Daniel 3:18 - Syin Chin Bible

¹⁸ Ahizong hong hun buahial zong Nangma Kumpipa awng, na pathian ka bia tuan buatu uh a, na phu sa khamh milim mai ah ka kun buatu uh hi, cisia hong heaksak ta'n” ci in zo uh hi.

Daniel 3:18 Iomraidhean Croise

1 Kumpite 19:14

Ama in, “Topa Pathian Vaanglianbelpa nangma ii na — nangma bekma ii na hong sepsak tawntung khi hi. Ahihang Israel mite in nang taw a thuciamna paltan in, na biaknataute baltham a, na kamsaangte thatlum siat hi, Keima bekma taanglai khi hi — tuaciang amate in kei hong that nuam in hanciam hi,” ci hi.

1 Kumpite 19:18

Ahihang Israel ngam ah a nungta in mihing tulsali khe lai tu khi hi — tuate sia kei tungah hong thumaan theampo le Baal mai ah a kun ngawl, a milim a namh ngawlte ahi uh hi,” ci hi.

Job 13:15

Ka lametna theampo bosua zo ci leang Pathian in hong that hial zong bang phamaw ziam? Ama tungah ka thu sung tu khi hi.

Paunakte 28:1

Mihing seksolte sia kuama ii del ngawl bulin tai hi, ahihang a thumaan mihing khat in tawpi bangin hang hi.

Daniel 3:28

Kumpipa in, “Shadrach, Meshach le Abednego ii Pathian pok vun! Ama in a vantunglalang sawl a, ama muangin, ama na a seam hi mihingte suatak hi. Amate in ka thupiakte ni ngawlin amate ii Pathian simngawl pathian dang khat pawpo mai ah kunin a biak tu sangin a nuntak nate khaam zaw uh hi.

Thiampite 19:4

“Kei hong taisan in milim bia heak vun; pathiante thik taw vawt tawm in bia heak vun. Keima in Topa na Pathian ka hi hi.

Matthew 10:28

Pumpi that thei a, a thaa a that thei ngawlte na kiita heak vun; hell sungah thaa le pumpi a lalcip khawmsak thei Pathian kiita zaw vun.

Matthew 10:39

A nuntakna a nga natu a hanciam khat pawpo sia a nuntakna taan tu hi; ahihang a kuama po kei hangin a nuntakna a taan le, nuntakna tatak nga tu hi.

Matthew 16:2

Ahihang Jesus in, “Nitum laitakin ‘Van san ahikom, khua pha vak’ na ci uh hi.

Sawltakte 4:19

Ahihang Peter le John in zo kik a, “Pathian mai ah — note thu kong nit tu le, Pathian thu ka nit tu uh, koisia maan zaw ziam, noma tek in khensat tavun.

Hebrew te 11:25

Tawmvei sung mawna sungah a nopsak tu sangin, Pathian ii mihingte taw a thuak khop tu sia uukzaw hi.

Joshua 24:15

Ama na, na seam nuam bua uh le, tu ni in khensat vun, akua atu seam tu nu ziam, ih taanghpupite ii Mesopotamia ah a biak pathiante atu ziam maw, tu laitak na teenna leitang a nei Amor pathiante atu ziam? Ka innkuan puite le kei ka hi le Topa atu ka seam tu uh hi.”

Thupualaakna 12:11

Ih suapuite in Tuuno chi le thumaan thutang a thansakna uh taw zawna nga zo uh hi; amate in a nuntakna uh pia in thi ngam hi.