Daniel 4:36 - Syin Chin Bible

³⁶ “Ka thin a ciim kik ciang ka minphatna, ka kumpi za le ka kumpi ngam ukna vaang hong kipia kik hi. Ka uliante le ka nampi mite in hong muak uh a, nidang sangin a lianzaw minphatna le ka kumpi vaang hong kipia kik hi.

Daniel 4:36 Iomraidhean Croise

Job 13:12

Na paunakte vut taw kibangin kimanna om ngawl hi; na ngatang seenate tungman bangin topcip hi.

Paunakte 22:4

Topa ii thu ni vun a, kiniamkhiak vun, tua hile hauna, patoaina le khansauna na nga tu uh hi.

Daniel 2:31

“Kumpipa awng, na mukholna sungah a taang hemhom a kiitakhuai milim lian mama khat na mai ah a ding na mu hi.

Daniel 4:22

“Kumpipa awng, nangma in a saang, a thahat thingkung sia na hi hi. Khangto in lian mama na hikom vantung na baan to a, na vaangletna sia leitung buppi ah kizel hi.

Daniel 4:32

Nangma sia mihing huamsung pan hong kibeng tu a, ngamsate taw teang khawmin, khuital khat bangin kum sali sung lopa na ne tu hi. Tuaciang, Lianbel Pathian in mihing kumpi ngamte uk a, a teal khat pawpo tungah kumpi ngamte pia thei ahi hunlam na he tu hi,” ci hi.

Daniel 4:34

Kumpipa in, “Kum sali a cin zawkciang van ka ento a, ka thin hong ciim kik hi. Lianbel Pathian ka pok a, a nungta tawntung pa khat tungah zatakna le minthanna ka pia hi. “Ama in a tawntungin uk tu a, a kumpi ngam sia kip tawntung tu hi.

Matthew 6:33

Tua sangin Pathian Ukna-ngam le ama in nang tung pan bang dei ziam, ci sia thupisak masa vun, tua hile ama in tua nadang theampo zongh hong sik tu hi.

2 Corinth te 4:17

Tuaciang, hi tawmvei hunsung ka thuak uh ngimna tawmnote in, tua ngimna sangin a tamzaw pek, a lian mama tawntung minthanna sungah kote hong then tu hi.

1 Samuel 2:30

Keima, Israel te ii Topa Pathian in na innkuan le na phung sia keima thiampi seam tawntung tu hi, ci in a bosa hun sungah kamciam ka pia hi. Ahihang tu ahile kong cina pan, tuasia len nawn ngawl khi hi! Tua sangin kei hong patoai te ka patoai tu a, kei hong simmaw te ka ngaimawk vawt tu hi.