Daniel 5:18 - Syin Chin Bible

¹⁸ “Lianbel Pathian in na pa Nebuchadnezzar sia kumpi lian khat in koi a, zatakna le vaangletna pia hi.

Daniel 5:18 Iomraidhean Croise

2 Kumpite 25:28

Evilmerodach in ama sia hesuak a, ama taw Babylon ah sal tang khawm kumpi dangte sangin phat vawt zaw a, vaang neizaw dinmun pia hi.

Psalm Late 47:2

Topa a Saangbel Pa sia kiitak tu ahi hi; Ama in leitung theampo a uk kumpilian pa ahi hi.

Psalm Late 7:17

Topa sia ama thutang ahi hu in lungdam ka ko hi; A Saangbel Pa sia pokna la ka sak tu hi.

Psalm Late 9:2

Nangma hangin lungdamna taw la ka sa tu uh hi. Vaanglianbel Pathian awng, na min pokna la ka sa tu hi.

Psalm Late 92:8

banghang ziam cile Topa awng, nang sia a tawntungin a lianbel na hi hi.

Jeremiah 25:9

‘Keima in saksang ngam ah a om mihingte theampo le ka naseam Babylon kumpipa Nebuchadnezzar ka sam tu hi. Keima in Judah le a ngam sungah a teang mihingte theampo le a kiim a paam a om minamte theampo sim tu in amate ka paisak tu hi. Keima in hi ngam le a kiim a paam minamte ka susia tu hi, tuaciang a tawntungin a siacipin ka nusia tu a, a lauhuai le diipkuathuai mun suak tu hi. Keima, Topa in ka ci zo hi.

Jeremiah 27:5

“Ka vaangletna le ka thahatna taw in leitung mihing nam le leitung ah a teang nganhingte theampo ka bitphua a; tuate sia ka piak nop pawpo tungah ka pia hi.

Jeremiah 27:7

Minam theampo in ama ii na seam tu uh a, ama ngam a bo tu hun a thet mateng in minamte in ama ii tapa le a tupa ii na sepsak tu uh hi. Tua zawkciang ama minam in a thahat minamte le kumpi liante ii na sepsak tu uh hi.

Kaa late 3:35

Ama ii eite hong piak hamphatna te ih taan ciang hong heaksak hi;

Kaa late 3:38

Ama thu piakna zui in a pha le a sia a kibangin piang hi.

Ezekiel 31:11

tua ahikom, ama ka nial zo a, ngamdang kumpi khat in ka tangsak tu hi. Ama in a ngitlona taw kiphu in tua thingkung tungah vawt tu hi.

Daniel 4:17

Hi thu sia a pilvang le a phawk vilvel vantunglalangte ii thukhenna ahi hi. Tua ahiciang mun theampo ah om mihing theampo in, Lianbel Pathian in mihing kumpi ngamte tungah vaang nei a, ama ii teal khat pawpo — mihing thupi ngawl belte ngawngawn tungah zongh kumpi ngamte pia thei hi ci thu he tahen, ci in thangsak hi.’

Daniel 4:19

Tuaciang Belteshazzar zongh a kici Daniel patau mama ahikom bangma pau thei ngawl hi. Kumpipa in ama tungah, “Belteshazzar awng, tua mang le a thu in patausak heak in,” ci hi. Belteshazzar in, “Kumpipa awng, tua mang le a khiakna sia nang tungah hong tung ngawlin na ngalte tungah tung zaw le ka oai hi.

Daniel 4:2

Lianbel Pathian ii ka tungah hong lak a lamdangte le nalamdang laknate ngai vun.

Daniel 4:32

Nangma sia mihing huamsung pan hong kibeng tu a, ngamsate taw teang khawmin, khuital khat bangin kum sali sung lopa na ne tu hi. Tuaciang, Lianbel Pathian in mihing kumpi ngamte uk a, a teal khat pawpo tungah kumpi ngamte pia thei ahi hunlam na he tu hi,” ci hi.

Daniel 4:34

Kumpipa in, “Kum sali a cin zawkciang van ka ento a, ka thin hong ciim kik hi. Lianbel Pathian ka pok a, a nungta tawntung pa khat tungah zatakna le minthanna ka pia hi. “Ama in a tawntungin uk tu a, a kumpi ngam sia kip tawntung tu hi.

Daniel 5:21

Ama sia mihing huamsung pan kihawlkeak a, nganhing ngaisutna hong nei hi. Ama sia ngam laate taw teang khawmin, khuital bangin lopa ne a, daaitui dal tu nei ngawlin a pua sangah lum hi. Lianbel Pathian in mihingte ii kumpi ngam theampo uk a, ama ii dei pawpo tungah tua ngamuknate pia thei hi ci sia a khak belin ama in phawk hi.

Daniel 6:22

Pathian in tawpite ii kei hong liamsua ngawl natu tawpite kam a hum tu in a vantunglalang sawl hi. Kumpipa awng ka maw ngawl hunlam le nang tungah kong khial ngawl hunlam Pathian in he a hikom hi bangin vawt hi,” ci in zo hi.

Sawltakte 26:13

Kumpipa awng, lampi tungah sun laitakin ni sangin, a taang zaw khuavak taang khat in kei le ka khualhawpuite, kiim ah van panin hong taangsuk keak hi.

Sawltakte 26:19

“Tua ahikom, Kumpipa Agrippa awng, vantung pan ka nga mukholna sia ni ngawlin ka om bua hi.

Sawltakte 7:48

“Ahihang a saangbel Pathian sia mihingte sak inn sungah a teang bua hi; kamsaangpa ci bangma in,

Thuhil kikna 32:8

A Saangbel Pa in minamte a ngam a lei tu pia a; mite teen natu mun khensatsak hi. Ama in minam simin vantung mi khat tek pia a,