Daniel 4:23 - Syin Chin Bible

²³ Kumpipa Nangma in na et laitakin, vantunglalang khat vantung panin hong tuaksuk a, ama in ‘Thingkung phuk in a, susia in, ahizong lei sungah a bul nusia in. A bul ah thik le taau kual vial in a, tua mun lo sungah lopate taw nusia in. Hisia pa tungah daaitui kia tahen a tua munah kum sali sung nganhingte taw teang tahen,’ ci hi.

Daniel 4:23 Iomraidhean Croise

Daniel 4:26

Vantunglalang in lei sungah tua thingbul a kinusiat natu in thupia hi. Tu sia in leitung theampo Pathian ii uk ahi hunlam na tel tak ciang kumpi na sua kik tu hong sonna ahi hi.

Daniel 5:21

Ama sia mihing huamsung pan kihawlkeak a, nganhing ngaisutna hong nei hi. Ama sia ngam laate taw teang khawmin, khuital bangin lopa ne a, daaitui dal tu nei ngawlin a pua sangah lum hi. Lianbel Pathian in mihingte ii kumpi ngam theampo uk a, ama ii dei pawpo tungah tua ngamuknate pia thei hi ci sia a khak belin ama in phawk hi.

Daniel 8:13

Tuaciang vantunglalang khat in a dang khat ii munah, “Mukholna sungah a kimu hi thute bang tanvei kizom lai tu ziam? A kiihuai mawna khialna in ni sim biakpiaknate bang tanvei theak tu ziam? Vantung ngalkaphonpi le Biakinnpi sia bang tanvei kituanhcil tu ziam?” ci in a dok ka za hi.