Daniel 3:1 - Syin Chin Bible

¹ Kumpipa Nebuchadnezzar in metre 27 a saang le metre 3 dektak a lian khamh milim khat vawt a, Babylon ngamkhen Dura zaangtam ah phut hi.

Daniel 3:1 Iomraidhean Croise

1 Kumpite 12:28

Khua a ngai susut zawkciang ama in khamh khuital no nii ii lim vawtin a mite tungah, “Biakna vawt tu in Jerusalem ah na pai zawk uh ngei zo hi. Israel mite awng, hi sungah Egypt pan hong pusuasak na pathiante om hi!” ci hi.

Esther 1:1

Persia ngam khuapi Susa khua kumpi tokhum tung panin Xerxes kumpipa in India pan Ethiopia dong ngamke 127 uk hi.

Psalm Late 135:15

Tua minamte ii pathiante sia mihingte ii khut taw a vawt tawm khamh le ngunn taw a kivawtte ahi hi.

Pusuana 20:23

Keima nong biak banah note biak tu in ngunn le khamh pathiante vawt heak vun.

Pusuana 32:31

Tuaciang Topa kungah Moses heakkik in, “Hi mite in a cizathuai mawna vawt zo hi. Amate in khamh taw pathian khat vawt in bia uh hi.

Isaiah 2:20

Tua ni hong thet ciang, khamh le ngunn taw a vawt sa milimte, amate ma in vawkkeak tu a, tuate sia buite le bakte nusiat tu uh hi.

Isaiah 30:22

Ngunn taw kizut in khamh taw a kituam, na milimte na la tu uh a, tuaciang ninteak bangin vawkkeak in, “Ka muna ah om heak vun!” ci in na ausan tu uh hi.

Isaiah 46:6

Mihingte in a dangka ipte hongin khamhte suakeak hi; khaikhin taw ngunnte tee uh hi. Amate in pathian khat vawt tu in khamh seak khat cial hi; tuaciang amate kunin tuasia bia uh hi!

Jeremiah 10:9

A milimte sia Spain ngam pan a piang ngunn taw, Uphaz ngam pan a piang khamh taw kituam a, limsuai thiamte ii vawt veu hi siat hi; tuate sia thiamtak thiamte ii a taa puan sandupciik le puan sandupte kisilhsak hi.

Jeremiah 16:20

Mihingte in aituam pathiante vawt thei tu ziam? Vawt thei ngawl tu hi, a vawt a ahile, tuate in pathian tatak hi ngawl tu hi,” hong ci tu uh hi.

Daniel 2:48

Tua zawkciang kumpipa in Daniel sia letsong pha tam ma pia in a za khangsak a, Babylon ngamkhen uksakin, kumpi thudokte theampo ii lutang in koi hi.

Daniel 2:49

Daniel ii ngetna bangma in kumpipa in Shadrach, Meshach le Abednego te sia Babylon ngamkhen sung vaite a uk tu in koi a, Daniel ahile kumpi inn sungah om suak hi.

Daniel 3:14

Kumpipa in amate tungah, “Shadrach, Meshach le Abednego awng, keima ii pathian bia nuam ngawl a, ka phu sa khamh milim mai ah kun nuam ngawl hong kici sia a maan ma ahi na'am?

Daniel 3:30

Tuaciang kumpipa in Shadrach, Meshach le Abednego sia Babylon ngamkhen sungah a za uh khangsak hi.

Daniel 5:23

Vantung Topa na langpan a, a Biakinn pan na laak haite kuangte nong paipui hi. Nangma, na uliante, na zite le na zinote in tua haite taw zu ne in, khamh, ngunn, taau, thik, thing le suang taw a kivawt khuamu thei ngawl, khua za thei ngawl a, bangma a he ngawl pathiante na pok uh hi. Ahitazong na thi tu le na nun tu hong khensat a, na sep na vawt theampo hong uk Pathian na upat bua uh hi.

Daniel 5:4

khamh, ngunn, taau, thik, thing le suang taw a kivawt pathiante pok uh hi.

Hosea 2:8

Ama ii Baal biakna ah a zak ngunn le khamh theampo le olive thau, sapittui le antang a pia sia keima ka hi hunlam ama in kitelsak ngeingawl hi.

Hosea 8:4

“Ka mite in kumpite teal hi, ahihang amate uuk bang bek in teal uh hi. Amate in lampuite teal ahihang kei thukim puina om ngawl hi. Amate in a ngunn le a khamh la in milim in vawt a — amate lal natu ahi hi.

Habakkuk 2:19

Nang a lal na hi zo hi! Thingbek khat tungah “Khanglo in!” tua ahibuale suangtum khat tungah “Tho in!” ci ni hi. Milim in na khat pawpo hong lak thei ziam? Khamh le ngunn taw kituam tha tu hi, ahizong a sungah nuntakna om ngawl hi.

Sawltakte 17:29

Ei sia Pathian ii tate ih hi zawk nungsang in, ama pianzia sia mihingte pilna le thiamna taw a kivawt khamh, ngunn le suang milim khat pawpo bangin ih ngaisun buatu hi.

Sawltakte 19:26

Tu in hi Paul a ci sia pa ii ngamtatna babang noma tek in mu thei a, za thei nu hi. Ama in khut taw vawttawm pathian in pathian hi peuma ngawl hi ci a, hi sung Ephesus khua le Asia ngamkhen bup phialma ah mihing tam tatak umsak zo hi.

Thuhil kikna 7:25

A milimte hal vun. Tua milim tungah a om khamh le ngunnte dei heak vun a, noma atu in la heak vun. Na la uh le note atu in thina piang tu hi, banghang ziam cile, milim biaknate Topa in huatsa hi.

Thupualaakna 9:20

Hi ngimna liante ii thalup mong a taanglai mihingte in amate khut taw a vawttawm uh nate panin a kikheal kik nuam bua uh hi. Doai biakna tawp ngawlin, khamh, ngunn, taau, suang le thing milim khuamu thei ngawl, khuaza thei ngawl, lampai thei ngawlte a biak uh zongh a kheal bua uh hi.