna 9:20

Hi ngimna liante ii thalup mong a taanglai mihingte in amate khut taw a vawttawm uh nate panin a kikheal kik nuam bua uh hi. Doai biakna tawp ngawlin, khamh, ngunn, taau, suang le thing milim khuamu thei ngawl, khuaza thei ngawl, lampai thei ngawlte a biak uh zongh a kheal bua uh hi.

Thukhente 16:23

Philistine kumpite sia amate ii biak Dagon pathian tungah sangaw biakpiakna lianpi khat taw lungdam poai khaam tu in kikhawm tua uh hi. Amate lasa in, “Ih pathian in ih ngal pa Samson hong zosak hi!” ci uh hi.

1 Samuel 17:26

David in ama kung nai a omte munah, “Hi Philistine pa that zo a, Israel mite mindaina pan a suaktasak sia in bang nga tu ziam? A peuma in hi Pathian he ngawl Philistine pa sia akua ka hi ci a, a nungta Pathian ii ngalkaphonpi nalh ngam ziam?” ci in dongh hi.

1 Samuel 17:36

Tawpite le vompuite ka that zo a, a nungta Pathian ii ngalkap hon a nalh pa, Pathian he ngawl Philistine pa sia tuabang ma in vawt tu khi hi.