Daniel 5:13 - Syin Chin Bible

¹³ Daniel sia thakhatin kumpipa omna ah kipaipui a, kumpipa in Daniel tungah, “Judah ngam pan ka pa, kumpipa ii hi sungah hong pai pui Judah sal Daniel na hi na'am?

Daniel 5:13 Iomraidhean Croise

Ezra 10:16

Saltanna pan a cia kikte in tua ngealna sia thukim ahikom thiampi Ezra in bee le phung lutang teng tung pan pasal upate panmun pia in, a min teng khum hi. Amate in a tha sawmna, ni khat ni in a thu kat kipan in,

Ezra 10:7

Saltanna pan a cia kik theampo Jerusalem khua ah a kikhop natu thu Jerusalem le Judah ngam mun theampo ah

Ezra 4:1

Judah le Benjamin mite ii ngalte in saltaang a cia kikte ii Israel te ii Pathian, Topa Biakinnpi a sak kikna thu za uh hi.

Ezra 6:16

Tua zawkciang Israel mite — thiampite, Levi te le saltanna pan a cia kik midang theampote in lungdam takin Biakinnpi aap uh hi.

Daniel 1:1

Jehoiakim ii Judah kumpi a sua zawk a kum thum kumin, Babylon kumpipa Nebuchadnezzar in Jerusalem khuapi simin uumci hi.

Daniel 1:2

Topa in, Jehoiakim Kumpipa sia Nebuchadnezzar Kumpipa in mansak a, biakinn na manpha pawlkhatte laaksak hi. Ama in a mat mihing pawlkhatte Babylon khua ama ii pathiante biakinn ah ciapui a, a mat sum le vanh manphate biakinn vanh kholna inndoite sungah koi hi.

Daniel 1:21

Daniel sia kumpi inn ah Persia kumpilianpa Cyrus ii Babylon zo in a uk dong om suak hi.

Daniel 1:6

Tuabang a kitealte sung panin Daniel, Hananiah, Mishael, le Azariah kihel a, a vekpi in Judah nam ahi uh hi.

Daniel 2:25

Thakhatin Arioch in Daniel sia Nebuchadnezzar kumpipa omna ah paipui in kumpipa tungah, “Kumpipa awng, Judah saltaangte sung panin na mang khiakna hong son thei tu khat mu zo khi hi” ci in son hi.

Daniel 2:48

Tua zawkciang kumpipa in Daniel sia letsong pha tam ma pia in a za khangsak a, Babylon ngamkhen uksakin, kumpi thudokte theampo ii lutang in koi hi.

Daniel 5:11

Na ngam sungah a thiangtho pathiante ii thaa a nei mihing khat om hi. Na pa kumpi ahi lai in, hi sia pa in, pathiante ii ciimna taw kibangin ciimna, heakna le ngaisut thiamna nei hi. Tuaciang na pa, Nebuchadnezzar kumpipa in ama sia aisaan theite, mitbum thiamte, bumtoai aitoaite le aksi enthiamte a ukpi tu in koi hi.

Daniel 5:14

A thiangtho pathiante ii thaa sia na sungah om a thiamna, heakna le ciimna na nei hunlam ka za hi.

Daniel 5:18

“Lianbel Pathian in na pa Nebuchadnezzar sia kumpi lian khat in koi a, zatakna le vaangletna pia hi.

Daniel 5:2

Sapittui a neak laitakin a pa Nebuchadnezzar ii Jerusalem Biakinnpi pan a laak khamh hai, ngunn haite le kuangte sungtan pui tu in thupia hi. Kumpipa in ama le a uliante, a zipite le a zinote taw sapittui a neak thei natu in tuate la in a sawl ahi hi.

Daniel 6:13

Tua zawkciang amate in kumpipa tungah, “Judah salte khat ahi Daniel in Kumpipa Nangma hong zakta ngawl, na suasak thupiakna sia zui ngawl hi. Ama in ni khat sung thumvei peal ngawlin thungen hi,” ci uh hi.

Daniel 8:1

Belshazzar kumpi a sua zawk a kum thum kumin a nii veina mukholna ka nei hi.

Daniel 8:27

Ka thin kiam in ni tam ma ka ciina hi. Tua zawkciang thoto in kumpipa hong sawl ka nasep ma ka seam kik hi, ahihang tua mukholna in ka lung hong mangsak a, ka tel zo bua hi.

John 7:1

Tua zawkciang, Galilee ngam sungah Jesus khualhaw hi; ama in Judea ngam sungah khualhaw nuam ngawl hi, banghang ziam cile, tuasung a om Jew thuneite in ama thatlum nuam uh hi.

John 7:3

tua ahikom Jesus munah a suapuite in, “Nang nung hong zuite in na vawvawt nate hong mu thei natu, hi mun nusia in Judea ah va pai ta'n.