Daniel 4:1 - Syin Chin Bible

¹ Nebuchadnezzar kumpipa in leitung ah a om ngam theampo, minam theampo le paunam theampo pan mihingte tungah a nuai a bang thu puak hi: “Kong nukset hi!

Daniel 4:1 Iomraidhean Croise

1 Khangtaanghthu 12:18

Khatvei ciangin “Sawmthum” te lampui a suakpa, amate sung pan khat ahi Amasai sia Pathian thaa in uk a, ama in, “Jesse ii tapa David awng, kote sia nangma mi ka hi uh hi! Nang tung le nangma hong hute tungah zawna om tahen! Nang sang ah Pathian om hi,” ci in a nging in au hi. David in amate phatvawt in, a ngalkap bute suaksak hi.

Ezra 4:17

Kumpilianpa in hi bangin lai thuk hi: “Ngam uk mangpa Rehum, ngamsung thuzeakpi Shimshai le Samaria le Euphrates nitumna sangah a teang pawl le lawmte awng kong paupui hi.

Ezra 5:7

“Darius kumpilianpa awng, thinnopna taw ngam uk thei ta in.

Esther 3:12

Tua ahiciang tha masabel ni sawm le ni thum ni in, Haman in kumpipa ii thuzeakte sam a, kumpi ukna sungah a om kampau nam theampo le amate ii zak lai taw pheen in at tu in thuthansakna khat sonin atsak hi. Tua lai sia ngamukte, ngamukmangte le uliante theampo tungah puak tu ahi hi. Tua lai sia Xerxes kumpipa min taw a kisuaksak hi a, a khutzungbu kituum hi.

Esther 8:9

Sivan tha, a tha thumna, ni 23 ni in hi thu piang hi. Mordecai in kumpipa ii thuzeakte samin India pan Ethiopia dong ngamke 127 teng ah Jew te, ngamukmangte, zum vaihawmte le uliante tungah a laithak tu teng khaw hi. Tua laithakte sia ngamke sim ah a zak kampau tek le a lai tek taw ki at a, Jew te tungah amate kam le a lai taw in ki at hi.

Daniel 3:29

“Tuaciang tu in minam, minam khen ahibuale paunam khat po sung pan a kuama po in Shadrach, Meshach le Abednego ii Pathian sonsiatna kampau a om le a khut a peang kisemtham tu a, a inn sia niinthuk kisuaksak tu hi, ci in thu ka pia hi. Hi bangin a suatak thei pathian dang om ngawl hi,” ci hi.

Daniel 3:4

thu puak khat in aw nging takin au a, “Ngam theampo, minam theampo le paunam theampo pan mihingte awng!

Daniel 6:25

Tua zawkciang Darius kumpipa in ngam theampo, minam theampo le paunam theampo pan mite tungah laithak hi: “Kong nukset hi!

Daniel 6:27

Ama in ngum in suatak a; vantung le leitung ah a lamdangte le nalamdang laknate vawt hi. Ama in Daniel sia tawpite thalup natu pan suatak hi.”

Daniel 7:14

Ngam theampo, minam theampo le paunam theampo pan mite in ama ii na a sep natu in ama sia thu neina, upatna le kumpi vaangletna kipia hi. A thuneina in a tawntungin kip tu a, a kumpi ngam bo ngeingawl tu hi.

Zechariah 8:23

Tua hun ciang, ngamdangmi sawm in Judah mi khat kungah hong pai tu a, ‘Note taw Pathian om hi ci in za ka hi uh ciang note taw a sia a pha kumkhawm nuam khu hi, ci tu uh hi,’ ” ci hi.

Sawltakte 2:6

Hi awnging sia a zaak uh ciangin, mihon khat hong kikhawm uh hi. Amate liinglawng ngawp uh hi. Banghang ziam cile thu umte ii pauna sia, amate tek ii kam taw za uh hi.

Romete 1:7

Tua ahikom Pathian in hong it a, ama minam suak tu in, hong sapsa no Rome khua a omte theampo tungah lai kong thaak hi. Ih Pa Pathian le ih Topa Jesus Christ in thuthiamna le thinnopna hong pia tahen.

Ephesus te 1:2

Ih Pa Pathian le Jesus Christ in thuthiamna le thinnopna hong pia tahen.

1 Timothy 1:2

Upna sungah ka tapa tatak ahi Timothy tungah lai kong thaak hi: Pa Pathian le ih Topa Jesus Christ in, thuthiamna, hesuakna le thinnopna nang hong pia tahen.

1 Peter 1:2

No sia Pa Pathian tupna taw hong tealsa hi a, Jesus Christ thu a ni tu le a chisan taw a kithiansua tu in, ama Thaa taw a thiangtho minam a suak sate na hi uh hi. Thuthiamna le thinnopna note sungah hong dim tahen.