Daniel 4:34 - Syin Chin Bible

³⁴ Kumpipa in, “Kum sali a cin zawkciang van ka ento a, ka thin hong ciim kik hi. Lianbel Pathian ka pok a, a nungta tawntung pa khat tungah zatakna le minthanna ka pia hi. “Ama in a tawntungin uk tu a, a kumpi ngam sia kip tawntung tu hi.

Daniel 4:34 Iomraidhean Croise

2 Samuel 22:31

Hi Pathian — bangza in ama nasepnate cialcing a, ama kammalte suan taak ziam! Ama hong dalna a zong theampo atu in ama in lum khat taw kibang hi.

1 Khangtaanghthu 29:10

David kumpipa in a kikhawm mihonpi bup mai ah Topa pok hi. Ama in, “Ka taanghpupi Jacob ii Topa Pathian awng, a tawntung a tawntungin nangma kipok tahen!

1 Khangtaanghthu 29:13

Tu in ka Pathian awng ka lungdamnate kong ko uh a na minthang kong pok uh hi.

Job 1:21

Ama in, “Ka pian lai in ka nguaktang in ka suak a, ka nguaktang in ka thi tu hi. Topa in hong pia a, tu in Topa in la kik hi. Ama min kipok tahen!” ci hi.

Psalm Late 10:16

Topa in a tawntung a tawntungin kumpipa ahi hi; pathian dang a biate sia ama ii leitang tung panin mong tu hi.

Psalm Late 102:24

Pathian awng, ka huai maa, tu in kei hong la heak in. Topa awng, nangma in a tawntungin na nungta hi;

Psalm Late 107:15

Amate atu a lamdang na a septe hang le a itna kip hu in amate in Topa tungah lungdamko hamtang tu uh hi.

Psalm Late 107:22

Ama tungah sangaw biakpiakna taw lungdamko hamtang tu a, lungdam lasakna taw ama sep sa theampo son hamtang tu hi.

Psalm Late 107:31

Amate atu nalamdang a septe hang le a itna kip hu in amate in Topa tungah lungdamko hamtang tu uh hi.

Psalm Late 107:8

Amate atu nalamdang a septe hang le ama ii itna kip hu in amate in Topa tungah lungdamko tu uh hi.

Psalm Late 111:7

A sep a vawt theampo sungah ama thumaanin thutang hi; ama ii thupiakna theampo in muan thamman hi.

Psalm Late 121:1

Kei hong kihuna koisung pan hong pai tu ziam ci in mualtung ka ento hi.

Psalm Late 123:1

Topa awng, na ukna vantung le, nangma kong ento hi.

Psalm Late 145:13

Na ukna kip tawntung a, nang sia a tawntungin kumpipa na hi hi. Topa in a kamciamnate tungah thumaan a, a ngamtatna sung theampo ah hesuak thei hi.

Psalm Late 146:10

Topa sia a tawntung kumpipa ahi hi. Zion awng, na Pathian sia hun theampo ah maang tu hi. Topa pok vun!

Psalm Late 50:14

Pathian tungah lungdamkona sia nangma sangaw biakpiakna hi zaw tahen, Vaanglianbelpa tungah piak tu a, na kamciam bangin pia siat in.

Psalm Late 66:7

Ama in a thahatna taw a tawntungin uk a, minam tuatuamte mitsuan hi. Ama langpanin kuama in tualngal tho heak hen.

Psalm Late 7:17

Topa sia ama thutang ahi hu in lungdam ka ko hi; A Saangbel Pa sia pokna la ka sak tu hi.

Psalm Late 9:2

Nangma hangin lungdamna taw la ka sa tu uh hi. Vaanglianbel Pathian awng, na min pokna la ka sa tu hi.

