Daniel 4:7 - Syin Chin Bible

⁷ Tuaciang aisaan theite, mitbum thiamte, doaiai neite le aksi enthiamte theampo kisam a, amate tungah ka mang ka son hi, ahizong amate in a khiakna hong son thei bua uh hi.

Daniel 4:7 Iomraidhean Croise

Pianciilna 41:24

tuaciang a theap taanghuite in a taknei taanghuite valhtum hi. Mitbum thiamte tungah ka mang ka son a, ahizong amate khat zongh in ka mang khiakna hong son thei ngawl hi,” ci hi.

Pianciilna 41:8

A zingsang ciang ama thinngim ahikom mitbum thiamte le Egypt mipil miciim theampo samsak hi. Ama in amate tungah a mang teng son a, ahizong kuama in a mang khiaksak thei ngawl hi.

Psalm Late 37:35

Khatvei lai in mihing seksol ahi ngual a zothaw ngawp thei khat ka he ngei hi; ama in Lebanon mualtung ah cedar thingkung khat bangin ngual tungtuangin om hi;

Isaiah 44:25

Aisaan theite a mawmaw ka sua tu a, aksi en theite ii thuson kholnate a lungmanhuai ka sua tu hi. Mipilte ii kammalte ka nial a amate pilna sia mawmawtna ahi hunlam ka lak hi.

Ezekiel 31:3

Lebanon ngam a cedar thingkung taw na kibang hi. Tua thingkung ii baakte hoi a, a teete boai hi, Saang mama in van ah meeite banto hi.

Daniel 1:4

Tua a teal mihingte sia kumpi inn sungah naseam thiamte a sua thei natu in a mealhoi, a pilvang, pha tak nasep a kisinsak sa, thu a he pal le pumpi tung paubanna nei ngawlte hi tu hi. Amate sia Babylon kam taw lai a sim thei natu le a at thei natu in Ashpenaz in hil tu hi.

Daniel 2:10

Kumpipa ii thudokte in, “Kumpipa awng, na heak nop bang sia hong son thei tu, hi leitung ah mihing khat beak om ngawl hi. Kumpipa dom ngawlin, milianbel le a vaanglianbel ngawngawn zongh khat beak in a aisaan theite, mitbum thiamte le bumtoai aitoaite tungah tuabang thute a dongh ngei kuama om ngawl lai hi.

Daniel 2:27

Daniel in, “Kumpipa awng, tuasia hong son thei tu in, bum lei aitoai, mitbum thiam, aisaan thiam ahibuale aksi en thiam kuama om ngawl hi.

Daniel 2:7

Amate in kumpipa tungah, “Kumpipa awng na mang hong son phot po lete, a khiakna kong sonthiang tu uh hi” ci kik uh hi.

Daniel 3:8

Tuasia ciang Babylon mite pawlkhat in Jew mite a siat son natu hunpha khat nga uh hi.

Daniel 4:18

“Ka mangmat sia hi bang hi,” Nebuchadnezzar kumpipa in ci hi. “Tu in Belteshazzar awng, a khiakna hong son ta'n. Ka kumpi thudokte kuama in hong son thei ngawl hi, ahizong nang sungah a thiangtho pathiante ii thaa om ahikom nong son thei tu hi,” ci hi.

Daniel 5:7

Ama in mitbum thiamte, bum le aitoaite le aksi enthiamte sam tu in oksan hi. Tua a sapte hong thet ciang, kumpipa in amate tungah, “Hi lai a ki at sia a sim thei, a khiakna hong son thei pawpo kumpi puantual sandup kisilhsak tu a, minphatna khamh khi a ngawng ah awsak in kumpi ngam sungah a zalian a thumna in ka koi tu hi,” ci hi.

Daniel 5:8

Tua kumpi thudokte mai ah hong pai uh a, ahihang lai ki at sia a sim thei, a khiakna a son thei kuama om ngawl hi.