Daniel 4:27 - Syin Chin Bible

²⁷ Tua ahiciang kumpipa awng, kong thuhilna hong ni ta'n. Mawna na vawt kheal in a, a maan in seam in, tuaciang a zawngte hesuak in. Tua hile na nuamsa tawto tu hi,” ci in zo kik hi.

Daniel 4:27 Iomraidhean Croise

Pianciilna 11:4

Amate in, “Eite ii min nga thei natu le leitung theampo ah ih kithethaang ngawl natu in khuapi khat saatin van a baan tu tausaang khat ciang to tawng,” ci uh hi.

1 Kumpite 21:29

“Ahab in keima mai ah bangzata kiniamkhiak in a om sia na mu ziam? Hi bangin ngamta ahiciang ama khan sungah tuasiatna piangsak ngawl tu khi hi; a tapa ii khan sung in Ahab bangkua sungah tuasiatna piangsak tu khi hi,” ci hi.

Psalm Late 119:46

Kumpipate munah na thupiaknate ka son tu a, ka mai a zum buatu hi.

Paunakte 11:2

Mihing kiphasak te hai ngawlin maimawl tu hi. Kiniamkhiakna sia ciimna hizaw hi.

Paunakte 16:6

Thumaan vun a, citak vun, Pathian in na mawna hong maisak tu hi. Topa ii thu ni vun, thusia bangma na tungah hong tung ngawl tu hi.

Paunakte 28:13

Na mawnate seal tu na hanciam le nuntak sungin zawna na nga ngei buatu hi. Mawna pualaak vun a, nusia vun; tuasia ciang Pathian in na tungah hesuakna hong lak tu hi.

Isaiah 10:13

Assyria kumpilianpa in, “Keima mama in a vekpi in vawt zo ing. Ka hat a, ka ciim a, ka pil hi. Ngam khat le ngam khat kilaklaw ngamngite bosakin amate kholsa vanhte ka sut siat hi. Keima in khuital khat bangin tualai ah a teang mite ka tuanhthal zo hi.

Isaiah 47:10

“Na phat ngawlnate sungah nangma le nangma na thin na muang a; kuama in hong mu thei buan te ci in ngaisun ni hi. Na ciimna le na pilna in nangma lam hong pialsak a, Nangma le nangma, ‘Keima in Pathian ka hi hi — kei bang a dang khat zongh om ngawl hi,’ na kici hi.

Isaiah 47:8

“Nopsakna bek dei in, muanhuai in bit a kisa sia awng, hi thu ngai in. Pathian za in lian na kisa hi — Nang taw a kibang kuama dang khat zongh om ngawl hi, na ci hi. Nangma in meingong nu ka suak ngei buatu hi, ahibuale ka tate thina bona a thuak ngei buatu hi ci in na ngaisun hi.

Jeremiah 29:7

Thongtaak a kong paisakna khuapite ii phattuam natu in naseam vun. Amate taangin ka tungah thu ngen vun, banghang ziam cile amate a nuamsa uh le no zong na nuamsa tu uh hi.

Jeremiah 38:20

Keima in, “Nang sia amate khut sungah hong ki aap ngawl tu hi. Topa ii thupuak sia na nit natu in hesuak kong ngen hi; tua hile na theampo nang atu in pha tu a, na nuntakna hong kikhoaikhe tu hi.

Ezekiel 18:7

Ama in kuama theam ngawl, a neisa suttol ngawl hi. Sum a pu khat ii a vanh aapte pia kik hi; ngilkialte anvaak in, a pumnguak omte puansilh pia hi.

Ezekiel 29:3

Hi thu Vaanglianpipa Topa ii Egypt kumpipa tungah a ci ahi hi: Ngun sungah a om awle pui awng, kei sia nangma ii ngal ka hi hi. Nile ngun sia nangma vawt sa hi a, nangma neisa hi na ci hi.

Ezekiel 29:9

Egypt ngam sia a kolh ngamtongta suak tu hi. Tuasia ciang, Topa ka hi hunlam nong he tu uh hi. “Nile ngun sia nangma vawt sa nangma neisa ci na hikom in,

Joel 2:14

Topa na Pathian in a thin kheal tha tu a, an hauna taw nang thupha hong pia tu hi. Tuasia ciang antang le sapittui te ama na pia thei tu uh hi.