Psalm Late 92:1

Topa awng, nang tungah lungdamko tu le Saang Bel Pathian awng, nangma upatna la sak tu sia bangza in pha ziam,

Isaiah 13:11

Topa in, “Leitung ah ngimna siatna ka thengsak tu a, mi seksolte theampo a mawnate hu in daan ka pia tu hi. A kiphasak theampo ka niamsak tu a, a kisathei theampo le a ngilote theampo daan ka pia tu hi.

Isaiah 2:11

Mihingte kiphatsakna le, mihingte kisaktheina a kilalsak tu ni khat hong theng tu hi. Tuasia ciang Topa bekma kipok tu hi.

Isaiah 24:15

nisuana sangah a omte in ama pok tu uh hi. Tuipi dung ah a teang mihingte in Israel te ii Pathian, Topa pok tu uh hi.

Jeremiah 10:10

Ahihang Topa, nangma in Pathian tatak na hi a, a nungta Pathian le tawntung kumpipa na hi hi. Na thin uuk ciangin leitung liing a; minamte in na thin uukna thuak zo ngawl uh hi.

Kaa late 3:38

Ama thu piakna zui in a pha le a sia a kibangin piang hi.

Daniel 12:7

Vantunglalang in a khutte nii van sangah laamto a, Tawntung Pathian min taw a ciliap huai kamciamna khat vawt hi. Ama in, “Kum thum le kum lang hi tu hi. Pathian mite a kivawtsiatna a bo ciang hi thute theampo piang siat zo tu hi,” a ci ka za hi.

Daniel 2:44

Tua ngamukte hun sungin, vantung Pathian in a bo ngeingawl tu kumpi ngam khat phut tu hi. Tua ngam sia kuama in zo zo ngawl tu a, ahizong tua ngam in kumpi ngamliante theampo zo ngawpin kip tawntung tu hi.

Daniel 4:2

Lianbel Pathian ii ka tungah hong lak a lamdangte le nalamdang laknate ngai vun.

Daniel 4:26

Vantunglalang in lei sungah tua thingbul a kinusiat natu in thupia hi. Tu sia in leitung theampo Pathian ii uk ahi hunlam na tel tak ciang kumpi na sua kik tu hong sonna ahi hi.

Daniel 4:3

“Pathian ii eite hong lak nalamdangte lian lawlawm hi! A vawt nalamdang laknate vaang nei lawlawm hi! Pathian sia a tawntungin kumpi hi a; ama in a tawntungin uk tu hi.

Daniel 4:32

Nangma sia mihing huamsung pan hong kibeng tu a, ngamsate taw teang khawmin, khuital khat bangin kum sali sung lopa na ne tu hi. Tuaciang, Lianbel Pathian in mihing kumpi ngamte uk a, a teal khat pawpo tungah kumpi ngamte pia thei ahi hunlam na he tu hi,” ci hi.

Daniel 4:36

“Ka thin a ciim kik ciang ka minphatna, ka kumpi za le ka kumpi ngam ukna vaang hong kipia kik hi. Ka uliante le ka nampi mite in hong muak uh a, nidang sangin a lianzaw minphatna le ka kumpi vaang hong kipia kik hi.

Daniel 5:18

“Lianbel Pathian in na pa Nebuchadnezzar sia kumpi lian khat in koi a, zatakna le vaangletna pia hi.

Daniel 5:21

Ama sia mihing huamsung pan kihawlkeak a, nganhing ngaisutna hong nei hi. Ama sia ngam laate taw teang khawmin, khuital bangin lopa ne a, daaitui dal tu nei ngawlin a pua sangah lum hi. Lianbel Pathian in mihingte ii kumpi ngam theampo uk a, ama ii dei pawpo tungah tua ngamuknate pia thei hi ci sia a khak belin ama in phawk hi.

Daniel 6:26

Ka kumpi ngamlian sung a om mihingte theampo in Daniel ii Pathian a kiitak natu le a zatak natu in thu ka pia hi. “Ama in a nungta Pathian hi a, a tawntungin uk tu hi. A ngam kisiasak ngeingawl tu a, a vaangletna bo ngeingawl tu hi.

