Daniel 5:11 - Syin Chin Bible

¹¹ Na ngam sungah a thiangtho pathiante ii thaa a nei mihing khat om hi. Na pa kumpi ahi lai in, hi sia pa in, pathiante ii ciimna taw kibangin ciimna, heakna le ngaisut thiamna nei hi. Tuaciang na pa, Nebuchadnezzar kumpipa in ama sia aisaan theite, mitbum thiamte, bumtoai aitoaite le aksi enthiamte a ukpi tu in koi hi.

Daniel 5:11 Iomraidhean Croise

Pianciilna 41:38

kumpipa in amate tungah, “Joseph sangin a phazaw mi ih mu ngei buatu hi, ama sia a sungah Pathian thaa a nei mihing khat ahi hi,” ci hi.

2 Samuel 14:17

Keima le keima tungah ka kicina pan, topa, na kamciamna in keima hong ngammuangsak tu hi, banghang ziam cile kumpipa sia Pathian ii vantung mi taw kibangin a pha le a sia khentel thei hi. Topa na Pathian nang taw omkhawm tahen!” ci hi.

Ezekiel 28:3

Nangma sia Daniel sangin ciim zaw kisa ni hi, tuaciang nang heak zawk ngawl tu in thuku om thei ngawl tu in na um hi.

Ezekiel 28:4

Na ciimna le na thiamnate in khamh le ngunnte taw hong hausak hi.

Daniel 1:4

Tua a teal mihingte sia kumpi inn sungah naseam thiamte a sua thei natu in a mealhoi, a pilvang, pha tak nasep a kisinsak sa, thu a he pal le pumpi tung paubanna nei ngawlte hi tu hi. Amate sia Babylon kam taw lai a sim thei natu le a at thei natu in Ashpenaz in hil tu hi.

Daniel 2:11

Kumpipa ii nong thu dokna sia haksa mama ahikom pathiante simngawl hong son thei tu kuama om ngawl hi, tuaciang amate sia mihingte sungah teang ngawl hi” ci in zo uh hi.

Daniel 2:22

Ama in thuthukte le thukute pualaak hi; ama in khuazing sungah a kiphualte he a, ama mama sia khuavak in uumci hi.

Daniel 4:18

“Ka mangmat sia hi bang hi,” Nebuchadnezzar kumpipa in ci hi. “Tu in Belteshazzar awng, a khiakna hong son ta'n. Ka kumpi thudokte kuama in hong son thei ngawl hi, ahizong nang sungah a thiangtho pathiante ii thaa om ahikom nong son thei tu hi,” ci hi.

Daniel 4:5

Ahihang a patau huai mang khat ka man a, ka mut laitakin a lauhuai mu kholnate ka mu hi.

Daniel 4:6

Ka mang khiakna hong son thei tu in, Babylon ngamsung kumpi thudokte theampo ka kungah hong pai natu in thu ka pia hi.

Daniel 5:14

A thiangtho pathiante ii thaa sia na sungah om a thiamna, heakna le ciimna na nei hunlam ka za hi.

Daniel 5:7

Ama in mitbum thiamte, bum le aitoaite le aksi enthiamte sam tu in oksan hi. Tua a sapte hong thet ciang, kumpipa in amate tungah, “Hi lai a ki at sia a sim thei, a khiakna hong son thei pawpo kumpi puantual sandup kisilhsak tu a, minphatna khamh khi a ngawng ah awsak in kumpi ngam sungah a zalian a thumna in ka koi tu hi,” ci hi.

Sawltakte 12:22

“A papau sia mihing hi ngawl a, pathian khat hi!” ci in amate au uh hi.

Sawltakte 14:11

Mihonpite in Paul nasepna a mu uh ciangin, amate in Lycaonia kam taw au tek uh a, “Pathiante sia mihing bang suakin, ei kungah hong paisuk hi!” ci uh hi.

Sawltakte 16:16

Ni khat thungetna munah pai tu in ka pai uh laitakin maisang a hong piang pheang tu, thu a sonkhol thei doai ngilo vei innteang naseam numei khat taw ka kisi uh hi. Mai lamsang thu tu a sonkhol theina taw a tote atu sum tam mama thalawsak hi.

Thupualaakna 3:9

Ngai vun! Jew mi a kici theam a leilot, tua Satan pawlte ahile, na peang uh ah a bok tu in kong paisak tu hi. Amate theampo in note kong it sia he tu uh hi.