Daniel 4:14 - Syin Chin Bible

¹⁴ Ama in nging takin, ‘Tua thingkung phuktan in a, a baak teng siiktan in; a tee teng heu thiang in a, a nga thethaang in. A nuai a nganhing teng le thingbaak tungah vacim teng bengkeak in.

Daniel 4:14 Iomraidhean Croise

Job 24:20

Tu in a nu ngawngawn in ama phawk nawn ngawl hi; ama thanh in ne a, thing puk khat bangin kimuatsak hi.

Jeremiah 27:5

“Ka vaangletna le ka thahatna taw in leitung mihing nam le leitung ah a teang nganhingte theampo ka bitphua a; tuate sia ka piak nop pawpo tungah ka pia hi.

Jeremiah 51:6

Babylon panin tai vun! Na suatak natu in tai vun! Babylon ii mawna khialna hangin thalup thuak heak vun. Keima in tu in phu ka la a, a kilawm bangin daan ka pia hi.

Jeremiah 51:9

Tua munah a teang ngamdangmite in, ‘Babylon hu tu in ka hanciam uh hang hai lei zo hi. Tu in nusia in ih inn ih lo zuan kik ka tawng. Pathian in Babylon sia a tha neiza theampo taw daan pia zo a, siasak dipdeap zo hi,’ ci uh hi,” a ci hi.

Ezekiel 31:10

“Tu in Keima, Vaanglianpipa Topa in van ah meei a banto dongin a saang, tua thingkung tungah bang piang tu ziam kong son tu hi. Saangto vaial in khangto a, kiphasak vaial hi;

Daniel 2:21

Ama in hunte le khua hunte uk hi; ama in kumpite panmun pia a, kumpite phiat hi; ciimna le pilna a pia pa sia ama ahi hi.

Daniel 3:4

thu puak khat in aw nging takin au a, “Ngam theampo, minam theampo le paunam theampo pan mihingte awng!

Daniel 4:12

A teete et hoi a, tuaciang a ngate taw tuaisuk in — leitung bup ii a neakkhop tu za in nga thiam hi. Ngamsate in a lim bealhin tawlnga a, vacimte sia a baakte tungah bu tom hi, tuaciang nuntakna nei a minpiang theampo in a nga ne uh hi.

Daniel 4:23

Kumpipa Nangma in na et laitakin, vantunglalang khat vantung panin hong tuaksuk a, ama in ‘Thingkung phuk in a, susia in, ahizong lei sungah a bul nusia in. A bul ah thik le taau kual vial in a, tua mun lo sungah lopate taw nusia in. Hisia pa tungah daaitui kia tahen a tua munah kum sali sung nganhingte taw teang tahen,’ ci hi.

Daniel 4:29

Tha sawm le tha nii bek zawkciang, ama ii Babylon kumpi inn khuvum tungah a va kawkoai kawmin,

Daniel 5:20

Ahizong ama sia kiphasak, thinpui, ngilo ahikom a kumpi tokhum pan kinot a, a minthanna taan hi.

Daniel 5:21

Ama sia mihing huamsung pan kihawlkeak a, nganhing ngaisutna hong nei hi. Ama sia ngam laate taw teang khawmin, khuital bangin lopa ne a, daaitui dal tu nei ngawlin a pua sangah lum hi. Lianbel Pathian in mihingte ii kumpi ngam theampo uk a, ama ii dei pawpo tungah tua ngamuknate pia thei hi ci sia a khak belin ama in phawk hi.

Matthew 3:10

Thingkungte phuk tu in a bul ah, heimai kingat zo hi, ngapha a nga ngawl thingkung theampo kiphuk tu a, meimang sungah kisep tu hi.

Matthew 7:19

Thingkung khat pawpo a nga a pha buale kiphuk in mei sungah kisep hi.

Luke 3:9

Thingkungte phuk tu in a bul ah, hei mai kingat zo hi; nga pha a nga ngawl thingkung theampo kiphuk tu a, meimang sungah kisep tu hi.”

Thupualaakna 10:3

tuaciang ama in tawpi hawk taw a kibang awnging taw oksan hi. A oksat zawkciang, vanto salite in hawkin zo uh hi.

Thupualaakna 18:2

Ama in nging takin au a, “A lian Babylon khuapi cim zo hi! cim zo hi! Ama sia tu in doaite le thaa ninte in teenna in nei hi; a kiihuai le a ngaimawkhuai vacimte zongh a sungah teang hi.