Biblia Todo Logo
Bìoball air-loidhne

- Sanasan -




Daniel 4:30 - Syin Chin Bible

30 ama in, “En vun, Babylon khua bangzata lian ziam! Ka vaangletna, ka thahatna, ka minthanna le ka letnate lak natu ka khuapi in ka sa hi,” ci hi.

Faic an caibideil Dèan lethbhreac




Daniel 4:30
33 Iomraidhean Croise  

A masa phitin ama ii kumpi ngam sia, Babylon ngam sungah a om Babylon, Erech le Accad ngam thum teng ahi hi.


Kumpipa in a ngam haunate le kumpi zum ii vaang neina, nasiatna taw a thupiziate tha luk sung bup lak hi.


Ka thaa awng, Topa pok in! Topa ka Pathian awng, nang bangza in na lian ziam! Kumpi zaletna le minthanna,


Mihing khat ii letna in thina panin ama hun zo ngeingawl hi; ama sia nganhingte bangin thi lai tu hi.


Amate in midangte nuisan zazaan in kamsia veu pau uh a; kiphasak in ngualdangte zawthawk sawm uh hi.


Mihing kiphasak te hai ngawlin maimawl tu hi. Kiniamkhiakna sia ciimna hizaw hi.


Kiphatsakna in siatna sungah hong then a, kisaktheina in kiamsukna sung hong then hi.


Kisaktheina in, kiamsukna sung hong then tu a, ahizong na kiniamkhiak le hong kizakta tu hi.


Babylon sia kumpi ngam theampo sung pan a et hoibel hi a; tuasia in a mite kiphatsakna ahi hi. Ahihang Topa ahi, keima in, Sodom le Gomorrah ka vawt bangin Babylon ka lawnthal tu hi!


Hi thu Vaanglianpipa Topa ii Egypt kumpipa tungah a ci ahi hi: Ngun sungah a om awle pui awng, kei sia nangma ii ngal ka hi hi. Nile ngun sia nangma vawt sa hi a, nangma neisa hi na ci hi.


A kammalte zongh khuangkhim ngawl lai in, vantung pan pauna aw khat hong nging a, “Nebuchadnezzar kumpipa awng, ka thu son ngai in! Na kumpi vaangletna sia tu in na tung pan hong kilaaksak hi.


Tua zawkciang a thahatna sia amate ii pathian ahi, hi mite, sia vuiva bangin paisuak a bo uh hi,” ci hi.


Banghang ziam cile ama le ama a kiliansakte kiniamsak tu a, ama le ama a kiniamkhiak te kiliansak tu hi.”


no hong sam khawm innteakpa in no kungah hong pai in, ‘Ama na tona awn in,’ hong cile nuammaw sa in a niambel tona dangkhat ah na to uh hong kul tu hi.


Pha hi, bang pawpo na vawt zong, bang pawpo na ne na dawn zong, Pathian minthan natu in na hi vun.


Tuasia bangma in no khangmoizawte zongh, khanghaamzawte thu na ni vun. Tuaciangin note theampo khat le khat, na na kisepsak thei natu in, kiniam khiakna awmdal sia puan bangin silh tavun; banghang ziam cile, laithiangtho in, “Pathian in a kiphasakte nalh a, a kiniamkhiakte tungah maipha pia hi,” ci hi.


Vantunglalang a niina sia in a masa sia zui a, “Numeinu lal zo hi. A lian mama Babylon lal zo hi. Ama in a paktatna sapittui sia mihing theampo in nesak zo hi,” ci hi.


Khuapi lian sia khen thum in hong kiphaltham uh a, tuaciangin ngam theampo a khuapite sia kilalsak siat hi. Pathian in Babylon khuapi sia phawkin a thin uuk thangsiatna sapittui sia — ama ii hai panin dawnsak hi.


A talki tungah, min khat ki at a, a kiphualseal khiakna sia: “Leitung ah numei pumpi kizuak theampo le zummawk ngamtatna neite ii nu, A lian Babylon,” ahi hi.


Amate in ama thuakna sia a thuakpui ngam bua uh a, a khualana ah ding uh hi. Amate in, “Bangza in kiitakhuai ziam! Bangza in lauhuai ziam! Hi a lian le a hat Babylon khuapi! Nai khat sung tengin daan hiza na tawk hi,” ci uh hi.


Tua zawkciangin vantunglalang a thahat khat in, an ngoaina suang cia a lian suang khat la in tuipi sungah deangsuk a, hi bangin ci hi. “Khuapi lian mama Babylon sia hi bangin kilawn suk tu a, a kimu kik nawn buatu hi.


Lean sinn:

Sanasan


Sanasan