Daniel 2:46 - Syin Chin Bible

⁴⁶ Tuaciang Nebuchadnezzar kumpipa lei ah kunsuk in, sangaw biakpiaknate le biakpiaknate Daniel tungah vawt tu in thupia hi.

Daniel 2:46 Iomraidhean Croise

Ezra 6:10

Vantung Pathian ii a saan thei tu in sangaw biakpiakna a piak thei natu le keima le ka tapate atu in thupha nong nget thei natu in hisia sep tu ahi hi.

Daniel 3:5

Lemle aw na za tu uh a, tua zomin tum thei oboe te, liamlo te, zither te le tengtonghte; tuaciang a dang tum thei theampo in hunghuan tu hi. Tum thei teng hong kitum po ciang, Nebuchadnezzar ii phu sa khamh milim mai ah kunin na bia tu uh hi.

Daniel 3:7

Tuabangin, ngam theampo, minam theampo le paunam theampo pan mihingte in tum theite awte a zaak pawpo uh ciang, kunin Nebuchadnezzar phu sa khamh milim bia uh hi.

Daniel 8:17

Gabriel hong pai in ka kungah hong ding a, lau mama ka hikom lei ah ka puk hi. Ama in kei tungah, “A thithei mihing awng, a khiakna tel in. Na mukholna sia leitung bo natu thu taw kisai hi,” hong ci hi.

Thiampite 26:31

na khuapite ka lalcipsak tu a, na biakna munte siasak in, na sangaw biakpiaknate kong saang buatu hi.

Luke 17:16

Ama in Jesus peang ah bokin, lungdamko hi. “Hisia pa sia Samaria mi ahi hi.

Sawltakte 10:25

Peter sia inn sung tum tu a kithoai ciangin Cornelius in muak a, a peang ah bokin ama mai ah a kun hi.

Sawltakte 14:13

Zeus pathian biakinn sia khuapi pua sangah om a, a thiampipa in khuitalte le paakte taw biakpiakna vawt natu in, khuapi kongbiang ah paipui hi. Banghang ziam cile, ama le mihonpite in sawltakte sangaw biakpiakna pia nuam uh hi.

Sawltakte 28:6

Amate in Paul sia a ci a sa tum keak tu a, tua ahibuale, pukvawk in a thi tu ngak hi. Ahihang ngei hialma a thi tu a ngak zawk uh ciang, a tumdang piang ngawl ahikom, a ngaisutna uh kheal kik a, “Ama sia pathian khat hi ei!” ci uh hi.

Thupualaakna 11:16

Tuasia ciang a kumpi tokhumte taw Pathian mai ah a to upa kul le lite bokin Pathian bia uh a:

Thupualaakna 19:10

A peang ah ama bia tu in ka bok hi, ahihang, ama in, “Hong bia heak in! Keima in, Jesus ii hong pualaak thumaan thutak a kholet nangma le na suapuite theampo taw naseam khawm khat ka hi hi. Pathian bia in!” hong ci hi. Banghang ziam cile Jesus ii hong pualaak thumaan thutakin kamsaangte thinsung a hil sia ahi hi.

Thupualaakna 22:8

Keima John in hite theampo ka za zo a, ka mu zo hi. Tuaciang ka zaak zawkciang le ka mu zawkciangin, vantunglalang peang ah ka bok a, hi nate hong lak vantunglalang sia bia tu in ka kipan hi.