Daniel 4:17 - Syin Chin Bible

¹⁷ Hi thu sia a pilvang le a phawk vilvel vantunglalangte ii thukhenna ahi hi. Tua ahiciang mun theampo ah om mihing theampo in, Lianbel Pathian in mihing kumpi ngamte tungah vaang nei a, ama ii teal khat pawpo — mihing thupi ngawl belte ngawngawn tungah zongh kumpi ngamte pia thei hi ci thu he tahen, ci in thangsak hi.’

Daniel 4:17 Iomraidhean Croise

1 Kumpite 21:25

( Topa muna ah Ahab bangin khialna vawt natu a kipumpiak kuama dang om ngawl hi — tua theampo a zi Jezebel ii hanthotna panin piang ahi hi.

2 Khangtaanghthu 28:22

Ahaz sia a thinngimbel hun hong thet ciang Topa tungah nidang sangin zongh maw zaw lai hi.

Psalm Late 103:19

Topa in a kumpi tokhum sia vantung ah koi hi; ama in mun theampo a uk kumpipa ahi hi.

Psalm Late 9:16

Topa in thutang khennate taw ama le ama hong kilaak hi, mihing seksolte sia amate ii a sep a vawtte taw ma in awk hi.

Pusuana 9:16

Ahizong leitung bup ah ka minthanna a kizel natu in nang tungah ka vaangletna hong lak nuam in kong nungtasak zo hi.

Isaiah 6:3

Amate khat le khat ki oksan in: “Thiangtho, thiangtho, thiangtho! Vaanglianbelpa Topa sia thiangtho hi! Ama ii minthanna in leitung zel hi,” ci in au uh hi.

Isaiah 6:8

Tuaciang Topa in, “Akua sawl tu khi ziam? Akua in eite kamtai hi tu ziam a ci ka za hi. “Keima pai tu khi hi! Hong sawl ta'n!” ci in keima in ka zo hi.

Ezekiel 25:17

Amate nasia takin daan ka pia tu a, a kicing phulamna ka nei tu hi. Amate in ka thin uukna phawk tu uh hi. Tuasia ciang Keima, Topa ka hi sia he tu uh hi,” ci hi.

Ezekiel 7:24

A ngilobel minamte hi munah kong paipui tu a, na innte uh amate in ka tangsak tu hi. Na biakpiakna munte tua minamte in a nitsak ciang, na mi a thahat belte in a kimuanna uh bosua tu uh hi.

Daniel 11:21

Vantunglalang in sonthiang tawto hi: “Syria kumpipa a suak kik tu sia kumpi tu in a kilawm ngawl mi ngilo khat hi tu hi, ahihang muanmawk khol ngawlin ama hong pai tu a, thimthelna taw kumpi za suan tu hi.

Daniel 2:21

Ama in hunte le khua hunte uk hi; ama in kumpite panmun pia a, kumpite phiat hi; ciimna le pilna a pia pa sia ama ahi hi.

Daniel 4:2

Lianbel Pathian ii ka tungah hong lak a lamdangte le nalamdang laknate ngai vun.

Daniel 4:25

Mihing huamsung panin hong kihawlkeak tu a, ngamsate taw na teang khawm tu hi. Khuital khat bangin kum sali sung lopa ne in lozau sungah zan na ngiak tu a, na tungah daaitui hong kia tu hi. Tuaciang Lianbel Pathian in mihing kumpi ngamte uk a, tuate sia ama ii teal khat pawpo pia thei hi ci sia na saang tu hi.

Daniel 7:25

Ama in Lianbel Pathian sia sonsia tu a Pathian ii mihingte nengcip tu hi. Ama in amate ii biakna taw kipawl thukhamte le poai vawtnate khealsak tu in hanciam tu hi, Pathian ii mihingte sia ama ii khutnuai ah kum thum le kumlang om tu hi.

Romete 13:1

Mihing khat simin ngam uk thuneite thu na ni vun, banghang ziam cile Pathian oai ngawl po kuama in thuneina nei thei ngawl hi, tua thuneite sia amate sepna san tek ah Pathian ii a koi ahi hi.

1 Corinth te 1:28

Leitung ii thupi a sakte, a lalsak natu in leitung ii a nomu, a zawnsak le bangma in a hen ngawlte teal hi.

1 Timothy 5:21

Na nasep napo kuama nguptuam paihtuam nei ngawlin kong thupiakte na nit natu in Pathian mai, Christ Jesus mai le a thiangtho vantunglalangte mai ah ciliap huai takin kong sawl hi.

Thupualaakna 4:8

Nganhing lite khat simin tha luk tek nei a, tuaciang tua thate sungsang le puasang ah mittang taw kidim uh hi. Sun taw zan taw amate in a lasak a tawlnga ngei bua uh hi: “Vaanglianbel Topa Pathian sia Thiangtho, thiangtho, thiangtho hi, ama in a om sa, a om nginge, hong pai pheang tu pa hi,” ci uh hi.

1 Samuel 2:8

Ama in mizawngte leivui panin laamto a, a kitasamhte a lungmanna panin phongto hi. Amate sia kumpipa tapate taw kithawlsakin, ki upat vawtna munah koi hi. Simlei ii phungkawng sia Topa aa hi; tuate ii tungah ama in leitung sato hi.