Daniel 2:5 - Syin Chin Bible

⁵ Kumpipa in amate tungah, “Ka mang nong son kul tu a, tua zawkciang a khiakna nong son nanak natu uh in ka thin khensat zo khi hi. Nong son thei bua uh le, na khut le na peangte kong semthapsak tu a, na inn uh sia niinthuk ka suaksak tu hi.

Daniel 2:5 Iomraidhean Croise

2 Kumpite 10:27

Tuabangin amate in a thiangtho khuam sia susia in biakinn zongh susia uh a, a biakinn sia eakbuk suaksak uh hi, tu ni dong ma in tuabangin om lai hi.

Ezra 6:11

Tua banah hi thupiakna a zui ngawl a om le a inn zawlliang khat kidawkeaksak tu a, a mong khat kizumin tuaciang ama pumpi kisunlet tu hi. A inn sia ninthuk kisua tu hi.

Psalm Late 50:22

“No, kei hong ngaingonte awng, hi thu ngai vun, tua ahibuale kong susia tu hi, tuaciang no hong hun tu kuama a om buatu hi.

Psalm Late 58:7

Lei sungah tui tum bangin amate mang vadi tahen; lampi lai lopate bangin kisiikcil tahen.

Daniel 2:12

Tuasia ciang, kumpipa thin uuk mama a, Babylon ngamsung kumpi ii thudokte theampo thalup tu in thupia hi.

Daniel 3:29

“Tuaciang tu in minam, minam khen ahibuale paunam khat po sung pan a kuama po in Shadrach, Meshach le Abednego ii Pathian sonsiatna kampau a om le a khut a peang kisemtham tu a, a inn sia niinthuk kisuaksak tu hi, ci in thu ka pia hi. Hi bangin a suatak thei pathian dang om ngawl hi,” ci hi.

Daniel 4:9

Aisaan theite ukpi Belteshazzar awng, a thiangtho pathiante ii thaa sia na sungah om in thu telhak theampo na tel thei hunlam ka he hi. Hi sia keima mang hi. A khiakna hong son ta'n.

Thuhil kikna 13:16

Tua munah a teang mihingte ii neisa theampo khawmtua in khua laizang khawlmun ah seng vun. Topa na Pathian tungah biakpiakna in tua khua le a sungah a om teng hal siat vun. A tawntungin tua khua sia a lal in kinusia tu a, khua kisaat kik ngei nawn ngawl tu hi.

Joshua 6:26

Tua hun laitakin Joshua in a ciliap huai kidop natu thupia hi: “Mihing khat pawpo Jericho khuapi saat kik tu in a hanciam sia Pathian haamsiat nuai ah om tu hi. A kuama po khuapi phungkawng a ciang sia in a tapa lianbel sia thisua tu hi. A kuama po kongpite a sa kik sia in a tapa nobel sia thisua tu hi.”

1 Samuel 15:33

Samuel in, “Na namsau in nute tam mama ta selsak ahi bangma, tu in na nu zongh tasel tu hi,” ci hi. Tuabangin Samuel in Agag sia Gilgal biaknatau mai ah neensem hi.