Daniel 3:13 - Syin Chin Bible

¹³ Tuasia po ciang kumpipa a thin uuk ngawp a, tua mihing thumte a mai ah a kipuak natu in thupia hi.

Daniel 3:13 Iomraidhean Croise

Pianciilna 4:5

ahizong ama in Cain le a biakpiakna nial hi. Cain sia a thin uuk mama a, lungkim ngawlin a mainguum hi.

Paunakte 17:12

A mawmawthuai tupna taw a komla mihing mawmaw pawlkhat taw kimu tu sangin, a note a kimatsak vompui khat taw kisi leang phazaw hi.

Paunakte 27:3

Mawmawt ngamtatna pan a piang thei ngimnate sia suang le sen ii ngitna taw kisontee thei ngawl hi.

Paunakte 29:22

Mihing thinngamte in kihauna le buaina tam mama piangsak hi.

Daniel 1:7

A ulianbel pa in amate sia min thak phua in: Belteshazzar, Shadrach, Meshach le Abednego ci hi.

Daniel 2:12

Tuasia ciang, kumpipa thin uuk mama a, Babylon ngamsung kumpi ii thudokte theampo thalup tu in thupia hi.

Daniel 3:19

Tuasia ciang Nebuchadnezzar kumpipa in Shadrach, Meshach le Abednego tungah a thin uuk mama a, a mai san liang hi. Tua ahikom ama in meiphual sia a sat ngeina sang a salivei in a satsak zawk natu in a mite thupia hi.

Matthew 10:18

Kei hu in note sia ngamukte le kumpite mai ah hong kipuak tu a thu hong sit tu hi. Amate tung le Gentile te tungah Lungdamna Thupha huvau na son thei natu hi tu hi.

Mark 13:9

“Noma le noma na kikeam vun. No sia hong kiman tu a, zum mai ah hong kithen tu hi. Synagogue te ah hong kivel tu hi, Lungdamna Thupha son tu le, keima hu in ngamukte le kumpite mai ah note na ding tu uh hi.

Luke 21:12

Ahizong, hi thute theampo a pian ma in, note hong kiman tu a, hong kivawtsia tu hi; synagogue te ah thu kisit tu in, hong ki aap tu a, tuaciang thong sungah hong kikhum tu hi; keima hu in no sia kumpite le ngamukte mai ah hong kithen tu hi.

Luke 6:11

Amate a thin uuk mama a, Jesus bang law thei tu hi ziam, ci in kikum uh hi.

Sawltakte 24:24

Ni tawmvei zawkciangin, Felix le Jew mi ahi a zi Drusilla hong pai uh hi. Ama in Paul samsak a, Jesus Christ ih upna huvau a thusonna ngai hi.