Daniel 7:14

Ngam theampo, minam theampo le paunam theampo pan mite in ama ii na a sep natu in ama sia thu neina, upatna le kumpi vaangletna kipia hi. A thuneina in a tawntungin kip tu a, a kumpi ngam bo ngeingawl tu hi.

Daniel 7:27

Leitung kumpi ngam theampo ii vaang le a letna sia Lianbel Pathian ii mihingte tungah kipia tu hi. Amate kumpi vaang sia bo ngeingawl tu a, leitung a ukte theampo in amate na sepsakin a thu ni tu uh hi,” ci hi.

Daniel 9:14

Topa kote Pathian awng, nangma in kote daan hong pia tu in na kithoai a, nong pia takpi hi, banghang ziam cile nangma in a maan bang na seam tawntung a, koma in nang kong nadon bua uh hi.

Jonah 1:14

Tua ahiciang amate in Topa biakpui a, “Topa awng, thu hong ngen ung, hi sia pa ka thisak uh hu in thidaan hong pia heak in! Topa awng, hite theampo ah vaipuak nei ni hi; nangma vawt hi,” ci uh hi.

Micah 4:7

Amate liamin bai a, inn panin kikhuala hi, ahihang a taanglaite atu kipat kikna thak khat ka vawtsak tu a, amate minam lian khat suak tu hi. Amate tua hun pan kipan Zion Mual tung pan a tawntungin ka uk tu hi,” ci hi.

Luke 1:33

Tuaciangin ama Jacob ii suan, a tawntung a maang kumpi hong hi tu a, ama ii ngam bo hun nei ngawl tu hi,” ci hi.

Luke 18:13

Ahihang shiadongpa ahile a khualana ah ding a, vantung zongh ento ngam ngawlin, a awm beang a, ‘Pathian awng, kei mimawpa hong hesuak ta'n!’ ci hi.

John 5:26

Pa mama in nuntakna ii naak ahi bangma ama Tapa zongh nuntakna ii naak suaksak zo hi.

Thuhil kikna 32:4

“Topa sia note hong dal a hatbelpa hi a, A sepzia theampo kicing in maan hi; Na Pathian thumaan in thutak a; Ama in a maan le a pha in seam hi.

1 Timothy 1:17

Ama bek Pathian ahi a thi thei ngawl, a kimu thei ngawl Tawntung Kumpipa tungah patoaina le minthanna a tawntung a tawntungin om tahen! Amen.

1 Timothy 6:16

Ama bek thi maw a; kuama in a nai a neak thei ngawlna khuavak sungah teang hi. Kuama in ama mu ngeingawl a; kuama in ama mu thei ngeingawl tu hi. Ama ii tungah zatakna le tawntung ukzawkna om tahen! Amen.

Thupualaakna 10:6

a tawntung a tawntungin a nungta, vantung, leitung, tuipi le a sung a om theampo a bitphua Pathian min taw kiciamna pia hi. Vantunglalang in, “Haisaang nawn ngawl tu hi!

Thupualaakna 11:15

Tua zawkciang vantunglalang a salina sia in a lemle tum a, vantung ah awnging tatak taw, “Leitung uk natu vaangletna in ih Topa le ama Messiah ii neisa hi a, ama in, a tawntung a tawntungin uk tu hi!” ci hi.

Thupualaakna 4:10

Tuabangin a sep uh ciangin upa kul le lite sia kumpi tokhum tung a to Topa mai ah boksuk in, a tawntung a tawntungin a nungta pa bia uh hi. Amate in a kumpi lukhute sia kumpi tokhum mai ah khiasuk in,

Thupualaakna 4:9

Kumpi tokhum tungah a to pa, a tawntung a tawntungin a nungta pa tungah nganhing li teng in minthanna, upatna le lungdamkona la sak uh hi.