Daniel 2:47 - Syin Chin Bible

⁴⁷ Kumpipa in, “Na Pathian sia pathian theampo sung pan a lianbel, kumpite tungah Topa hi a, thu telhakte a pualaak pa ahi hi. Hi thu ka he hi, banghang ziam cile nangma in hi thu telhak sia na pualaak thei hang hi” ci hi.

Daniel 2:47 Iomraidhean Croise

Pianciilna 41:39

Kumpipa in Joseph tungah, “Pathian in nang tungah hite theampo hong lak zo hi, tua ahikom nang saang a, a ciim zaw le thu thuk mu zaw kuama dang om ngawl ahi sia kilangh hi.

2 Kumpite 5:15

Ama in a mite theampo taw Elisha kungah hong heak kik a, “Tu in Israel ii Pathian ngawl pathian dang om ngawl hi ci in ka he hi; tua ahiciang topa awng, nong hesuakna in, kong piak letsong khat hong saang ta'n,” ci hi.

Job 12:19

Ama in thiampite le vaang nei mite kiniamkhiaksak hi.

Psalm Late 136:2

Pathiante theampo sung pan a lianbel pa tungah lungdamko vun, ama ii itna kip tawntung hi.

Psalm Late 136:3

To theampo sung pan a thahatbel pa tungah lungdamko vun, ama ii itna kip tawntung hi.

Psalm Late 72:11

Kumpipa a kici theampo in ama mai ah kun tu uh a; minam theampo in ama atu sepsak tu uh hi.

Psalm Late 82:1

Pathian in vantung council kikhopna ah hun uk hi; tua pathiante kikhopna sungah ama in thukhensat hi:

Psalm Late 96:4

Topa sia lian a, nasia tatakin pok tu ahi hi; pathian dang theampo sangin ama vaang piak zawk tu ahi hi.

Ezekiel 26:7

Vaanglianpipa Topa in, “Kumpi theampo sung pan a lianbel kumpi — Babylon kumpipa Nebuchadnezzar — sia Tyre khua sim tu in kong kuansak tu hi. Ama in saksang panin ngalkap honpui khat taw siphu le siphu ngalleangte le siphu ngalkapte taw hong kuan tu hi.

Daniel 11:36

“Syria kumpipa in ama uuk babangin ngamta tu hi. Ama in pathian khat pawpo sangin ka lian zaw a, a Lianbel Pathian sang zongin lian zaw ing, ci in kisathei tu hi. Ama sia Pathian ii daan a piak matengin tubangin kiphasak thei tu hi. Pathian in ama ii ngeal sa bang vateak in vawt tu hi.

Daniel 2:19

Tuasia ciang tua zanin tua thu tumdang sia Daniel mukholna sungah kipualaak hi, tuaciang ama in vantung Pathian a pok hi:

Daniel 2:22

Ama in thuthukte le thukute pualaak hi; ama in khuazing sungah a kiphualte he a, ama mama sia khuavak in uumci hi.

Daniel 2:28

Ahihang thutumdangte a pualaak vantung ah Pathian khat om hi. Ama in maisang thupiang tute, Nangma Kumpipa tungah hong hil zo hi. Na mut laitak a na mu kholna, tua mang sia tu in kong son tu hi.

Daniel 2:29

“Kumpipa awng, na mut laitakin, maisang hong piang tute mang in na man hi; thutumdangte a pualaak Pathian in a piang tu thu hong lak hi.

Daniel 2:30

Tu in midangte saangin ka pil zawk man hi ngawl hi, ahizong Nangma kumpipa ii na mang khiakna le na ngaisut thute na heak natu in hi thu tumdang sia kei tungah hong kipualaak hi.

Daniel 2:37

Kumpipa awng, nangma in kumpi theampo sung panin a lianbel na hi hi. Vantung Pathian in nang sia kumpi lian in hong koi zo a, vaangletna, thahatna le upatna hong pia zo hi.

Daniel 3:15

Tua ahiciang tu in lemlete, oboe te, liamlo te, zither te, tengtonghte le a dang tum thei tuatuam theampo ii aw na zaak po uh ciang kun in tua milim bia vun. Na bia bua uh le, thakhat thu in a lingh meiphual sungah hong kikhia tu hi. No hong hun zo tu pathian khat pawpo om tu in um nu ziam?” ci hi.

