Daniel 3:19 - Syin Chin Bible

¹⁹ Tuasia ciang Nebuchadnezzar kumpipa in Shadrach, Meshach le Abednego tungah a thin uuk mama a, a mai san liang hi. Tua ahikom ama in meiphual sia a sat ngeina sang a salivei in a satsak zawk natu in a mite thupia hi.

Daniel 3:19 Iomraidhean Croise

Pianciilna 31:2

Nidang bang a Laban ii a pawlvawt nawn ngawlna thu zongh Jacob in mu hi.

Esther 3:5

Mordecai ii khupdin in a kun ngawlna thu Haman in a heak ciang a thinso hi,

Esther 7:7

Kumpipa a thinso sa in dingto a, inndoi sung pan pusuakin doi puasang kumpi huan sungah pai hi. Kumpipa in hi thu hangin daan a piak hunlam Haman in mu thei ahikom Esther kumpinu tungah a nuntak natu hesuak ngen nuam in nungsang ah taanglai hi.

Psalm Late 76:10

Mihingte thin uukna in nang atu in pokna tam vaial a pian natu hi bek hi; ngal kidona pan a taang laite in nangma ii poai khaam tan tu uh hi.

Paunakte 16:14

Mihing ciim khat in kumpipa lungdam in a om thei natu hanciam tu hi; kumpipa a thin a uuk le khat po in thi law thei hi.

Paunakte 21:24

A kihisak mihing khat hong lak ta'n, tua hile a kisathei, a kiphasak le ngual atu a ngaisun ngawl mihing khat kong lak tu hi.

Isaiah 51:23

Tua hai sia, no hong nengcipte, note lampi tungah hong sial a ninteak bangin hong siikcipte tungah ka pia tu hi,” ci hi.

Daniel 2:12

Tuasia ciang, kumpipa thin uuk mama a, Babylon ngamsung kumpi ii thudokte theampo thalup tu in thupia hi.

Daniel 3:13

Tuasia po ciang kumpipa a thin uuk ngawp a, tua mihing thumte a mai ah a kipuak natu in thupia hi.

Daniel 3:20

Tuaciang ama in a ngalkaphonpi sung pan a thahat belte in hi mihing thum teng heencip in a lingh meiphual sungah khia tu in thupia hi.

Daniel 5:6

Kumpipa lau mama in, a mai daang a, a khup liing tu kipan hi.

Daniel 6:24

Tua zawkciang kumpipa in Daniel a mawsak mihingte theampo mat tu in thupia a, a zite le a tate taw tawpi a dim dum sungah khiasuk hi. Dum taw a thet ma ngawngawn in, tawpi te in amate mat khat sua in a ngu a taang theampo duangleam hi.

Thiampite 26:18

“Hi bang teng zawkciang ka thu nong ni bua veve uh le, na thuak tu uh daan a zaa sali in ka khangsak tu hi.

Thiampite 26:21

“Nong nalh veve lai a, ka thu nong ni bualai uh le, na thuak daan a zaa sali in ka khangsak kik tu hi.

Thiampite 26:24

kong nungngat tu a, a masa lai sangin salivei a nasia zaw daan kong pia tu hi.

Thiampite 26:28

no tungah ka thin uukin a masa na daan thuak uh sangin, a salivei a nasia zawin daan kong pia tu hi.

Sawltakte 5:33

Council upate sung a kihelte in, hi thu a zaak uh ciangin, a thin uh uuk mama a, sawltakte thatlum nuam uh hi.

Sawltakte 7:54

Council sung a kihelte in, Stephen thuson a ngai uh ciangin, amate in thin uukna taw a ha ngoai san uh hi.