Amos 6:13

Lodebar khua a kilaak huvau in na kiphasak uh hi. “Karnaim a la zo tu in thahat khom ngawp hi zam,” ci in na kiphasak uh hi.

Jonah 3:9

Pathian a thin kheal kik tha tu hi; a thin uukna thaisak tha tu a ih thi buatu hi!” ci hi.

Habakkuk 1:11

Tua zawkciang a thahatna sia amate ii pathian ahi, hi mite, sia vuiva bangin paisuak a bo uh hi,” ci hi.

Zephaniah 2:15

Khuapi kiphasak mama, a thahatna suangin, ngam muang a kisa khat tungah tuabangin piang tu hi. A mite in amate khuapi sia simleitung ah khuapi lianbelin ngaisun uh hi. Bangza a ngamtongta mun, ngamsate tawl omna mun suak tu ziam! A kaantan in a pai pawpo in a mu ciang patau in ton tu hi.

Matthew 3:8

Mawna pan kisii kikna lim kilanghsak vun.

Luke 11:41

Ahihang na kuang le na haite ii sung a omte sia a zawngte pia le uhte no atu in na theampo sia zeksa huvau in thiang tu hi.

Sawltakte 24:25

Ahihang Paul in ngamtat phatna, pumpi kitekna le, Thukhen Ni hong thet natu thute kikuppui top a, Felix sia lau hi. “Tu in na pai phot ta'n, hunpha ka nga ciangin, kong sam kik tu hi,” ci hi.

Sawltakte 26:20

A masa phitbel in Damascus le Jerusalem ah, tua zawkciangin, Judea ngam bup le Gentile te sungah, amate in a mawnate kisiik nanak a, Pathian sangah kiheak in, a kisii kikna thu a lak tu nasepte a sep natu in, thu ka hil hi.

Sawltakte 8:22

Tua hi a, hi a sia na ngealna panin kisiik kik ta'n a, tuaciang tuabang ngaisutna na nei hu in, hong maisak natu in Topa tungah thungen ta'n.

2 Corinth te 5:11

Topa kiitakna ii a cinopna ka he uh a, tua hu in, ngual zongh, tuabang ahithei natu in ka hanthawn uh hi. Pathian in kote sia a khawng a kheakin hong heak bangma in na thinsung uh ah, keima zongh hong he tu in kong muangmaw hi.

Galatia te 5:13

Ka suapuite awng, no sia a suakta tu in hong kisam hi. Ahihang hi suatakna in chi le sa deina ii hong ukna tu a paulap nuam hisak heak vun. Tua taangin ki itna taw khat le khat kihu vun.

Galatia te 5:22

Ahihang Thaa in itna, lungdamna, thinnopna, thinsauna, dikna, phatna, thumaanna,

Galatia te 5:6

Banghang ziam cile Christ Jesus taw pumkhatin ka om uh ciang vunteap atna ahizong, at ngawlna ahizong bangma kitumdanna a omsak bua hi; a thupi sia in ki itna tungtawn a, na a seam upna ahi hi.

Ephesus te 4:28

Ngual neisa a suttol thei sia in sutolna kheal tahen a, ama nuntak natu a thalaw natu le a zawngte a hu thei natu in, naseam tahen.

Thuhil kikna 24:13

a mut thei natu in nitak simin ama pia kik vun. Tuasia ciang ama lungdam tu a, Topa na Pathian sia na tungah hong lungkim tu hi.

Thuhil kikna 32:27

Ahizong amate a hualcip pa keima ma ka hi ciang a ngalte in ka mite a zawna thu sia kiphatsakna in ka neisak thei buatu hi,’ ci hi.

Thuhil kikna 8:17

Tua hi a, noma vaangletna le na thahatna uh taw hau khu hi, ci in ngaisun ngei heak vun.

1 Peter 4:8

Khat le khat thinsung takpi taw na ki it tu sia thupi ngaisutbel tavun, banghang ziam cile ki itna in mawna tam mama sincip hi.