Daniel 5:21 - Syin Chin Bible

²¹ Ama sia mihing huamsung pan kihawlkeak a, nganhing ngaisutna hong nei hi. Ama sia ngam laate taw teang khawmin, khuital bangin lopa ne a, daaitui dal tu nei ngawlin a pua sangah lum hi. Lianbel Pathian in mihingte ii kumpi ngam theampo uk a, ama ii dei pawpo tungah tua ngamuknate pia thei hi ci sia a khak belin ama in phawk hi.

Daniel 5:21 Iomraidhean Croise

Job 39:5

Ngam laate akua in suatakna pia ziam? Akua in thazau in, vakzausak ziam?

Ezekiel 17:24

Ngamsung thingkung theampo in Keima, Topa ka hi sia hong he tu uh hi. Thingkung saangte ka phuk tu a, tuaciang thingkung niamte a saangin ka khangsak tu hi. Thingkung hingte ka vulsak tu a, tuaciang thingkung kote, a hing ka suaksak tu hi. Keima, Topa in son zo khi hi. Vawt tu ka ci sa te ka vawt tu hi,” ci hi.

Daniel 4:14

Ama in nging takin, ‘Tua thingkung phuktan in a, a baak teng siiktan in; a tee teng heu thiang in a, a nga thethaang in. A nuai a nganhing teng le thingbaak tungah vacim teng bengkeak in.

Daniel 4:17

Hi thu sia a pilvang le a phawk vilvel vantunglalangte ii thukhenna ahi hi. Tua ahiciang mun theampo ah om mihing theampo in, Lianbel Pathian in mihing kumpi ngamte tungah vaang nei a, ama ii teal khat pawpo — mihing thupi ngawl belte ngawngawn tungah zongh kumpi ngamte pia thei hi ci thu he tahen, ci in thangsak hi.’

Daniel 4:22

“Kumpipa awng, nangma in a saang, a thahat thingkung sia na hi hi. Khangto in lian mama na hikom vantung na baan to a, na vaangletna sia leitung buppi ah kizel hi.

Daniel 4:25

Mihing huamsung panin hong kihawlkeak tu a, ngamsate taw na teang khawm tu hi. Khuital khat bangin kum sali sung lopa ne in lozau sungah zan na ngiak tu a, na tungah daaitui hong kia tu hi. Tuaciang Lianbel Pathian in mihing kumpi ngamte uk a, tuate sia ama ii teal khat pawpo pia thei hi ci sia na saang tu hi.

Daniel 4:26

Vantunglalang in lei sungah tua thingbul a kinusiat natu in thupia hi. Tu sia in leitung theampo Pathian ii uk ahi hunlam na tel tak ciang kumpi na sua kik tu hong sonna ahi hi.

Daniel 4:34

Kumpipa in, “Kum sali a cin zawkciang van ka ento a, ka thin hong ciim kik hi. Lianbel Pathian ka pok a, a nungta tawntung pa khat tungah zatakna le minthanna ka pia hi. “Ama in a tawntungin uk tu a, a kumpi ngam sia kip tawntung tu hi.

Daniel 4:35

Ama in leitung mite bangma in a thusim bua a; vantung a om vantung mite le leitung a om mite ama in uk hi. Ama deina kuama in nalh thei ngawl a, ahibuale a sep a vawtte kuama in dongh kik thei ngawl hi.

Daniel 4:37

“Tu in keima Nebuchadnezzar in Vantung Kumpipa pok in, zatakna pia in, a min ka thangsak hi. Ama ii a sep a vawt theampo a maan le a thutang hi a, ama in kiphasak a, a ngamta pawpo kiniamkhiaksak thei hi,” ci hi.

Daniel 5:18

“Lianbel Pathian in na pa Nebuchadnezzar sia kumpi lian khat in koi a, zatakna le vaangletna pia hi.