Daniel 4:5 - Syin Chin Bible

⁵ Ahihang a patau huai mang khat ka man a, ka mut laitakin a lauhuai mu kholnate ka mu hi.

Daniel 4:5 Iomraidhean Croise

Pianciilna 41:1

Tua zawk kum nii zawkciang Egypt kumpipa in mang man a, a mang sungah Nile ngunhui ah ding a,

Daniel 1:7

A ulianbel pa in amate sia min thak phua in: Belteshazzar, Shadrach, Meshach le Abednego ci hi.

Daniel 2:1

Nebuchadnezzar in kumpi a sua zawk a kum nii kumin mang khat man hi. Tua mang in ama thinngimsak mama a, mu thei ngawl hi,

Daniel 2:3

amate tungah, “Mang khat ka mat huvau in ka thinngim hi. Tua ka mang ii a khiakna he nuam khi hi,” ci hi.

Daniel 4:10

“Ka mut laitakin leitung laizang ah thingkung lian mama khat mukholna khat ka nei hi.

Daniel 4:13

“Ka mukholna thu ka ngaisut laitakin khua a phawk vilvel, a mit pilvang vantunglalang khat sia vantung pan hong tuaksuk ka mu hi.

Daniel 4:15

Ahizong a bul sia thik le taau kual taw khit in lei sungah nusia in. Tua mun lo sungah lopa taw nusia in. “ ‘Tu in hisia pa tungah daaitui kia tahen a, ama sia nganhingte le thingkungte taw teang khawm tahen.

Daniel 4:19

Tuaciang Belteshazzar zongh a kici Daniel patau mama ahikom bangma pau thei ngawl hi. Kumpipa in ama tungah, “Belteshazzar awng, tua mang le a thu in patausak heak in,” ci hi. Belteshazzar in, “Kumpipa awng, tua mang le a khiakna sia nang tungah hong tung ngawlin na ngalte tungah tung zaw le ka oai hi.

Daniel 5:10

Kumpipa ii nu in kumpipa le a uliante ngamlum lialuana aw za a an neakna inndoi sungah tum hi. Ama in, “Kumpipa awng a tawntungin nungta ta in! Nong hesuakna in thinnuam ngawlin maidaangin om heak in.

Daniel 5:11

Na ngam sungah a thiangtho pathiante ii thaa a nei mihing khat om hi. Na pa kumpi ahi lai in, hi sia pa in, pathiante ii ciimna taw kibangin ciimna, heakna le ngaisut thiamna nei hi. Tuaciang na pa, Nebuchadnezzar kumpipa in ama sia aisaan theite, mitbum thiamte, bumtoai aitoaite le aksi enthiamte a ukpi tu in koi hi.

Daniel 7:1

Belshazzar ii Babylon kumpi a sep kipat kumin keima in mang khat ka man a, zanin mukholna khat ka mu hi. Ka mang mat sia lai taw ka at a, tua zan a ka mu sia ka tepteena in

Daniel 7:28

Hi sia thu tepteena ii tawpna ahi hi. Ka lau mama hu in ka mai daang a, thu theampo keima thinsung bek ah ka koi hi.