Daniel 3:24 - Syin Chin Bible

²⁴ Tha khat thu in Nebuchadnezzar sia lamdang sa in dingto vat hi. Ama in a uliante tungah, “Mihing thumte heencip in meiphual sungah khia zo hi ka na ngawl hi ziam?” ci in dongh hi. Amate in, “Hi hi, Kumpipa awng,” ci in zo uh hi.

Daniel 3:24 Iomraidhean Croise

2 Khangtaanghthu 22:4

A pa thi zawkciang Ahab kumpipa innkuanpui dang teng sia ama ngaisutna a piate suak ahi hu in Topa tungah maw in tuate in ama puksak hi.

Daniel 3:17

Ka biak ka paai uh Pathian in a naseam kote meiphual sung pan le na khut sung panin hong hun thei ahi nale hong hun tu hi.

Daniel 3:23

Tuaciang Shadrach, Meshach le Abednego sia heencip sa in a lingh meikuang laizang ah taaksuk hi.

Daniel 3:25

“Tua ahile banghangin meikuang sungah mihing li kot vavaa in mu khi ziam?” ci in dongh hi. “Amate kiheencip ngawl a, liam zongh liam tuak beak ngawl uh hi — tuaciang a lina pa sia vantunglalang khat taw kibang hi,” ci hi.

Daniel 4:22

“Kumpipa awng, nangma in a saang, a thahat thingkung sia na hi hi. Khangto in lian mama na hikom vantung na baan to a, na vaangletna sia leitung buppi ah kizel hi.

Daniel 4:27

Tua ahiciang kumpipa awng, kong thuhilna hong ni ta'n. Mawna na vawt kheal in a, a maan in seam in, tuaciang a zawngte hesuak in. Tua hile na nuamsa tawto tu hi,” ci in zo kik hi.

Daniel 5:18

“Lianbel Pathian in na pa Nebuchadnezzar sia kumpi lian khat in koi a, zatakna le vaangletna pia hi.

Daniel 5:6

Kumpipa lau mama in, a mai daang a, a khup liing tu kipan hi.

Daniel 6:22

Pathian in tawpite ii kei hong liamsua ngawl natu tawpite kam a hum tu in a vantunglalang sawl hi. Kumpipa awng ka maw ngawl hunlam le nang tungah kong khial ngawl hunlam Pathian in he a hikom hi bangin vawt hi,” ci in zo hi.

Daniel 6:7

Na kumpi ngamlian sungah naseam koma teng — nasep ukte, ngamkhen ukte, ngamkhen uk domte le a dang uliante — in kumpipa in ngat tak a zui tu thupiak khat nong suasak tu in thukim zo khu hi. Tu zo ni sawmthum sung teng Nangma Kumpipa tung simngawl, pathian khat pawpo, mihing khat pawpo tungah bangma peuma ngen thei ngawl tu hi, ci in thupia in. Hi thupiakna a paltan peuma tawpi a dim a kikhum dum sungah kikhia tu hi.

Sawltakte 12:13

Peter in kongkha puanung sia king a, Rhoda kici numei naseam khat in inn hon tu in pai hi.

Sawltakte 26:13

Kumpipa awng, lampi tungah sun laitakin ni sangin, a taang zaw khuavak taang khat in kei le ka khualhawpuite, kiim ah van panin hong taangsuk keak hi.

Sawltakte 26:27

Kumpipa Agrippa awng, kamsaangte na um ziam? Na up sia hong he khi hi!” Paul in ci hi.

Sawltakte 9:6

“Ahihang, tho in a, khuapi sungah va pai ta'n, Tualai ah na vawt tu a kul teng hong kison tu hi,” ci hi.

1 Samuel 17:55

Saul in Goliath taw kido tu in a pai David a mu ciang, a ngalkaphonpi ukpa Abner munah, “Abner awng, ama akua tapa ziam?” ci in dongh hi. Abner in, “Kumpipa awng, akua tapa ziam ngaisun zo ngawl khi hi,” ci in zo hi.