Daniel 3:28

Kumpipa in, “Shadrach, Meshach le Abednego ii Pathian pok vun! Ama in a vantunglalang sawl a, ama muangin, ama na a seam hi mihingte suatak hi. Amate in ka thupiakte ni ngawlin amate ii Pathian simngawl pathian dang khat pawpo mai ah kunin a biak tu sangin a nuntak nate khaam zaw uh hi.

Daniel 3:29

“Tuaciang tu in minam, minam khen ahibuale paunam khat po sung pan a kuama po in Shadrach, Meshach le Abednego ii Pathian sonsiatna kampau a om le a khut a peang kisemtham tu a, a inn sia niinthuk kisuaksak tu hi, ci in thu ka pia hi. Hi bangin a suatak thei pathian dang om ngawl hi,” ci hi.

Daniel 4:17

Hi thu sia a pilvang le a phawk vilvel vantunglalangte ii thukhenna ahi hi. Tua ahiciang mun theampo ah om mihing theampo in, Lianbel Pathian in mihing kumpi ngamte tungah vaang nei a, ama ii teal khat pawpo — mihing thupi ngawl belte ngawngawn tungah zongh kumpi ngamte pia thei hi ci thu he tahen, ci in thangsak hi.’

Daniel 4:25

Mihing huamsung panin hong kihawlkeak tu a, ngamsate taw na teang khawm tu hi. Khuital khat bangin kum sali sung lopa ne in lozau sungah zan na ngiak tu a, na tungah daaitui hong kia tu hi. Tuaciang Lianbel Pathian in mihing kumpi ngamte uk a, tuate sia ama ii teal khat pawpo pia thei hi ci sia na saang tu hi.

Daniel 4:32

Nangma sia mihing huamsung pan hong kibeng tu a, ngamsate taw teang khawmin, khuital khat bangin kum sali sung lopa na ne tu hi. Tuaciang, Lianbel Pathian in mihing kumpi ngamte uk a, a teal khat pawpo tungah kumpi ngamte pia thei ahi hunlam na he tu hi,” ci hi.

Daniel 5:11

Na ngam sungah a thiangtho pathiante ii thaa a nei mihing khat om hi. Na pa kumpi ahi lai in, hi sia pa in, pathiante ii ciimna taw kibangin ciimna, heakna le ngaisut thiamna nei hi. Tuaciang na pa, Nebuchadnezzar kumpipa in ama sia aisaan theite, mitbum thiamte, bumtoai aitoaite le aksi enthiamte a ukpi tu in koi hi.

Amos 3:7

Vaanglianpipa Topa in a naseam kamsaangte tungah a tupna kilanghsak phot ngawlin bangma seam ngeingawl hi.

1 Corinth te 14:25

ama ii thuku a ngaisut teng a pua ah hong kilangh tu a, ama in kunin Pathian bia in, “A maan tatakin Pathian sia hi sung, note sungah om hi!” ci in pualaak tu hi.

Thuhil kikna 10:17

Topa na Pathian sia pathiante theampo tung le a vaang nei theampo tungah thu neibel hi. Ama lian in thahat a, kiitak tu ahi hi. Ama in nguptuam nei ngawl a, sumnguk saang ngawl hi.

1 Timothy 6:15

Kumpite ii Kumpi, topa te ii Topa, thupha sang Ukpa khat bek ahi Pathian in a hun a tun ciangin ama hong kilanghsak tu hi.

Joshua 22:22

“A Thahatpipa sia Pathian hi! Ama sia Topa hi! A Thahatpipa sia Pathian hi! Ama sia Topa hi! Ama in hisia banghangin vawt khu ziam ci in hong he hi, tuaciang no zongh in he le uhte kong oai hi. Topa ka upna keamcing ngawlin, ka langpan uh le hong nungtasak heak vun!

Thupualaakna 1:5

a thumaan tetti hi a, thina pan kithosak kik masa leitung kumpite theampo a ukpa Jesus Christ kung pan thuthiamna le thinnopna sia note aa hi tahen. Ama in ei hong it a, ama chisan hangin eite, mawna pan hong suatak hi,

Thupualaakna 17:14

Amate in Tuuno sia do tu uh hi; ahihang Tuuno in ama sapsa, tealsa le a thumaan nungzuite taw kopin zothal tu uh hi, banghang ziam cile ama sia topate ii Topa, kumpite ii Kumpipa ahi hi,” ci hi.

Thupualaakna 19:16

A puantual tung le a pheizang tungah, “kumpite ii Kumpipa, topate ii Topa,” ci in a min ki at hi.