Daniel 3:4 - Syin Chin Bible

⁴ thu puak khat in aw nging takin au a, “Ngam theampo, minam theampo le paunam theampo pan mihingte awng!

Daniel 3:4 Iomraidhean Croise

Esther 8:9

Sivan tha, a tha thumna, ni 23 ni in hi thu piang hi. Mordecai in kumpipa ii thuzeakte samin India pan Ethiopia dong ngamke 127 teng ah Jew te, ngamukmangte, zum vaihawmte le uliante tungah a laithak tu teng khaw hi. Tua laithakte sia ngamke sim ah a zak kampau tek le a lai tek taw ki at a, Jew te tungah amate kam le a lai taw in ki at hi.

Isaiah 40:9

Jerusalem awng, mualsaang khat tungah kaato in lungdamna thupha thangsak in! Zion awng, nging takin au keakin, lungdamna thupha taangko in! Lau ngawlin son khe in. A Pathian uh hong pai tu hi ci in Judah khuate tungah son vun!

Isaiah 58:1

Topa in, “A nging theiza in au vun! Israel ka mite tungah a mawna a khialnate son vun!

Daniel 3:10

Tum theite hong kitum pawpo ciang, mihing theampo kunin khamh milim bia tu hi,

Daniel 3:3

Hi uliante theampo milim aapna vawt tu in kikhawmtua a, milim mai ah a din uh ciang,

Daniel 3:7

Tuabangin, ngam theampo, minam theampo le paunam theampo pan mihingte in tum theite awte a zaak pawpo uh ciang, kunin Nebuchadnezzar phu sa khamh milim bia uh hi.

Daniel 4:1

Nebuchadnezzar kumpipa in leitung ah a om ngam theampo, minam theampo le paunam theampo pan mihingte tungah a nuai a bang thu puak hi: “Kong nukset hi!

Daniel 4:14

Ama in nging takin, ‘Tua thingkung phuktan in a, a baak teng siiktan in; a tee teng heu thiang in a, a nga thethaang in. A nuai a nganhing teng le thingbaak tungah vacim teng bengkeak in.

Daniel 6:25

Tua zawkciang Darius kumpipa in ngam theampo, minam theampo le paunam theampo pan mite tungah laithak hi: “Kong nukset hi!

Hosea 5:11

Israel in nenniam thuak a; a neisa tatak ahi leitang taan hi, banghang ziam cile huna piak tu a nei ngawlte munah huna ngen hamtang hi.

Micah 6:16

Hi bang hong piang tu hi, note in Omri kumpipa le a tapa Ahab kumpipa ii ngamtat siate na zui uh hang ahi hi. Amate ngamtat ziate zomto na hi uh ciang kong siacipsak tu a, a kuama po in note hong zawngsak tu hi. Mite in mun theampo ah note hong zawnsak vawt tu uh hi,” ci hi.

Thupualaakna 5:9

Amate in la thak sa uh a: “Nangma in laizial la tu le tepteena hong tu in na kilawm hi. Banghang ziam cile nangma hong kithatlum zo a, na kipumpiak thina taw, Pathian atu in, bee le phung sim, kam namcin sim, ngam sim le minam sim panin, mihingte na lei zo hi.