Daniel 4:19 - Syin Chin Bible

¹⁹ Tuaciang Belteshazzar zongh a kici Daniel patau mama ahikom bangma pau thei ngawl hi. Kumpipa in ama tungah, “Belteshazzar awng, tua mang le a thu in patausak heak in,” ci hi. Belteshazzar in, “Kumpipa awng, tua mang le a khiakna sia nang tungah hong tung ngawlin na ngalte tungah tung zaw le ka oai hi.

Daniel 4:19 Iomraidhean Croise

Pianciilna 31:35

Rachel in a pa tungah, “Na mai ah hong ding thei ngawl ka hikom topa awng, thin uuk heak in; numei ngeina ka nei laitak hi,” ci hi. Laban in zong a, ahihang a innkuan milimte mu ngawl hi.

Pianciilna 32:18

‘Hite sia na naseampa Jacob neisa hi. Ama in hi teng a topa Esau letsong in hong puak hi. Jacob zongh ka nung ma ah om hi,’ ci in zo nanak tavun,” ci in thupia hi.

Pianciilna 40:12

Joseph in, “A khiakna hi bang hi: sapitbaak thum sia ni thum hi.

1 Kumpite 18:7

Obadiah in a paina lam tungah thakhat thu in Elijah taw kisi hi. Ama in tel a, ama ii mai ah a niamin kunsuk a, “Topa awng, nangma tatak ma ni ziam,” ci in dongh hi.

Pusuana 32:32

Nong hesuakna in a mawna maisak in; ahizong na maisak zo buatu le, na mite min na khumna laibu sung pan ka min hong phiat ta'n,” ci hi.

Jeremiah 29:7

Thongtaak a kong paisakna khuapite ii phattuam natu in naseam vun. Amate taangin ka tungah thu ngen vun, banghang ziam cile amate a nuamsa uh le no zong na nuamsa tu uh hi.

Jeremiah 4:19

Na hi! A na ka thuak zo bua hi! Ka lungtang! Ka lungtuk ngam vasat hi! Thim khipkhep in ka ommuang thei bua hi; lemle aw le ngal simna aw ka za hi.

Daniel 1:7

A ulianbel pa in amate sia min thak phua in: Belteshazzar, Shadrach, Meshach le Abednego ci hi.

Daniel 2:26

Kumpipa in (Belteshazzar zongh a kici) Daniel tungah, “Ka mangmat sia le a khiakna nong son thei tu ziam” ci hi.

Daniel 2:37

Kumpipa awng, nangma in kumpi theampo sung panin a lianbel na hi hi. Vantung Pathian in nang sia kumpi lian in hong koi zo a, vaangletna, thahatna le upatna hong pia zo hi.

Daniel 4:24

“Kumpipa awng, a khiakna sia hi bang hi a, nang tungah hong tung tu in Lianbel Pathian ii ci sa ahi hi.

Daniel 5:12

Ama sia a tumdang hi theina nei a, ciim in, mang khiak thei pilna, thu kheldoknate zo theina le thutumdangte sontel theina nei hi; tua ahikom kumpipa in Belteshazzar ci a, a min a phua pa Daniel sam in, tua hile ama in hite theampo ii khiakna hong sonthiang siat tu hi,” ci hi.

Daniel 5:18

“Lianbel Pathian in na pa Nebuchadnezzar sia kumpi lian khat in koi a, zatakna le vaangletna pia hi.

Daniel 5:19

Ama sia lian mama ahikom ngam theampo, minam theampo le paunam theampo pan mihingte in ama kiita in liing uh hi. Mihing khat pawpo a thatlum nuam le thatlum a, a nungtasak nuam le nungtasak hi. Ama in a upat nop pawpo upat a, a maimawlsak nop pawpo maimawlsak hi.

Daniel 7:15

Ka mukholnate in hong patausak a, ka thin hong nawngkaisak mama hi.

Daniel 7:28

Hi sia thu tepteena ii tawpna ahi hi. Ka lau mama hu in ka mai daang a, thu theampo keima thinsung bek ah ka koi hi.

Daniel 8:27

Ka thin kiam in ni tam ma ka ciina hi. Tua zawkciang thoto in kumpipa hong sawl ka nasep ma ka seam kik hi, ahihang tua mukholna in ka lung hong mangsak a, ka tel zo bua hi.

Habakkuk 3:10

Mualte in nang hong mu ciangin liing uh a, van panin tui hong buasuk hi. Leinuai a tuite hawk vabuat a, a tuihualte khangin saangto hi.

1 Samuel 1:15

Ama in, “Hi ngawl khi hi, kei zu kham hi ngawl khi hi, topa awng, zu ne sa in om ngawl khi hi! A cimaw ka hi hi, thu ngengen in ka ngimna teng Topa tungah sung khi hi.

1 Samuel 24:8

Tua zawkciang David pusuakin a nung panin zui a, “Kumpipa awng!” ci in ama biakpui hi. Saul hong kiheak a, tuaciang David lei ah bok suk in zatak a piak zawkciang,

1 Samuel 26:15

David in “Abner, nang sia Israel ngam ah mi lianbel hi ka na ngawl ni ziam? Banghangin na topa kumpipa hung zo ngawl ni ziam? Tu ma hiat in na topa thatlum tu in mihing khat ngiaphual sungah hong tum hi.

1 Samuel 3:17

Eli in, “Topa in bang hong son ziam?” ci in dongh hi. “Kei tungah bangma hong iim heak in. Hong son theampo nong son buale Pathian in nasia takin daan hong pia tu hi,” ci hi.