Daniel 2:48 - Syin Chin Bible

⁴⁸ Tua zawkciang kumpipa in Daniel sia letsong pha tam ma pia in a za khangsak a, Babylon ngamkhen uksakin, kumpi thudokte theampo ii lutang in koi hi.

Daniel 2:48 Iomraidhean Croise

2 Samuel 19:32

Barzillai sia kum sawmliat a pha pasal huai mama khat ahi hi. Ama hau mama a, Mahanaim ah a taam sung kumpipa anvaak hi.

2 Kumpite 5:1

Syria ngalkaphonpi ukpa Naaman sia Syria kumpipa in nasia takin zakta in upat vawt hi, banghang ziam cile Naaman tungtawnin Topa in Syria ngalkapte zawna pia hi. Ama sia ngalkap mang lian khat hi, ahihang ama in a kiitakhuai mama vun natna khat thuak hi.

Job 1:3

tuaciang tuu 7,000 kalaoh 3,000 khui 1,000 le laa 500 nei hi. Ama in naseam tam mama zongh nei a, Nisuana ngam sungah a haubel pa hi.

Jeremiah 5:5

Mihingte kungah vaangletna taw ka pai tu a, amate taw thu ka son tu hi. A tatakin ci leang amate in a Pathian ii a kat sia he takpi a, amate ii a sep tu, Topa deina sia he uh hi,” ci in ka ngaisun hi. Ahihang amate theampo in Topa ii thuneina nialin, a thu ni nuam ngawl uh hi.

Daniel 2:6

Ahizong ka mang le a khiakna nong son thei uh le letsong le min phatna lian kong pia tu hi. Tua ahiciang tu in, ka mang sia bang hi a, a khiakna bang ziam cisia hong son tavun,” ci hi.

Daniel 3:1

Kumpipa Nebuchadnezzar in metre 27 a saang le metre 3 dektak a lian khamh milim khat vawt a, Babylon ngamkhen Dura zaangtam ah phut hi.

Daniel 3:12

Babylon ngam khen uk tu a na koi Nangma Kumpipa ii thu a ni ngawl — Shadrach, Meshach le Abednego — Jew mi pawlkhat om hi. Amate in na pathian le bia ngawl, na phu sa milim mai ah le kun ngawl uh hi,” ci uh hi.

Daniel 3:30

Tuaciang kumpipa in Shadrach, Meshach le Abednego sia Babylon ngamkhen sungah a za uh khangsak hi.

Daniel 4:6

Ka mang khiakna hong son thei tu in, Babylon ngamsung kumpi thudokte theampo ka kungah hong pai natu in thu ka pia hi.

Daniel 4:9

Aisaan theite ukpi Belteshazzar awng, a thiangtho pathiante ii thaa sia na sungah om in thu telhak theampo na tel thei hunlam ka he hi. Hi sia keima mang hi. A khiakna hong son ta'n.

Daniel 5:11

Na ngam sungah a thiangtho pathiante ii thaa a nei mihing khat om hi. Na pa kumpi ahi lai in, hi sia pa in, pathiante ii ciimna taw kibangin ciimna, heakna le ngaisut thiamna nei hi. Tuaciang na pa, Nebuchadnezzar kumpipa in ama sia aisaan theite, mitbum thiamte, bumtoai aitoaite le aksi enthiamte a ukpi tu in koi hi.

Daniel 5:16

Nangma in a khiakna kiphualsealte le thutumdangte sonthiang thei hi, ci in tu in ka za zo hi. Hi lai ki at sia na sim thei a, a khiakna nong son thei le, kumpipa puantual sandup hong kisilhsak tu a, minphatna khamh khi na ngawng ah aw in, kumpi ngam sungah a zanei a thumna na hi tu hi,” ci hi.

Daniel 5:29

Thakhat ma in Belshazzar in Daniel sia kumpi puantual sandup silhsak tu le minphatna khamh khi a ngawng ah awsak tu in a naseamte thupia hi. Tuaciang ama in Daniel sia a ngam sungah zalian a thumna in koi hi.

Daniel 5:7

Ama in mitbum thiamte, bum le aitoaite le aksi enthiamte sam tu in oksan hi. Tua a sapte hong thet ciang, kumpipa in amate tungah, “Hi lai a ki at sia a sim thei, a khiakna hong son thei pawpo kumpi puantual sandup kisilhsak tu a, minphatna khamh khi a ngawng ah awsak in kumpi ngam sungah a zalian a thumna in ka koi tu hi,” ci hi.

Daniel 8:27

Ka thin kiam in ni tam ma ka ciina hi. Tua zawkciang thoto in kumpipa hong sawl ka nasep ma ka seam kik hi, ahihang tua mukholna in ka lung hong mangsak a, ka tel zo bua hi.

Mi Simna 24:11

Tu in, inn ah cia in! Thaman piak tu in kong kamciam a, ahizong na thaman nga tu sia Topa in hong khak hi,” ci hi.

1 Samuel 17:25

“Ama en vun! A thatona ngai vun! Kumpipa Saul in ama a that zo sia tel lian khat piak tu in kamciam hi; kumpipa in a teenpui tu in a tanu pia si tu a, a pa bangkua zongh phiangshia piasak ngawl tu hi,” ci in amate khat le khat kison uh hi.

1 Samuel 2:8

Ama in mizawngte leivui panin laamto a, a kitasamhte a lungmanna panin phongto hi. Amate sia kumpipa tapate taw kithawlsakin, ki upat vawtna munah koi hi. Simlei ii phungkawng sia Topa aa hi; tuate ii tungah ama in leitung sato hi.

1 Samuel 25:2

Tua munah Caleb ii phung sung pan Nabal a ci pasal khat om hi, ama sia Maon khua pan hi a, Carmel khua hui ah leitang nei hi. Ama sia a hau mama pa khat hi a, tuu 3,000 le keal 1,000 nei hi. A zi Abigail sia a mealhoi in pil hi, ahihang a pasal sia a iiciil a thin tom khat hi. Carmel khua ah Nabal in a tuute mul meet in om a,