Daniel 5:19 - Syin Chin Bible

¹⁹ Ama sia lian mama ahikom ngam theampo, minam theampo le paunam theampo pan mihingte in ama kiita in liing uh hi. Mihing khat pawpo a thatlum nuam le thatlum a, a nungtasak nuam le nungtasak hi. Ama in a upat nop pawpo upat a, a maimawlsak nop pawpo maimawlsak hi.

Daniel 5:19 Iomraidhean Croise

2 Kumpite 25:28

Evilmerodach in ama sia hesuak a, ama taw Babylon ah sal tang khawm kumpi dangte sangin phat vawt zaw a, vaang neizaw dinmun pia hi.

Paunakte 16:14

Mihing ciim khat in kumpipa lungdam in a om thei natu hanciam tu hi; kumpipa a thin a uuk le khat po in thi law thei hi.

Thuhilsya 8:3

Kumpipa in a uk po vawt thei a, tua ahikom ama omna pial in; tuabang a lauhuai munah om heak in.

Ezekiel 31:11

tua ahikom, ama ka nial zo a, ngamdang kumpi khat in ka tangsak tu hi. Ama in a ngitlona taw kiphu in tua thingkung tungah vawt tu hi.

Daniel 11:12

Ama a ngalzawna le ngalkap tam mama a thalup hu in kiphasak tu a, ahihang ngalzo tan ngawl tu hi.

Daniel 11:16

A nalh tu om nawn ngawlin Syria ngalkap pa in a uuk bang pawpo in amate vawt tu hi. Ama in Kamciamsa Ngam sungah ding tu a, tua ngam sia a khutnuai ah koi tu hi.

Daniel 11:3

“Tua zawkciang ngalhang kumpi khat piang tu hi. Ama in kumpi ngamlianpi khat uk tu a, ama uuk pawpo vawt tu hi.

Daniel 11:36

“Syria kumpipa in ama uuk babangin ngamta tu hi. Ama in pathian khat pawpo sangin ka lian zaw a, a Lianbel Pathian sang zongin lian zaw ing, ci in kisathei tu hi. Ama sia Pathian ii daan a piak matengin tubangin kiphasak thei tu hi. Pathian in ama ii ngeal sa bang vateak in vawt tu hi.

Daniel 3:29

“Tuaciang tu in minam, minam khen ahibuale paunam khat po sung pan a kuama po in Shadrach, Meshach le Abednego ii Pathian sonsiatna kampau a om le a khut a peang kisemtham tu a, a inn sia niinthuk kisuaksak tu hi, ci in thu ka pia hi. Hi bangin a suatak thei pathian dang om ngawl hi,” ci hi.

Daniel 3:4

thu puak khat in aw nging takin au a, “Ngam theampo, minam theampo le paunam theampo pan mihingte awng!

Daniel 3:6

Kun in a bia ngawl peuma sia thakhat thu in a lingh meiphual sung denna kinei tu hi,” ci hi.

Daniel 4:17

Hi thu sia a pilvang le a phawk vilvel vantunglalangte ii thukhenna ahi hi. Tua ahiciang mun theampo ah om mihing theampo in, Lianbel Pathian in mihing kumpi ngamte tungah vaang nei a, ama ii teal khat pawpo — mihing thupi ngawl belte ngawngawn tungah zongh kumpi ngamte pia thei hi ci thu he tahen, ci in thangsak hi.’

Daniel 4:19

Tuaciang Belteshazzar zongh a kici Daniel patau mama ahikom bangma pau thei ngawl hi. Kumpipa in ama tungah, “Belteshazzar awng, tua mang le a thu in patausak heak in,” ci hi. Belteshazzar in, “Kumpipa awng, tua mang le a khiakna sia nang tungah hong tung ngawlin na ngalte tungah tung zaw le ka oai hi.

Daniel 4:22

“Kumpipa awng, nangma in a saang, a thahat thingkung sia na hi hi. Khangto in lian mama na hikom vantung na baan to a, na vaangletna sia leitung buppi ah kizel hi.

Habakkuk 2:5

Hauna in hong theam thei hi. A duhop a huaiham mihingte kiphasakin thim om thei ngawl hi — thina mama taw kibangin amate lungkim hun nei ngawl hi. Tua hu in amate in ngam khat zawkciang ngam khat amate atu in suanthal hi.

John 19:11

Jesus in, “Pathian hong piak hu bek in, kei tungah thu na nei hi. Tua ahiciang nang tungah kei hong aap pa in, mawna nasia zaw vawt ahi hi,” ci in zo hi.

Romete 13:1

Mihing khat simin ngam uk thuneite thu na ni vun, banghang ziam cile Pathian oai ngawl po kuama in thuneina nei thei ngawl hi, tua thuneite sia amate sepna san tek ah Pathian ii a koi ahi hi.

Thupualaakna 5:9

Amate in la thak sa uh a: “Nangma in laizial la tu le tepteena hong tu in na kilawm hi. Banghang ziam cile nangma hong kithatlum zo a, na kipumpiak thina taw, Pathian atu in, bee le phung sim, kam namcin sim, ngam sim le minam sim panin, mihingte na lei zo hi.