Daniel 3:12 - Syin Chin Bible

¹² Babylon ngam khen uk tu a na koi Nangma Kumpipa ii thu a ni ngawl — Shadrach, Meshach le Abednego — Jew mi pawlkhat om hi. Amate in na pathian le bia ngawl, na phu sa milim mai ah le kun ngawl uh hi,” ci uh hi.

Daniel 3:12 Iomraidhean Croise

Esther 3:8

Tua ahiciang Haman in kumpipa tungah, “Na kumpi ukna ngamsung theampo ah a kithethaang le ngamke theampo ah a kimu minam khat om hi. Amate ii zui a ngeinate sia midangte a taw kibang ngawl hi. Tua banah na kumpi ukna ngamsung upadi te zui nuam ngawl ahikom tuate na koithong tu sia nang atu in pha ngawl hi.

Paunakte 27:4

Thin uukna sia tatkha a, lalna piangsak thei hi, ahihang ki eenna sia bangma taw kiteengat thei ngawl hi.

Thuhilsya 4:4

Mihingte in ngual a zaw natu in banghangin nasia tak na seam ziam ci zongh ka tel zo hi, banghang ziam cile a innpaamte a een hang ahi hi. Ahihang tuasia in a luithawthong ahi hi. Tuasia in vuiva del taw kibang hi.

Daniel 1:7

A ulianbel pa in amate sia min thak phua in: Belteshazzar, Shadrach, Meshach le Abednego ci hi.

Daniel 2:48

Tua zawkciang kumpipa in Daniel sia letsong pha tam ma pia in a za khangsak a, Babylon ngamkhen uksakin, kumpi thudokte theampo ii lutang in koi hi.

Daniel 2:49

Daniel ii ngetna bangma in kumpipa in Shadrach, Meshach le Abednego te sia Babylon ngamkhen sung vaite a uk tu in koi a, Daniel ahile kumpi inn sungah om suak hi.

Daniel 3:11

tua milim mai ah a kun ngawl, a bia ngawl peuma meiphual lingh sungah kibum tu hi ci in Nangma Kumpipa in thu na pia zo hi.

Daniel 3:16

Shadrach, Meshach le Abednego in, “Kumpipa awng, ko le ko kihuuk natu hanciam ngawl tu khu hi.

Daniel 3:29

“Tuaciang tu in minam, minam khen ahibuale paunam khat po sung pan a kuama po in Shadrach, Meshach le Abednego ii Pathian sonsiatna kampau a om le a khut a peang kisemtham tu a, a inn sia niinthuk kisuaksak tu hi, ci in thu ka pia hi. Hi bangin a suatak thei pathian dang om ngawl hi,” ci hi.

Daniel 3:30

Tuaciang kumpipa in Shadrach, Meshach le Abednego sia Babylon ngamkhen sungah a za uh khangsak hi.

Daniel 6:13

Tua zawkciang amate in kumpipa tungah, “Judah salte khat ahi Daniel in Kumpipa Nangma hong zakta ngawl, na suasak thupiakna sia zui ngawl hi. Ama in ni khat sung thumvei peal ngawlin thungen hi,” ci uh hi.

Daniel 6:14

Kumpipa sia hi thu a zaak ciang a thinnuam ngawl het a, Daniel a suatak thei natu lam khat a hi thei tawpin zong nuam hi. Nitum dong hanciamin khuangaisun hi.

Sawltakte 17:7

tuaciang Jason in, amate sia ama inn ah keam hi. Amate theampo in, Kumpilianpa ii thukhamte paltan a, Jesus a minnei kumpipa dang khat om hi ci uh hi,” ci in au uh hi.

Sawltakte 5:28

“Hisia pa min taw thu hilcian thei nawn ngawl tu nu hi, ci in nasia takin thu kong pia zo uh hi; ahihang tu in bang vawt kik nu ziam! Jerusalem khuathing ah, na thu hilcianna uh kizelsak zo a, ama thina thu kote maw hong pusak nuam nu hi!” ci hi.