Daniel 5:2 - Syin Chin Bible

² Sapittui a neak laitakin a pa Nebuchadnezzar ii Jerusalem Biakinnpi pan a laak khamh hai, ngunn haite le kuangte sungtan pui tu in thupia hi. Kumpipa in ama le a uliante, a zipite le a zinote taw sapittui a neak thei natu in tuate la in a sawl ahi hi.

Daniel 5:2 Iomraidhean Croise

2 Samuel 9:7

David in, “Lau heak in. Na pa Jonathan hu in nang tungah hong dik tu khi hi. Na pu Saul ii leitang theampo nang kong pia kik tu a, tuaciang nang sia ka sabuai ah an na ne tawntung tu hi,” ci hi.

2 Kumpite 24:13

Babylon ah paipui a, Biakinnpi sung le kumpi inn sungah sum le vanh manpha theampo pua siat hi. Topa ii sonkhol bangma in Nebuchadnezzar in Biakinnpi sungah zak tu Solomon kumpipa ii vawt khamh ankuang ankeaute sutham siat hi.

2 Kumpite 25:15

Amate in khamh le ngunn taw a kivawt peuma, meikam toaina kuangtung kuangdal te dongin la uh hi.

2 Khangtaanghthu 11:20

Tua nungciang ama in Absalom ii tanu Maacah teenpui a, amate in tapa li nei a: Abijah, Attai, Ziza le Shelomith te ahi hi.

2 Khangtaanghthu 15:16

Asa kumpipa in a pi Maacah sia ta a neisak thei Asherah numeipathian milim kiihuai khat a vawt hu in ama ii nu, kumpinu a hina pan heam hi. Asa in tua milim phuktanin ektham a, Kidron kuam sungah a bek teng haltum hi.

2 Khangtaanghthu 36:10

Khuakhaal kipat ciang Nebuchadnezzar kumpipa in Jehoiachin sia thongtaak tu in Babylon ah paipui hi. Biakinnpi sum le vanh manphate zongh pua hi. Tua zawkciang Nebuchadnezzar in Jehoiachin ii pano Zedekiah sia Judah le Jerusalem kumpi suaksak hi.

2 Khangtaanghthu 36:18

Babylon kumpipa in Biakinnpi sung, biakinn sum le vanh manpha, kumpipa le a uliante nei le lam teng theampo laksak a Babylon ah pua kik hi.

Ezra 5:14

Nebuchadnezzar ii Jerusalem Biakinnpi pan a laak Babylon biakinn ah a koi biakinn a zak khamh le ngunn, Biakinn vanh zakte puuapha kik hi. Cyrus in tua teng Judah ngamukmang tu in a koi Sheshbazzar tungah pia hi.

Jeremiah 27:7

Minam theampo in ama ii na seam tu uh a, ama ngam a bo tu hun a thet mateng in minamte in ama ii tapa le a tupa ii na sepsak tu uh hi. Tua zawkciang ama minam in a thahat minamte le kumpi liante ii na sepsak tu uh hi.

Jeremiah 50:35

Topa in, “Babylon ah thina theng hen! A mihingte, a ukte le a mipilte tungah thina theng hen.

Jeremiah 52:19

Amate in khamh ahibuale ngunn taw a kivawt nate theampo la uh hi: tuate sia kuangnote, meikam toaina bealpeute, sangaw biakpiakna a chi donna kuangte, vut kuangte, meiinn ngaknate, ngimnamtui halna kuangte le sapittui sunna biakpiakna haite ahi uh hi.

Daniel 1:2

Topa in, Jehoiakim Kumpipa sia Nebuchadnezzar Kumpipa in mansak a, biakinn na manpha pawlkhatte laaksak hi. Ama in a mat mihing pawlkhatte Babylon khua ama ii pathiante biakinn ah ciapui a, a mat sum le vanh manphate biakinn vanh kholna inndoite sungah koi hi.

Daniel 5:11

Na ngam sungah a thiangtho pathiante ii thaa a nei mihing khat om hi. Na pa kumpi ahi lai in, hi sia pa in, pathiante ii ciimna taw kibangin ciimna, heakna le ngaisut thiamna nei hi. Tuaciang na pa, Nebuchadnezzar kumpipa in ama sia aisaan theite, mitbum thiamte, bumtoai aitoaite le aksi enthiamte a ukpi tu in koi hi.

Daniel 5:13

Daniel sia thakhatin kumpipa omna ah kipaipui a, kumpipa in Daniel tungah, “Judah ngam pan ka pa, kumpipa ii hi sungah hong pai pui Judah sal Daniel na hi na'am?

Daniel 5:18

“Lianbel Pathian in na pa Nebuchadnezzar sia kumpi lian khat in koi a, zatakna le vaangletna pia hi.

Daniel 5:23

Vantung Topa na langpan a, a Biakinn pan na laak haite kuangte nong paipui hi. Nangma, na uliante, na zite le na zinote in tua haite taw zu ne in, khamh, ngunn, taau, thik, thing le suang taw a kivawt khuamu thei ngawl, khua za thei ngawl a, bangma a he ngawl pathiante na pok uh hi. Ahitazong na thi tu le na nun tu hong khensat a, na sep na vawt theampo hong uk Pathian na upat bua uh hi.

Daniel 5:3

Thakhat thu in khamh haite le kuangte kitumpui a, a vekpi in tuate taw sapittui ne in

Daniel 5:30

Tua zan mama in Babylon kumpipa Belshazzar sia kithatlum a,

Daniel 5:4

khamh, ngunn, taau, thik, thing le suang taw a kivawt pathiante pok uh hi.